സ്കൂട്ടര് യാത്രികനെ തടഞ്ഞു, പരിശോധിക്കാൻ ഒരുങ്ങിയതും പൊലീസുകാര്ക്ക് മര്ദ്ദനം, പിടിച്ചത് മദ്യക്കടത്ത്
കുട്ടനാട്: മദ്യം അനധികൃതമായി കടത്തിയ ആളെ കൈനടി പൊലീസ് അറസ്റ്റ് ചെയ്തു. കൈനടി പുതുപ്പറമ്പിൽചിറ വീട്ടിൽ ബിനീഷ് എന്ന കുഞ്ഞുമുത്ത് (30)ആണ് അറസ്റ്റിലായത്. അനധികൃതമായി മദ്യം കടത്തിക്കൊണ്ടുവരുന്നതായി കൈനടി എസ്എച്ച്ഒ ആർ രാജീവിന് ലഭിച്ച രഹസ്യവിവരത്തിന്റെ അടിസ്ഥാനത്തിൽ നടത്തിയ പരിശോധനയ്ക്കിടെ ഇയാൾ ഉദ്യോഗസ്ഥരെ ആക്രമിച്ച് കടന്നുകളയാൻ ശ്രമിക്കുകയായിരുന്നു. തുടർന്ന് പൊലീസ് നടത്തിയ അന്വേഷണത്തിനൊടുവിൽ കൈനടി ഗോഡൗൺ ഭാഗത്തുവെച്ച് കസ്റ്റഡിയിൽ എടുക്കുകയായിരുന്നു. ഇയാൾ സഞ്ചരിച്ച സ്കൂട്ടറും കസ്റ്റഡിയിലെടുത്തിട്ടുണ്ട്.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
