തിരുവല്ല ഇരവിപേരൂരിലാണ് സംഭവം. ജുവൽ ജോൺ എന്ന യുവാവാണ് മരിച്ചത്.
തിരുവല്ല: സുഹൃത്തുക്കൾ തമ്മിലുള്ള തർക്കത്തിനിടെ യുവാവിനെ കിണറ്റിൽ തള്ളിയിട്ടു കൊലപ്പെടുത്തി. ഇരവിപേരൂർ .കുളക്കാട് വീട്ടിൽ 34 കാരൻ ജൂവൽ ആണ് മരിച്ചത്. കഴിഞ്ഞ ദിവസം 11 മണിയോടെ ഇരവിപേരൂർ ഒ ഇ എം പബ്ലിക് സ്കൂളിന് സമീപത്തായിരുന്നു സംഭവം. സംഭവത്തിൽ സുഹൃത്തായ ജോജോയെ പോലീസ്. ജൂവലും കൂട്ടുകാരായ ജോജയും വൈശാഖും കിണറ്റിൽ കരയിൽ സംസാരിച്ച നിൽക്കുന്നതിനിടെയാണ് തർക്കമുണ്ടായത്. തർക്കത്തിനിടെ ജൂവലിനെ പിടിച്ച് തള്ളുകയായിരുന്നു. ജോജോയും ജൂവലും കിണറ്റിൽ വീണു. വൈശാഖ് വിളിച്ചറിയിച്ചത് അനുസരിച്ച് അഗ്നിരക്ഷസേന എത്തി. അപ്പോഴേക്കും ജോജോ കരയ്ക്ക് കയറി കഴിഞ്ഞിരുന്നു. ജുവലിനെ ഉടൻതന്നെ തിരുവല്ല താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ജോജോ പറഞ്ഞ കാര്യങ്ങളിൽ വൈരുദ്ധ്യം തോന്നിയതോടെ പോലീസ് വിശദമായി ചോദ്യം ചെയ്തപ്പോഴാണ് കുറ്റം സമ്മതിച്ചത്. കസ്റ്റഡിയിൽ എടുത്ത വൈശാഖിനെയും വിശദമായി ചോദ്യം ചെയ്യുകയാണ്. ജോൺ വർഗീസ് ലിസി ദമ്പതികളുടെ മകനാണ് ജൂവൽ.
