അണ്ഡാശയ ക്യാൻസർ ; ഈ തുടക്ക ലക്ഷണങ്ങൾ സ്ത്രീകൾ ഒരിക്കലും അവഗണിക്കരുത്

രോഗം നേരത്തേ കണ്ടെത്തുന്നതിനും ലക്ഷണങ്ങളെക്കുറിച്ചും ഗവേഷണത്തെക്കുറിച്ചും അവബോധം നൽകുന്നതിനായി സെപ്റ്റംബർ മാസത്തിൽ ആഗോളതലത്തിൽ അണ്ഡാശയ ക്യാൻസർ ബോധവൽക്കരണ മാസം ആചരിക്കുന്നു.((യുകെയിൽ മാർച്ചിലും ഓസ്‌ട്രേലിയയിൽ ഫെബ്രുവരിയിലുമാണ് ഇത് ആചരിക്കുന്നത്).

Image Credit : Getty

അണ്ഡാശയ ക്യാൻസർ ; ഈ തുടക്ക ലക്ഷണങ്ങൾ സ്ത്രീകൾ ഒരിക്കലും അവഗണിക്കരുത്

രോഗം നേരത്തേ കണ്ടെത്തുന്നതിനും ലക്ഷണങ്ങളെക്കുറിച്ചും ഗവേഷണത്തെക്കുറിച്ചും അവബോധം നൽകുന്നതിനായി സെപ്റ്റംബർ മാസത്തിൽ ആഗോളതലത്തിൽ അണ്ഡാശയ ക്യാൻസർ ബോധവൽക്കരണ മാസം ആചരിക്കുന്നു.((യുകെയിൽ മാർച്ചിലും ഓസ്‌ട്രേലിയയിൽ ഫെബ്രുവരിയിലുമാണ് ഇത് ആചരിക്കുന്നത്).

Image Credit : Getty

അണ്ഡാശയ ക്യാൻസർ നേരത്തേ തിരിച്ചറിയുക പ്രയാസകരമാണ്

സ്ത്രീകളുടെ പ്രത്യുൽപാദന വ്യവസ്ഥയിൽ അണ്ഡങ്ങൾ രൂപപ്പെടുന്ന ചെറിയ അവയവങ്ങളായ അണ്ഡാശയങ്ങളിൽ (ovaries) നിന്നാണ് അണ്ഡാശയ ക്യാൻസർ ആരംഭിക്കുന്നത്. രോഗലക്ഷണങ്ങൾ പലപ്പോഴും രോഗം പുരോഗമിച്ച ഘട്ടങ്ങളിൽ മാത്രമേ പ്രകടമാകാറുള്ളൂ എന്നതിനാൽ, അണ്ഡാശയ ക്യാൻസർ നേരത്തേ തിരിച്ചറിയുക പ്രയാസകരമാണ്.

Image Credit : Getty

രോഗം സ്ഥിരീകരിക്കുമ്പോഴേക്കും മൂന്നിൽ രണ്ട് കേസുകളിലും ക്യാൻസർ ശരീരത്തിന്റെ മറ്റ് ഭാഗങ്ങളിലേക്ക് വ്യാപിച്ചിട്ടുണ്ടാകും.

രോഗലക്ഷണങ്ങൾ കണ്ടുതുടങ്ങുമ്പോൾ, അവ പലപ്പോഴും വയറ്റിൽ ദ്രാവകം കെട്ടിക്കിടക്കുന്നതുമൂലം (അസൈറ്റീസ്) ഉണ്ടാകുന്നവയായിരിക്കും. ഇത് വേദനയ്ക്കും വയറു വീർക്കുന്നതിനും കാരണമാകുന്നു. അണ്ഡാശയ ക്യാൻസർ അതീവ ഗൗരവകരമായ ഒരു രോഗമാണ്. കാരണം, രോഗം സ്ഥിരീകരിക്കുമ്പോഴേക്കും മൂന്നിൽ രണ്ട് കേസുകളിലും ക്യാൻസർ ശരീരത്തിന്റെ മറ്റ് ഭാഗങ്ങളിലേക്ക് വ്യാപിച്ചിട്ടുണ്ടാകും.

Image Credit : Getty

അണ്ഡാശയ ക്യാൻസറിനെ മൂന്ന് തരങ്ങളായി തിരിക്കാം.

