നമ്മൾ ആരോഗ്യകരമാണെന്ന് കരുതി ചെയ്യുന്ന പല കാര്യങ്ങളും കൊളസ്ട്രോൾ കുറയ്ക്കാൻ ഫലപ്രദമാകണമെന്നില്ല.
ശരീരത്തിൽ കൊളസ്ട്രോളിന്റെ അളവ് കൂടുമ്പോൾ വ്യായാമം ചെയ്തും ഡയറ്റിൽ മാറ്റങ്ങൾ വരുത്തിയും ഭക്ഷണക്രമീകരണം നടത്തുന്നത് സാധാരണമാണ്. എന്നാൽ നമ്മൾ ആരോഗ്യകരമാണെന്ന് കരുതി ചെയ്യുന്ന പല കാര്യങ്ങളും കൊളസ്ട്രോൾ കുറയ്ക്കാൻ ഫലപ്രദമാകണമെന്നില്ല. കൊളസ്ട്രോൾ നിയന്ത്രിക്കുന്നതിന് ഈ ശീലങ്ങൾ ഒഴിവാക്കിക്കോളു.
കൊഴുപ്പ് കുറഞ്ഞ ഭക്ഷണം മാത്രം കഴിക്കുന്നത്
കൊളസ്ട്രോൾ കുറയ്ക്കാൻ ഭക്ഷണത്തിൽ നിന്ന് കൊഴുപ്പ് പൂർണ്ണമായും ഒഴിവാക്കുന്നതാണ് നല്ലതെന്ന ധാരണ തെറ്റാണ്. ദിവസവും കഴിക്കുന്ന ഭക്ഷണത്തിൽ കുറഞ്ഞത് 35 ശതമാനമെങ്കിലും ആരോഗ്യകരമായ കൊഴുപ്പ് അടങ്ങിയിരിക്കണം. അതിനാൽ കൊഴുപ്പ് പൂർണ്ണമായി ഒഴിവാക്കുന്നതിന് പകരം ആരോഗ്യകരമായ കൊഴുപ്പുകൾ ഡയറ്റിൽ ഉൾപ്പെടുത്താൻ ശ്രദ്ധിക്കണം.
സപ്ലിമെന്റുകളെ അമിതമായി ആശ്രയിക്കുന്നത്
അമിതമായി സപ്ലിമെന്റുകളും കഴിക്കുന്നത് ആരോഗ്യത്തിന് നല്ലതല്ല. സമീകൃതമായ ആഹാരം, വ്യായാമം, ഡോക്ടർമാർ നിർദ്ദേശിക്കുന്ന മരുന്നുകൾ എന്നിവ നൽകുന്ന ഫലം ഇത്തരം സപ്ലിമെന്റുകളിൽ നിന്ന് ലഭിക്കില്ല. സപ്ലിമെന്റുകളെ അമിതമായി ആശ്രയിക്കുന്നത് ഒഴിവാക്കാം.
Related Articles
ഡയറ്റ് മാറ്റിയാൽ മാത്രം കൊളസ്ട്രോൾ കുറയുമെന്ന് കരുതുന്നത്
കൊളസ്ട്രോളിനെ സ്വാധീനിക്കുന്നത് ഭക്ഷണശീലം മാത്രമല്ല. പുകവലി ഉപേക്ഷിക്കുന്നതിലൂടെയും, ദിവസവും വ്യായാമം ചെയ്യുന്നതിലൂടെയും കൊളസ്ട്രോൾ കുറയ്ക്കാൻ സാധിക്കും. എന്നാൽ ചില ആളുകളിൽ കൃത്യമായ ഭക്ഷണവും വ്യായാമവും പിന്തുടർന്നാലും പാരമ്പര്യ ഘടകങ്ങൾ കാരണം കൊളസ്ട്രോൾ ഉയർന്ന നിലയിൽ തന്നെ തുടരാനും സാധ്യതയുണ്ട്.
