മുറിച്ച ആപ്പിൾ കറുക്കാതിരിക്കാൻ ഇതാ ചില അടുക്കള ടിപ്പുകൾ

മുറിച്ചുവെച്ച ആപ്പിൾ കറുക്കുന്നത് സാധാരണമാണ്. ഇത് കഴിക്കുന്നത് ദോഷമല്ലെങ്കിലും നിറം മാറിയ ആപ്പിൾ പലർക്കും ഇഷ്ടമല്ല. ഇത്തരത്തിൽ ആപ്പിൾ കറുക്കാതിരിക്കാൻ ഇതാ ചില അടുക്കള ടിപ്പുകൾ.

Image Credit : Getty

നാരങ്ങ വെള്ളം

ഒരു ഗ്ലാസ് വെള്ളത്തിൽ നാരങ്ങ പിഴിഞ്ഞതിന് ശേഷം മുറിച്ചുവെച്ചിരിക്കുന്ന ആപ്പിൾ ഈ വെള്ളത്തിൽ മുക്കിയെടുത്താൽ മതി. ഇത് ആപ്പിൾ കറുക്കുന്നത് ചെറുക്കും.

Image Credit : Getty

തേൻ വെള്ളം

ഒരു ഗ്ലാസ് വെള്ളത്തിൽ അല്പം തേൻ ചേർത്ത് നന്നായി ഇളക്കാം. ശേഷം മുറിച്ചുവെച്ച ആപ്പിൾ ഈ വെള്ളത്തിൽ മുക്കിയെടുത്താൽ മതി.

Image Credit : Getty

ഉപ്പ് വെള്ളം

ആപ്പിൾ കറുക്കുന്നത് തടയാൻ ഉപ്പ് വെള്ളവും ഉപയോഗിക്കാവുന്നതാണ്. ഒരു ഗ്ലാസ് തണുത്ത വെള്ളത്തിൽ അല്പം ഉപ്പ് ചേർത്ത് നന്നായി കലർത്താം. ശേഷം ആപ്പിൾ മുക്കിയെടുത്താൽ മതി.

Image Credit : Pixabay

വായുകടക്കാത്ത പാത്രം

മുറിച്ചുവെച്ച ആപ്പിൾ വായുകടക്കാത്ത പാത്രത്തിലാക്കി ഈർപ്പമുള്ള പേപ്പർ ടവലിൽ പൊതിഞ്ഞ് വെയ്ക്കാം. ഇത് ആപ്പിൾ കറുക്കുന്നതിനെ ചെറുക്കും.

Image Credit : Pixabay

നേരത്തെ മുറിച്ചുവെയ്ക്കരുത്

ആപ്പിൾ കഴിക്കുന്നതിന് മുമ്പ് മാത്രം മുറിക്കാം. ഇത് പെട്ടെന്ന് കറുക്കുന്നതിനെ തടയും. നേരത്തെ മുറിച്ചുവെയ്ക്കുന്നത് ആപ്പിളിന്റെ നിറം മാറാൻ കാരണമാകും.