അണ്ഡാശയ ക്യാൻസറിനെ മൂന്ന് തരങ്ങളായി തിരിക്കാം. എപ്പിത്തീലിയൽ അണ്ഡാശയ ക്യാൻസർ (Epithelial ovarian cancer) ആണ് ആദ്യത്തെ. അണ്ഡാശയത്തെ ആവരണം ചെയ്യുന്ന കോശങ്ങളിൽ നിന്നാണ് ഈ ട്യൂമറുകൾ വളരുന്നത്. അണ്ഡാശയ ക്യാൻസർ കേസുകളിൽ പത്തിൽ ഒമ്പതെണ്ണവും ഈ വിഭാഗത്തിൽ പെടുന്നവയാണ്. അതായത്, ഏറ്റവും സാധാരണയായി കണ്ടുവരുന്ന തരം ക്യാൻസറാണിത്. ഇതിന് പല ഉപവിഭാഗങ്ങളുമുണ്ട്.

Image Credit : Getty

ജേം സെൽ അണ്ഡാശയ ട്യൂമറുകൾ (Germ cell ovarian tumors) ആണ് രണ്ടാമത്തേത്.

ജേം സെൽ അണ്ഡാശയ ട്യൂമറുകൾ (Germ cell ovarian tumors) ആണ് രണ്ടാമത്തേത്. അണ്ഡം ഉൽപ്പാദിപ്പിക്കുന്ന കോശങ്ങളിൽ നിന്നാണ് ഇവ വളരുന്നത്. ഇത് വളരെ അപൂർവ്വമാണെങ്കിലും, കുട്ടികളിലും കൗമാരക്കാരിലുമാണ് കൂടുതലായി കണ്ടുവരുന്നത്. സ്ട്രോമൽ അണ്ഡാശയ ക്യാൻസർ (Stromal ovarian cancer) ആണ് മൂന്നാമത്തേത്. അണ്ഡാശയത്തിലെ സംയോജക കലകളിൽ നിന്നാണ് ഈ ട്യൂമറുകൾ വളരുന്നത്. ഇവ പലപ്പോഴും ഹോർമോണുകൾ ഉൽപ്പാദിപ്പിക്കാറുണ്ട്. അണ്ഡാശയ ക്യാൻസറുകളിൽ ഏറ്റവും അപൂർവ്വമായ തരം ക്യാൻസറാണിത്.

Image Credit : Getty

ലക്ഷണങ്ങൾ മറ്റ് സാധാരണ രോഗാവസ്ഥകളുടേതിന് സമാനമായിരിക്കാം

അണ്ഡാശയ ക്യാൻസറിന്റെ ലക്ഷണങ്ങൾ തുടക്കത്തിൽ ഉണ്ടാകണമെന്നില്ല. രോഗം ഉദരഭാഗത്തേക്ക് വ്യാപിക്കുമ്പോഴാണ് ലക്ഷണങ്ങൾ കണ്ടുതുടങ്ങുന്നത്. ലക്ഷണങ്ങൾ മറ്റ് സാധാരണ രോഗാവസ്ഥകളുടേതിന് സമാനമായിരിക്കാം.

Image Credit : Getty

വയറു വീർക്കുകയോ അസ്വസ്ഥത അനുഭവപ്പെടുകയോ ചെയ്യുക, ഭക്ഷണം കഴിച്ചു തുടങ്ങിയ ഉടൻ തന്നെ വയറു നിറഞ്ഞതായി തോന്നുക

പെൽവിക് ഭാഗത്തോ നടുവിലോ വയറിലോ വേദന അനുഭവപ്പെടുക, വയറു വീർക്കുകയോ അസ്വസ്ഥത അനുഭവപ്പെടുകയോ ചെയ്യുക, ഭക്ഷണം കഴിച്ചു തുടങ്ങിയ ഉടൻ തന്നെ വയറു നിറഞ്ഞതായി തോന്നുകയോ വിശപ്പില്ലായ്മ അനുഭവപ്പെടുകയോ ചെയ്യുക, ക്ഷീണം തോന്നുക, ലൈംഗിക ബന്ധത്തിനിടയിലുള്ള വേദന, അസാധാരണമായ യോനീസ്രാവം (രക്തസ്രാവം), വയറിളക്കം അല്ലെങ്കിൽ മലബന്ധം, അമിതമായി മൂത്രമൊഴിക്കേണ്ടി വരിക, കാരണമില്ലാതെ ശരീരഭാരം കുറയുക എന്നതാണ് അണ്ഡാശയ ക്യാൻസറിന്റെ പ്രധാനപ്പെട്ട ലക്ഷണങ്ങൾ‌.