മാളയിലെ മകളുടെ വീട്ടിൽ നിന്ന് മടങ്ങി വരുന്നതിനിടെ അങ്കമാലി ഭാഗത്ത് നിന്നെത്തിയ ട്രെയിലർ ലോറി വർഗീസ് സഞ്ചരിച്ചിരുന്ന സ്കൂട്ടറിൽ ഇടിക്കുകയായിരുന്നു.
കൊച്ചി: ദേശീയപാതയിൽ ട്രെയിലർ ലോറിയിടിച്ചുണ്ടായ അപകടത്തിൽ സ്കൂട്ടർ യാത്രക്കാരൻ മരിച്ചു. ചുണങ്ങംവേലി സെന്റ് ജോസഫ് പള്ളിക്ക് സമീപം മുട്ടത്തോട്ടിൽ എം ഒ വർഗീസ് (65) ആണ് മരിച്ചത്. ഞായറാഴ്ച വൈകുന്നേരം നാലരയോടെ നെടുമ്പാശ്ശേരി അത്താണി കാംകോ കമ്പനിക്ക് മുൻവശത്തെ വളവിലാണ് അപകടമുണ്ടായത്. മാളയിലെ മകളുടെ വീട്ടിൽ നിന്ന് മടങ്ങി വരുന്നതിനിടെ അങ്കമാലി ഭാഗത്ത് നിന്നെത്തിയ ട്രെയിലർ ലോറി വർഗീസ് സഞ്ചരിച്ചിരുന്ന സ്കൂട്ടറിൽ ഇടിക്കുകയായിരുന്നു. ഗുരുതരമായി പരിക്കേറ്റ വർഗീസിനെ ഉടൻ അങ്കമാലിയിലെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. ചൂണ്ടി വെയർഹൗസിലെ മുൻ ചുമട്ട് തൊഴിലാളിയായിരുന്നു വർഗീസ്. ഇന്ന് രാവിലെ രാവിലെ അങ്കമാലി സർക്കാർ ആശുപത്രിയിൽ പോസ്റ്റ്മോർട്ടത്തിന് ശേഷം മൃതദേഹം ബന്ധുക്കൾക്ക് വിട്ടുനൽകും. സംസ്കാരം പിന്നീട് നടക്കും. ഭാര്യ: റോസിലി. മക്കൾ: നിധിൻ (യുകെ), നീതു (മാള). മരുമക്കൾ: പ്രവീൺ, ആദിത്യ (യുകെ).
