വീട് പെയിന്റ് ചെയ്യാൻ പോവുകയാണോ? എങ്കിൽ ഈ കാര്യങ്ങൾ ശ്രദ്ധിക്കണം

painting home

ഏത് പഴയ വീടും ഞൊടിയിടയിൽ പുതിയതാക്കാൻ ഒന്ന് പെയിന്റ് അടിച്ചാൽ മതി. പലരും ഇങ്ങനെ വീടിനെ മോടി പിടിപ്പിക്കുന്നവരാണ്. എന്നാൽ എങ്ങനെയെങ്കിലും ചെയ്യേണ്ട ഒന്നല്ല പെയിന്റിങ്. വീട് മനോഹരമാക്കുന്നതിൽ നിറങ്ങൾക്ക് വലിയ പങ്കുണ്ട്. കൃത്യമായി കാര്യങ്ങൾ ചെയ്തില്ലെങ്കിൽ അബദ്ധങ്ങൾ സംഭവിക്കാം. വീട് പെയിന്റടിക്കുമ്പോൾ ഈ കാര്യങ്ങൾ നിങ്ങൾ ശ്രദ്ധിച്ചിരിക്കണം. 

1. പെയിന്റ് ചെയ്യാൻ ഉദ്ദേശിക്കുന്ന ഭിത്തി കഴുകി വൃത്തിയാക്കണം. കറകളോ പായാലോ ഉണ്ടെങ്കിൽ അവ 
ക്ലീനർ ഉപയോഗിച്ച് നീക്കം ചെയ്യണം. 

2. പെയിന്റിംഗ് ആരംഭിക്കുന്നതിന് മുമ്പ് വിള്ളൽ, ചോർച്ച എന്നിവ ഇല്ലെന്ന് ഉറപ്പ് വരുത്തണം. ചില ഭിത്തികളിൽ പൊള്ളലുകൾ ഉണ്ടാകാറുണ്ട്. പെയിന്റ് അടിക്കുന്നതിന് മുമ്പ് ഈ കാര്യങ്ങൾ ശ്രദ്ധിക്കണം.

3. വീടിന്റെ അന്തരീക്ഷത്തെ സ്വാധീനിക്കാൻ കഴിയുന്നവയാണ് നിറങ്ങൾ. അതുകൊണ്ട് തന്നെ നിങ്ങൾ ആഗ്രഹിക്കുന്ന, വീടിന് പോസിറ്റീവ് എനർജിയും, പ്രകാശവും നൽകുന്ന നിറങ്ങൾ തെരഞ്ഞെടുക്കാം.

4. പെയ്ന്റിങിന് വേണ്ടി നിറങ്ങൾ തെരഞ്ഞെടുക്കുമ്പോൾ ഓരോ മുറിയുടെയും ഇന്റീരിയറിന് മാച്ച് ആകുന്നത് നോക്കി തെരഞ്ഞെടുക്കണം. 

5. തീരുമ്പോൾ വാങ്ങാൻ നിൽക്കാതെ ആവശ്യമുള്ള പെയിന്റ് ഒന്നിച്ച് വാങ്ങണം. ഇടക്ക് വെച്ച് പെയിന്റ് തീർന്നുപോയാൽ പിന്നെ അതേ ഷെയ്ഡ് കിട്ടണമെന്നില്ല. 

6. ഭിത്തിയിലെ വിള്ളലുകൾ സിമന്റ് ഉപയോഗിച്ച് അല്ലെങ്കിൽ പ്ലാസ്റ്റർ ഓഫ് പാരീസ് ചെയ്ത് അടക്കണം.

7. ഭിത്തി കഴുകി വൃത്തിയാക്കിയതിന് ശേഷം പ്രൈമർ അടിക്കണം. ഇത് ഭിത്തിയിൽ എന്തെങ്കിലും തരത്തിൽ വിള്ളലോ പാടുകളോ ഉണ്ടെങ്കിൽ എളുപ്പം മനസ്സിലാക്കാൻ സഹായിക്കും.

8. ഭിത്തിക്ക് നല്ല ഫിനിഷിങ് കിട്ടാൻവേണ്ടി പ്രൈമർ അടിച്ചതിന് ശേഷം പുട്ടിയിടണം.

9. ചൂട്- മഴ കാലങ്ങളിൽ പെയിന്റിങ് ചെയ്യരുത്. ഇത് പെയിന്റ് ഉണങ്ങുന്നതിനും മറ്റ് പ്രക്രിയകൾക്കും തടസ്സമുണ്ടാക്കും. 

10. ഗുണമേന്മയുള്ള പെയിന്റുകൾ വാങ്ങാൻ പ്രത്യേകം ശ്രദ്ധിക്കണം. ഗുണമേന്മയില്ലാത്ത പെയിന്റുകൾ ഉപയോഗിച്ചാൽ അവ വേഗത്തിൽ ഇളകിപോകുവാനും നിറം മങ്ങാനും കാരണമാകും.

11. പെയ്ന്റിങിന് ഉപയോഗിക്കുന്ന റോളർ, ബ്രഷ്, മറ്റ് ഉപകരണങ്ങൾ ഗുണമേന്മയുള്ളതായിരിക്കണം. ഇത് നിങ്ങളുടെ പെയ്ന്റിങിന് നല്ല ഫിനിഷിങ്ങും മൃദുത്വവും നൽകും. 

12. പെയിന്റ് ചെയ്യുമ്പോൾ ഫ്ലോറിൽ വീണ് കറപിടിക്കാതിരിക്കാൻ നിലത്ത് ഷീറ്റോ തുണിയോ ഇടാവുന്നതാണ്.