ഹരിപ്പാട് കണ്ടല്ലൂർ സ്വദേശിയായ അനിൽകുമാർ (45) എന്ന യുവാവിനെ കനാലിൽ മരിച്ച നിലയിൽ കണ്ടെത്തി. ഞായറാഴ്ച വൈകീട്ട് വീട്ടിൽ നിന്നിറങ്ങിയ ഇദ്ദേഹത്തെ കാണാതായതിനെ തുടർന്ന് നടത്തിയ തിരച്ചിലിലാണ് പന്നാമുറി - അമ്പാടി മുക്ക് റോഡിന് സമീപത്തെ കനാലിൽ മൃതദേഹം കണ്ടെത്തിയത്. ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.
ഹരിപ്പാട്: യുവാവിനെ കനാലിൽ മരിച്ച നിലയിൽ കണ്ടെത്തി. കണ്ടല്ലൂർ വടക്ക് തുണ്ടത്തിൽ വീട്ടിൽ അനിൽകുമാറാണ് (45) മരിച്ചത്. ഞായറാഴ്ച വൈകീട്ട് വീട്ടിൽനിന്ന് പോയ അനിൽകുമാർ ഏറെ നേരം കഴിഞ്ഞിട്ടും തിരികെവന്നിരുന്നില്ല. തുടർന്ന് രാത്രിയിൽ ബന്ധുക്കളും നാട്ടുകാരും ചേർന്ന് തിരച്ചിൽ നടത്തി. ഈ സമയത്താണ് പന്നാമുറി - അമ്പാടി മുക്ക് റോഡിനോടു ചേർന്നുളള കനാലിൽ അനിൽകുമാറിനെ വീണുകിടക്കുന്ന നിലയിൽ കണ്ടെത്തിയത്. ഉടൻ തന്നെ ഇദ്ദേഹത്തെ കായംകുളം താലൂക്ക് ആശുപത്രിയിലെത്തിച്ചെങ്കിലും മരിച്ചിരുന്നു. മൃതദേഹം നിയമപരമായ നടപടിക്രമങ്ങൾ പൂർത്തിയാക്കി ബന്ധുക്കൾക്ക് വിട്ടുകൊടുത്തു. സംസ്കാരം നടത്തി.
