രക്തത്തിലെ പഞ്ചസാരയുടെ അളവ് പെട്ടെന്ന് കൂടുകയും കുറയുകയും ചെയ്യുമ്പോൾ മധുരം കഴിക്കാനുള്ള ആഗ്രഹം വർദ്ധിക്കുന്നു. ഭക്ഷണം വേഗത്തിൽ ദഹിക്കുകയോ, രക്തത്തിലെ പഞ്ചസാരയുടെ അളവ് അതിവേഗം ഉയരുകയും പെട്ടെന്ന് താഴുകയും ചെയ്യുകയോ ചെയ്താൽ മധുരം കഴിക്കാനുള്ള തീവ്രമായ ആഗ്രഹം ഉണ്ടായേക്കാം.
ഭക്ഷണത്തിന് ശേഷം മധുരം കഴിക്കാൻ ചിലർക്ക് തോന്നാറുണ്ട്. മിഠായിയോ കേക്കോ ഐസ്ക്രീമോ എന്തുമാകട്ടെ ഭക്ഷണത്തിന് ശേഷം കഴിക്കാനിഷ്ടമുള്ളവരുണ്ട്. ഭക്ഷണം കഴിഞ്ഞ് ഏകദേശം 1 മുതൽ 3 മണിക്കൂർ വരെയുള്ള സമയത്താണ് സാധാരണയായി മധുരം കഴിക്കാനുള്ള ആഗ്രഹം ഉണ്ടാകുന്നത്. ഇതിന് ചില കാരണങ്ങളുമുണ്ട്. രക്തത്തിലെ പഞ്ചസാരയുടെ അളവിലുണ്ടാകുന്ന ഏറ്റക്കുറച്ചിലുകളാണ് ഇതിന് കാരണമെന്ന് 'കറന്റ് ന്യൂട്രിയന്റ് റിപ്പോർട്ട്സ്' സൂചിപ്പിക്കുന്നു.
ഇടയ്ക്കിടെ മധുരം കഴിക്കാൻ തോന്നുന്നത് തികച്ചും സ്വാഭാവികമാണെന്ന കാര്യം മനസ്സിലാക്കേണ്ടതുണ്ട്. രക്തത്തിലെ പഞ്ചസാരയുടെ നിയന്ത്രണം, കുടലും തലച്ചോറും തമ്മിലുള്ള ആശയവിനിമയം എന്നിവയാണ് ഭക്ഷണം കഴിച്ചതിനുശേഷം മധുരം കഴിക്കാൻ തോന്നുന്നതിന്റെ പ്രധാന കാരണങ്ങൾ. ഭക്ഷണത്തിലെ കൃത്യമായ പോഷക സന്തുലിതാവസ്ഥ, ഭക്ഷണവിഭവങ്ങൾ, കുടലിന്റെയും തലച്ചോറിന്റെയും പ്രവർത്തനരീതികൾ എന്നിവയെല്ലാം ഭക്ഷണം കഴിച്ചതിനുശേഷം അമിതമായി മധുരം കഴിക്കാൻ തോന്നുന്നതിന് കാരണമായേക്കാം.
ഭക്ഷണത്തിന് ശേഷം മധുരം കഴിക്കാൻ തോന്നുന്നത് സ്വാഭാവികമാണ്. ഭക്ഷണ ലഭ്യത, രക്തത്തിലെ പഞ്ചസാരയുടെ അളവ് നിയന്ത്രിക്കപ്പെടുന്നത്, ഭക്ഷണം കഴിക്കുന്ന സമയം എന്നിവയെല്ലാം ഇതിനെ സ്വാധീനിക്കുന്നു. നിങ്ങൾ എന്താണ് കഴിക്കുന്നത്, എപ്പോൾ കഴിക്കുന്നു, എത്ര അളവിൽ കഴിക്കുന്നു എന്നീ കാര്യങ്ങൾ തമ്മിലുള്ള പരസ്പരബന്ധമാണ് ഇത്തരം ആഗ്രഹങ്ങൾക്ക് പിന്നിലുള്ളതെന്ന് 'ഹാർവാർഡ് ന്യൂട്രിഷൻ സോഴ്സസ്' (Harvard Nutrition Sources) വ്യക്തമാക്കുന്നു.
Related Articles
രക്തത്തിലെ പഞ്ചസാരയുടെ അളവ് പെട്ടെന്ന് കൂടുകയും കുറയുകയും ചെയ്യുമ്പോൾ മധുരം കഴിക്കാനുള്ള ആഗ്രഹം വർദ്ധിക്കുന്നു. ഭക്ഷണം വേഗത്തിൽ ദഹിക്കുകയോ, രക്തത്തിലെ പഞ്ചസാരയുടെ അളവ് അതിവേഗം ഉയരുകയും പെട്ടെന്ന് താഴുകയും ചെയ്യുകയോ ചെയ്താൽ മധുരം കഴിക്കാനുള്ള തീവ്രമായ ആഗ്രഹം ഉണ്ടായേക്കാം.
വെള്ള ബ്രെഡ്, മധുരം ചേർത്ത ധാന്യങ്ങൾ, മധുരം ചേർത്ത പാനീയങ്ങൾ, മധുരപലഹാരങ്ങൾ എന്നിവ രക്തത്തിലെ പഞ്ചസാരയുടെ അളവ് പെട്ടെന്ന് കുത്തനെ ഉയരുന്നതിന് കാരണമാകുന്നു. രക്തത്തിലെ പഞ്ചസാരയുടെ അളവ് പെട്ടെന്ന് കുറയുന്നത് മധുരം കഴിക്കാനുള്ള തീവ്രമായ ആഗ്രഹത്തിന് കാരണമായേക്കാം. ഉച്ചഭക്ഷണത്തിനോ അത്താഴത്തിനോ ശേഷമുള്ള മധുരത്തോടുള്ള ആഗ്രഹത്തെ ഇത്തരം വ്യതിയാനങ്ങൾ സ്വാധീനിച്ചേക്കാം.
രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിന് ദിവസം മുഴുവനുമായി കൃത്യമായ അളവിൽ പ്രോട്ടീൻ ഉൾപ്പെടുത്തേണ്ടതുണ്ട്. ദഹനപ്രക്രിയയുടെ വേഗത കുറയ്ക്കാനും, കൂടുതൽ നേരം വയറു നിറഞ്ഞതായി തോന്നിപ്പിക്കാനും, അമിതമായ വിശപ്പും ആഗ്രഹവും (cravings) കുറയ്ക്കാനും പ്രോട്ടീൻ സഹായിക്കുന്നുവെന്ന് 'ന്യൂട്രിയന്റ്സ് ജേണൽ' വ്യക്തമാക്കുന്നു. മോശം ഉറക്കവും മധുരം കഴിക്കാനുള്ള ആഗ്രഹം വർദ്ധിപ്പിക്കും. കാരണം, സമ്മർദ്ദവുമായി ബന്ധപ്പെട്ട ഹോർമോണുകൾക്ക് തലച്ചോറിലെ ചില പ്രവർത്തന-പാതകളെ (pathways) സജീവമാക്കാൻ കഴിയും.
