- Home
- Life
- Health
- ഡയറ്റും വ്യായാമവും ചെയ്ത് വണ്ണം കുറച്ചോ? ഇനി ഭാരം കൂടാതെയിരിക്കാൻ നാല് കാര്യങ്ങൾ ശ്രദ്ധിച്ചോളൂ
ഡയറ്റും വ്യായാമവും ചെയ്ത് വണ്ണം കുറച്ചോ? ഇനി ഭാരം കൂടാതെയിരിക്കാൻ നാല് കാര്യങ്ങൾ ശ്രദ്ധിച്ചോളൂ
ഡയറ്റും വ്യായാമവും ചെയ്തുമെല്ലാം അമിതവണ്ണം കുറയ്ക്കാറുണ്ട്. നിങ്ങൾ വിചാരിച്ച ഭാരം എത്തിക്കഴിഞ്ഞാൽ പിന്നെ അത് എങ്ങനെ കൂടാതെ കൊണ്ട് പോകാമെന്നതിനെ കുറിച്ച് പലരും ചിന്തിക്കാറുണ്ട്.
ഡയറ്റും വ്യായാമവും ചെയ്ത് വണ്ണം കുറച്ചോ? ഇനി ഭാരം കൂടാതെയിരിക്കാൻ നാല് കാര്യങ്ങൾ ശ്രദ്ധിച്ചോളൂ
ഡയറ്റും വ്യായാമവും ചെയ്തുമെല്ലാം അമിതവണ്ണം കുറയ്ക്കാറുണ്ട്. നിങ്ങൾ വിചാരിച്ച ഭാരം എത്തിക്കഴിഞ്ഞാൽ പിന്നെ അത് എങ്ങനെ കൂടാതെ കൊണ്ട് പോകാമെന്നതിനെ കുറിച്ച് പലരും ചിന്തിക്കാറുണ്ട്. പലർക്കും യഥാർത്ഥ വെല്ലുവിളി തുടങ്ങുന്നത് ഈ ഘട്ടത്തിലാണ്. മാസങ്ങളോളം നീണ്ട ഡയറ്റിംഗിനും വ്യായാമത്തിനും ശേഷം, അല്പം അയവുവരുത്താനും ശരീരഭാരം കൂടാൻ കാരണമായ പഴയ ശീലങ്ങളിലേക്ക് പതുക്കെ മടങ്ങാനും എളുപ്പമാണ്.
ശരീരഭാരം നിലനിർത്താനുള്ള 4 എളുപ്പവഴികളെ കുറിച്ച യാഷ് പറയുന്നു.
കുറച്ച ഭാരം നിലനിർത്താനുള്ള നാല് വഴികളെ കുറിച്ച് 'TrainedByYVS'-ന്റെ സ്ഥാപകനും ട്രാൻസ്ഫോർമേഷൻ കോച്ചുമായ യാഷ് വർദ്ധൻ സ്വാമി വ്യക്തമാക്കുന്നു. കുറച്ച ഭാരം തിരികെ കൂടാതെ ശരീരഭാരം നിലനിർത്താനുള്ള 4 എളുപ്പവഴികളെ കുറിച്ച യാഷ് പറയുന്നു.
പഴയ ഭക്ഷണരീതിയിലേക്ക് പൂർണ്ണമായും മടങ്ങുന്നത് ഭാരം കൂട്ടാം.
ഭാരം കുറയ്ക്കാനായി കഴിച്ചിരുന്ന അതേ ഡയറ്റ് ഫോളോ ചെയ്യണമെന്നില്ല. എന്നാൽ, പഴയ ഭക്ഷണരീതിയിലേക്ക് പൂർണ്ണമായും മടങ്ങുന്നത് ഭാരം കൂട്ടാം. അടിസ്ഥാനപരമായ കാര്യങ്ങൾ ശ്രദ്ധിക്കുക. സമീകൃതാഹാരം കഴിക്കുക, ആവശ്യത്തിന് പ്രോട്ടീൻ ഉറപ്പാക്കുക, പഴങ്ങളും പച്ചക്കറികളും ഉൾപ്പെടുത്തുക, സംസ്കരിച്ച ഭക്ഷണങ്ങൾ എത്ര തവണ കഴിക്കുന്നു എന്നതിൽ ശ്രദ്ധ പുലർത്തുക എന്നിവയാണ് ശ്രദ്ധിക്കേണ്ട കാര്യങ്ങൾ.
ജീവിതശൈലിയുമായി യോജിച്ചുപോകുന്ന ഒരു ഭക്ഷണരീതി കണ്ടെത്തുക
ഇടയ്ക്കിടെ ഇഷ്ടഭക്ഷണങ്ങൾ കഴിക്കുന്നതിനും തെറ്റില്ല. നിങ്ങളുടെ സാധാരണ ജീവിതശൈലിയുമായി യോജിച്ചുപോകുന്ന ഒരു ഭക്ഷണരീതി കണ്ടെത്തുക എന്നതാണ് ഇതിന്റെ ലക്ഷ്യം.
സ്ട്രെങ്ത് ട്രെയിനിംഗ് (കരുത്ത് വർദ്ധിപ്പിക്കാനുള്ള വ്യായാമം), നടത്തം അല്ലെങ്കിൽ മറ്റ് വ്യായാമങ്ങൾ പതിവായി തന്നെ ചെയ്യുക.
വെറുതെ ഭാരം കുറയ്ക്കാൻ വേണ്ടിയല്ല വ്യായാമം ചെയ്യുന്നത്. മറിച്ച്, കരുത്തുള്ളവരും ഊർജ്ജസ്വലരും ആരോഗ്യവാന്മാരുമായിരിക്കാൻ വേണ്ടിയാണ്. ഇതിൽ സ്ട്രെങ്ത് ട്രെയിനിംഗ് (കരുത്ത് വർദ്ധിപ്പിക്കാനുള്ള വ്യായാമം), നടത്തം അല്ലെങ്കിൽ മറ്റ് വ്യായാമങ്ങൾ പതിവായി തന്നെ ചെയ്യുക.
ശരീരഭാരത്തിൽ സ്വാഭാവികമായ ഏറ്റക്കുറച്ചിലുകൾ ഉണ്ടാകാം
ഭാരം അല്പം കൂടിയാൽ തളരേണ്ട കാര്യമില്ല. ശരീരഭാരത്തിൽ സ്വാഭാവികമായ ഏറ്റക്കുറച്ചിലുകൾ ഉണ്ടാകാം. എന്നാൽ, അനാരോഗ്യകരമായ ശീലങ്ങൾ പതിയെ വീണ്ടും ജീവിതത്തിന്റെ ഭാഗമായി മാറുന്നതാണ് ശരീരഭാരം കൂട്ടാം. വ്യായാമം മുടങ്ങുന്നതോ, പുറത്തുനിന്നുള്ള ഭക്ഷണം പതിവാക്കുന്നതോ, മാനസിക സമ്മർദ്ദമുണ്ടാകുമ്പോൾ ഇടയ്ക്കിടെ ഭക്ഷണം കഴിക്കാൻ തോന്നുകയോ ചെയ്യുന്നതെല്ലാം ശരീരഭാരം കൂട്ടാം. അതിനാൽ ഇക്കാര്യങ്ങൾ ശ്രദ്ധിക്കുക.
നിങ്ങളെ അമിതമായി ഭക്ഷണം കഴിക്കാൻ പ്രേരിപ്പിക്കുന്ന ഘടകങ്ങൾ തിരിച്ചറിയേണ്ടത് പ്രധാനമാണ്.
ചിലരെ സംബന്ധിച്ചിടത്തോളം, പ്രശ്നം ഒരിക്കലും ഭക്ഷണം മാത്രമായിരുന്നില്ല. മാനസിക സമ്മർദ്ദം, വിരസത, വൈകാരികമായ കാരണങ്ങളാൽ ഭക്ഷണം കഴിക്കൽ (emotional eating), അതുപോലെ എന്നിവയെല്ലാം ഇതിൽ വലിയൊരു പങ്ക് വഹിക്കുന്നുണ്ട്. നിങ്ങളെ അമിതമായി ഭക്ഷണം കഴിക്കാൻ പ്രേരിപ്പിക്കുന്ന ഘടകങ്ങൾ തിരിച്ചറിയേണ്ടത് പ്രധാനമാണ്.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam
