- Home
- Money
- പലിശയിൽ നിന്ന് മാത്രം 2 ലക്ഷത്തിലധികം രൂപ സമ്പാദിക്കാം; പോസ്റ്റ് ഓഫീസിൻ്റെ ഈ ഗംഭീര സേവിംഗ്സ് പദ്ധതിയെക്കുറിച്ചറിയാമോ?
പലിശയിൽ നിന്ന് മാത്രം 2 ലക്ഷത്തിലധികം രൂപ സമ്പാദിക്കാം; പോസ്റ്റ് ഓഫീസിൻ്റെ ഈ ഗംഭീര സേവിംഗ്സ് പദ്ധതിയെക്കുറിച്ചറിയാമോ?
ഓഹരി നിക്ഷേപങ്ങളുടെയും എസ്ഐപികളുടെയും ഈ കാലത്തും പോസ്റ്റ് ഓഫീസ് നിക്ഷേപ പദ്ധതികൾക്ക് ജനപ്രീതി കുറവല്ല. അതിലൊന്നാണ് എൻഎസ്സി അഥവാ നാഷണൽ സേവിംഗ്സ് സർട്ടിഫിക്കറ്റ്. ഈ പദ്ധതിയിൽ പണം നിക്ഷേപിച്ച് പലിശയിലൂടെ മാത്രം 2 ലക്ഷം രൂപ അനായാസം നിങ്ങള്ക്ക് നേടാം.
ഭാവിയെക്കുറിച്ച് ചിന്തിച്ച് പലരും പല കാര്യങ്ങളും ചെയ്യാറുണ്ട്. ചിലർ നല്ല ലാഭത്തിനായി വിവിധ സ്കീമുകളില് നിക്ഷേപിക്കുന്നു, മറ്റുചിലർ ബാങ്കിൽ പണം നിക്ഷേപിക്കുന്നു. എന്നാൽ എവിടെ നിക്ഷേപിച്ചാലാണ് മികച്ച വരുമാനം ലഭിക്കുകയെന്ന് അറിയാത്തവരുമുണ്ട്. നിങ്ങളും ഇതേ പ്രശ്നം നേരിടുന്നുണ്ടോ?
നിക്ഷേപ നിയമങ്ങൾ പാലിച്ചാൽ, പോസ്റ്റ് ഓഫീസ് ചെറുകിട സമ്പാദ്യ പദ്ധതികൾക്ക് അപകടസാധ്യതകളില്ലാതെ മികച്ച വരുമാനം നൽകാൻ കഴിയും. റിസ്ക് ഇല്ലാതെ ഉയർന്ന വരുമാനം നേടാൻ ആഗ്രഹിക്കുന്നുവെങ്കിൽ എൻഎസ്സി പോലുള്ള പദ്ധതികൾ മികച്ച ഓപ്ഷനാണ്.
എന്താണ് പോസ്റ്റ് ഓഫീസ് നാഷണൽ സേവിംഗ്സ്?
പലിശയിലൂടെ മാത്രം മികച്ച വരുമാനം നേടാൻ സഹായിക്കുന്ന ഒരു പദ്ധതിയാണ് നാഷണൽ സേവിംഗ്സ് സർട്ടിഫിക്കറ്റ് (NSC). വെറും 1,000 രൂപ മുതൽ ഈ സ്കീമില് നിക്ഷേപം ആരംഭിക്കാം. 5 വർഷമാണ് ഈ പദ്ധതിയുടെ ലോക്ക്-ഇൻ കാലയളവ്.
പോസ്റ്റ് ഓഫീസിൻ്റെ ചെറുകിട സമ്പാദ്യ പദ്ധതികളിലെ ഒരു സൂപ്പർഹിറ്റ് സ്കീമാണ് നാഷണൽ സേവിംഗ്സ് സർട്ടിഫിക്കറ്റ്. ഇടത്തരക്കാർക്കും വിരമിക്കൽ പ്ലാൻ ചെയ്യുന്നവർക്കും ഇടയിൽ ഇത് ജനപ്രിയമാണ്. കുറഞ്ഞ നിക്ഷേപം 1,000 രൂപ. ഉയർന്ന നിക്ഷേപത്തിന് പരിധിയില്ല.
പോസ്റ്റ് ഓഫീസ് നാഷണൽ സേവിംഗ്സ് സർട്ടിഫിക്കറ്റ് ഉൾപ്പെടെയുള്ള എല്ലാ പദ്ധതികളിലെയും നിക്ഷേപം പൂർണ്ണമായും സുരക്ഷിതമാണ്. സർക്കാർ ഗ്യാരണ്ടിയുണ്ട്. 1000 രൂപ മുതൽ നിക്ഷേപം തുടങ്ങാം. നിലവിൽ 7.7% വാർഷിക പലിശയാണ് ഈ പദ്ധതിക്ക് ലഭിക്കുന്നത്.
ഈ സർക്കാർ പദ്ധതിയിൽ കൂട്ടുപലിശയാണ് നൽകുന്നത്. കാലാവധി പൂർത്തിയാകുമ്പോൾ, മുതലും പലിശയും ഉപഭോക്താവിൻ്റെ സേവിംഗ്സ് അക്കൗണ്ടിലേക്ക് അയയ്ക്കും. ഉയർന്ന പലിശ ലഭിക്കാൻ 5 വർഷത്തേക്ക് നിക്ഷേപിക്കണം. ഇതാണ് ലോക്ക്-ഇൻ കാലയളവ്.
ഏറ്റവും പുതിയ ബിസിനസ് വാർത്തകളുമായി Money News അപ്പ്ഡേറ്റായി തുടരൂ — മാർക്കറ്റ് ട്രെൻഡുകൾ, Share Market News വാർത്തകളുമായി Tax News, IPO, ബാങ്കിംഗ്, ഫിനാൻസ്, റിയൽ എസ്റ്റേറ്റ്, നിക്ഷേപം, സമ്പാദ്യം തുടങ്ങി സമഗ്രമായ വിവരങ്ങൾ നിങ്ങളുടെ കൈവശം. ദിവസേനയുള്ള Gold Rate Today സ്വർണവില മാറ്റങ്ങൾ എട്ടാം ശമ്പള കമ്മീഷൻ തുടങ്ങിയ വിഷയങ്ങളിലെ ഏറ്റവും പുതിയ അപ്ഡേറ്റുകളും വിദഗ്ധ വിശകലനങ്ങളും അറിയൂ.
