ജോലിക്കിടെ ഹൃദയാഘാതത്തെത്തുടര്ന്ന് ഭോപ്പാലില് അന്തരിച്ച സൈനികന് കോഴിക്കോട് മുക്കം കാരമൂല സ്വദേശി മിദ് ലാജിന്റെ ഖബറടക്കം ഔദ്യോഗിക സൈനിക ബഹുമതികളോടെ നടന്നു
കോഴിക്കോട്: ജോലിക്കിടെ ഹൃദയാഘാതത്തെത്തുടര്ന്ന് ഭോപ്പാലില് അന്തരിച്ച സൈനികന് കോഴിക്കോട് മുക്കം കാരമൂല സ്വദേശി മിദ് ലാജിന്റെ ഖബറടക്കം ഔദ്യോഗിക സൈനിക ബഹുമതികളോടെ നടന്നു. കാരമൂല ജുമഅത്ത് പള്ളിയിലായിരുന്നു ഖബറടക്കം. കാരമൂല ആസാദ് മെമ്മോറിയല് എയുപി സ്കൂളിലായിരുന്നു പൊതുദര്ശനം. നൂറുകണക്കിന് പേര് ആദരാഞ്ജലികള് അര്പ്പിക്കാനെത്തി. ഇക്കഴിഞ്ഞ ചൊവ്വാഴ്ചയാണ് മിദ് ലാജിന് ഹൃദയാഘാതം സംഭവിച്ചത്. സൈനിക ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. ഇന്നലെ കരിപ്പൂര് വിമാനത്താവളത്തിലെത്തിച്ച മൃതദേഹം നൂറുകണക്കിനാളുകള് പങ്കെടുത്ത വിലാപയാത്രയോടെയാണ് വീട്ടിലെത്തിച്ചത്.
