പാരിപ്പള്ളി സ്വദേശി സിജോയുടെ മോഷണം പോയ ബൈക്കിന് ഗതാഗത നിയമലംഘനത്തിന് വീണ്ടും പിഴ ലഭിച്ചു. ഹെൽമെറ്റില്ലാതെ യാത്ര ചെയ്യുന്ന മോഷ്ടാവിൻ്റെ ചിത്രം സഹിതം ചലാൻ ലഭിച്ചിട്ടും, പോലീസിന് പ്രതിയെ കണ്ടെത്താനായിട്ടില്ല.
കൊല്ലം: മോഷണം പോയ ബൈക്കിന് ഗതാഗത ലംഘനത്തിന് ഉടമയ്ക്ക് വീണ്ടും പിഴ. പാരിപ്പള്ളി സ്വദേശി സിജോയ്ക്കാണ് വീണ്ടും ചലാൻ ലഭിച്ചത്. ജനുവരി 30 നാണ് സിജോയുടെ ബൈക്ക് പാരിപ്പള്ളിയിൽ നിന്ന് മോഷണം പോയത്. ജനുവരി 30 നും ഫെബ്രുവരി 3 നും ആറ്റിങ്ങൽ കച്ചേരിനടയിലെ ഗതാഗത ലംഘനത്തിന് ബൈക്കിന് ആദ്യ പിഴ കിട്ടിയിരുന്നു. ബൈക്കുമായി ഒരേ വ്യക്തി തന്നെ ഹെൽമെറ്റ് ഇല്ലാതെ പോകുന്നതാണ് ചലാനിലെ ചിത്രം. ജനുവരി 30ന് പാരിപ്പള്ളി പൊലീസിൽ പരാതി നൽകിയിട്ടും മോഷ്ടാവിനെ ഇതുവരെയും കണ്ടെത്താൻ കഴിഞ്ഞില്ല. മോഷണം പോയ ബൈക്കിന്റെ ഉടമയ്ക്ക് രണ്ടാം തവണയാണ് ഗതാഗത ലംഘനത്തിന് പിഴ കിട്ടുന്നത്. എന്നിട്ടും പിടികൂടാൻ പൊലീസിനായിട്ടില്ലെന്ന പരാതി ഉയരുകയാണ്.
Add Asianetnews as a Preferred Source
