കാട്ടാനക്ക് മുമ്പില്‍ കുടുങ്ങി കാര്‍ യാത്രക്കാര്‍, രക്ഷപ്പെട്ടത് തലനാരിഴക്ക്; നെഞ്ചിടിക്കും വീഡിയോ
നാഗമലയില്‍ നിന്ന് ആര്‍ക്കൊല്ലിയിലേക്കുള്ള യാത്രക്കിടെ ജവനാസ മേഖലയിലാണ് കാട്ടാന ആക്രമിക്കാന്‍ ശ്രമിച്ചത്.
കല്‍പ്പറ്റ: വയനാട്ടില്‍ കാര്‍ യാത്രക്കിടെ കാട്ടനയുടെ മുന്നില്‍ അകപ്പെട്ട് കുടുംബം. വയനാട് തിരുനെല്ലിയില്‍ കഴിഞ്ഞ ദിവസം രാത്രിയാണ് സംഭവം. കാറിന് മുന്നിലേക്ക് രണ്ടുതവണ കുതിച്ചെത്തിയ കാട്ടാന ആക്രമിക്കാതെ പിന്‍വാങ്ങിയതുകൊണ്ടാണ് രക്ഷപ്പെട്ടത്. വന്യമൃഗ ശല്യം രൂക്ഷമായ തിരുനെല്ലിയിലാണ് സംഭവം. നാഗമലയില്‍ നിന്ന് ആര്‍ക്കൊല്ലിയിലേക്കുള്ള യാത്രക്കിടെ ജവനാസ മേഖലയിലാണ് കാട്ടാന ആക്രമിക്കാന്‍ ശ്രമിച്ചത്.
അപ്പപ്പാറ സ്വദേശി സുധീഷും അയല്‍ക്കാരായ സ്ത്രീകളും കുട്ടികളുമാണ് രക്ഷപ്പെട്ടത്. ഇവരുടെ അവസരോചിത ഇടപെടലും തുണയായി. വലിയ അപകടത്തില്‍ നിന്നാണ് ഇവര്‍ രക്ഷപ്പെട്ടത്. രണ്ടുതവണയാണ് ആന ആക്രമിക്കാനെത്തിയത്. നിലവിളിക്കാതെയും ആനയെ പ്രകോപിപ്പിക്കാതെയും സംയമനം പാലിച്ചതോടെയാണ് ആന പിന്മാറിയത്.
