പ്രമേഹം ; തണുപ്പ്കാലത്ത് രക്തത്തിലെ പഞ്ചസാരയുടെ അളവ് നിയന്ത്രിക്കാൻ ഏഴ് മാർഗങ്ങൾ
പ്രമേഹമുള്ളവർക്ക് തുടർച്ചയായ പരിചരണവും ശ്രദ്ധയും ആവശ്യമാണ്. ശൈത്യകാലത്ത് രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിന് ഇതാ ചില മാർഗങ്ങൾ...
കേരളത്തിൽ പ്രമേഹ രോഗ ബാധിതരുടെ എണ്ണം ഒരോ വർഷവും കൂടുകയാണ്.ആരോഗ്യകരമായ ജീവിതശൈലി പിന്തുടരുക, ശാരീരികമായി സജീവമായിരിക്കുക, ആരോഗ്യകരമായ ഭക്ഷണം കഴിക്കുക, അനുയോജ്യമായ ശരീരഭാരം കുറയ്ക്കുകയോ നിലനിർത്തുകയോ ചെയ്യുക എന്നിവയിലൂടെ പ്രമേഹത്തെ നിയന്ത്രിക്കാനാകും.
താപനില കുറയുന്നതിനനുസരിച്ച് പല പ്രമേഹരോഗികളുടെയും രക്തത്തിലെ പഞ്ചസാരയുടെ അളവ് വർദ്ധിക്കുന്നു. പ്രമേഹമുള്ളവർക്ക് തുടർച്ചയായ പരിചരണവും ശ്രദ്ധയും ആവശ്യമാണ്. ശൈത്യകാലത്ത് രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിന് ഇതാ ചില മാർഗങ്ങൾ...
ഒന്ന്...
ശൈത്യകാലത്ത് വിവിധ രോഗങ്ങൾ പലരേയും അലട്ടുന്നു. ഇത് സമ്മർദ്ദത്തിന് കാരണമാകുകയും ആത്യന്തികമായി രക്തത്തിലെ പഞ്ചസാരയുടെ അളവ് വർദ്ധിപ്പിക്കുകയും ചെയ്യും. പ്രമേഹബാധിതർ മരുന്നുകൾ ഉപയോഗിക്കുമ്പോൾ നല്ല ശുചിത്വം പാലിക്കുക, ബാക്ടീരിയകളിൽ നിന്ന് മുക്തമാക്കാൻ എപ്പോഴും ഹാൻഡ് സാനിറ്റൈസർ കരുതുക.
രണ്ട്...
ഗ്ലൂക്കോസ് ടോളറൻസ് വർദ്ധിപ്പിക്കുകയും പ്രമേഹത്തെ നിയന്ത്രിക്കുകയും ചെയ്യുന്ന പോഷകങ്ങൾ ഉലുവയിൽ ധാരാളമുണ്ട്. 2 ടേബിൾസ്പൂൺ ഉലുവ രാത്രി മുഴുവൻ വെള്ളത്തിൽ കുതിർക്കാൻ വയ്ക്കുക. ശേഷം രാവിലെ വെറും വയറ്റിൽ കുടിക്കുക. ഇത് ഷുഗർ നില നിയന്ത്രിക്കാൻ സഹായിക്കുന്നു.
മൂന്ന്...
രക്തത്തിലെ ഗ്ലൂക്കോസിന്റെ അളവ് ഗണ്യമായ കാലാവസ്ഥാ വ്യതിയാനത്തിന് പ്രതികരണമായി മാറിയേക്കാം. അതിനാൽ തണുപ്പ്കാലത്ത് ഇടയ്ക്കിടെ പ്രമേഹ പരിശോധന നടത്തുന്നുണ്ടെന്ന് ഉറപ്പ് വരുത്തുക.
നാല്...
സമ്മർദ്ദവുമായി ബന്ധപ്പെട്ട ഹോർമോണുകൾ, കോർട്ടിസോൾ, വളർച്ചാ ഹോർമോണുകൾ, അഡ്രിനാലിൻ എന്നിവ കാലക്രമേണ കുറയ്ക്കുന്നത് രക്തത്തിലെ പഞ്ചസാര വർദ്ധിപ്പിക്കുന്ന ഹോർമോണുകൾ കുറയ്ക്കുന്നതിനുള്ള മികച്ച സമീപനമാണ്. അക്യുപങ്‌ചർ, അരോമാതെറാപ്പി, ഗൈഡഡ് ഇമേജറി, ബയോഫീഡ്‌ബാക്ക് എന്നിവയുൾപ്പെടെയുള്ള ചികിത്സകൾ പ്രമേഹത്തിനുള്ള സമ്മർദ്ദം കുറയ്ക്കുന്നതിനുള്ള മാർഗങ്ങളാണ്.
അഞ്ച്...
രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിന് നെല്ലിക്ക സഹായകമാണ്. കൂടാതെ വിറ്റാമിൻ സിയാൽ സമ്പന്നമാണ്. രക്തത്തിലെ പഞ്ചസാരയുടെ അളവ് സ്ഥിരമായി നിലനിർത്താൻ പാൻക്രിയാസിന് കൂടുതൽ ഫലപ്രദമായി പ്രവർത്തിക്കാൻ കഴിയും. എല്ലാ ദിവസവും രാവിലെ രണ്ട് ടേബിൾസ്പൂൺ നെല്ലിക്ക ജ്യൂസ് കുടിക്കുന്നത് പ്രമേഹം തടയാൻ മാത്രമല്ല രോഗപ്രതിരോധ സംവിധാനം മെച്ചപ്പെടുത്താനും സഹായിക്കും.
ആറ്...
നിങ്ങളുടെ ചർമ്മം വരണ്ടുപോകുകയും തണുപ്പിൽ പാദങ്ങൾ വരണ്ട് പൊട്ടുകയും ചെയ്യാം. ഇത് നിങ്ങളെ മുറിവുകൾക്കും അണുബാധകൾക്കും ഇരയാക്കാം. ശൈത്യകാലത്ത് അനുയോജ്യമായ പ്രമേഹ പാദരക്ഷകൾ ധരിക്കുക. നിങ്ങളുടെ പാദങ്ങളിൽ ജലാംശം നിലനിർത്തുക, ദിവസവും അവയെ നിരീക്ഷിക്കുക.
ഏഴ്...
വിറ്റാമിൻ ഡിയുടെ ഏറ്റവും മികച്ച ഉറവിടങ്ങളിൽ ഒന്നാണ് സൂര്യപ്രകാശം. പഠനങ്ങൾ അനുസരിച്ച്, ഇൻസുലിൻ ഉൽപ്പാദിപ്പിക്കുന്നതിന് വിറ്റാമിൻ ഡി ആവശ്യമാണ്. ദിവസവും 30 മിനിറ്റെങ്കിലും വെയിലത്ത് ഇരിക്കുന്നത് നല്ലതാണ്. ഇത് വിറ്റാമിൻ ഡിയുടെ അഭാവം തടയും. വിറ്റാമിൻ സി ലഭിക്കുന്നതിന് ധാന്യങ്ങൾ, ചീസ്, തൈര്, ഓറഞ്ച് ജ്യൂസ് എന്നിവ കഴിക്കാം.
'പാലിലും മായം', 'ഹൈഡ്രജന്‍ പെറോക്‌സൈഡ്' ചേർത്താലുള്ള ആരോഗ്യപ്രശ്നങ്ങൾ
