പച്ച ചീരയ്ക്കൊപ്പം ഫ്രഷ് കഞ്ചാവും കടത്താന് ശ്രമിച്ച പ്രതിയാണ് പിടിയിലായത്. ഓപ്പറേഷൻ തൂഫാൻ്റെ ഭാഗമായി സ്വകാര്യ ബസിൽ നടത്തിയ പരിശോധനയ്ക്കിടെയാണ് അസം സ്വദേശിയായ യുവാവിനെ പൊലീസ് നാടകീയമായി അറസ്റ്റ് ചെയ്തത്.
കൊച്ചി: എറണാകുളം പെരുമ്പാവൂരിൽ പച്ചക്കറിക്കൊപ്പം കഞ്ചാവ് കടത്താൻ ശ്രമിച്ച ഇതര സംസ്ഥാന തൊഴിലാളിയെ പൊലീസ് പിടികൂടി. ഓപ്പറേഷൻ തൂഫാൻ്റെ ഭാഗമായി സ്വകാര്യ ബസിൽ നടത്തിയ പരിശോധനയ്ക്കിടെയാണ് അസം സ്വദേശിയായ യുവാവിനെ പൊലീസ് നാടകീയമായി അറസ്റ്റ് ചെയ്തത്.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
പച്ച ചീരയ്ക്കൊപ്പം ഫ്രഷ് കഞ്ചാവും കടത്താന് ശ്രമിച്ച പ്രതിയാണ് പിടിയിലായത്. ഇന്നലെ നഗരത്തിലെ സ്വകാര്യ ബസിൽ നടത്തിയ പരിശോധനയ്ക്കിടെയാണ് അസം സ്വദേശിയായ ഹബീബുൾ മണ്ഡലിനെ പൊലീസ് കയ്യോടെ പൊക്കിയത്. പൊലീസിനെ കണ്ട് പരിഭ്രാന്തനായ പ്രതി കൈയിലുണ്ടായിരുന്ന കവർ ബസിൻ്റെ ബർത്തിലേക്ക് വലിച്ചെറിഞ്ഞെങ്കിലും ഫലമുണ്ടായില്ല. നിരോധിത പുകയില ഉൽപന്നങ്ങളുമായി യാത്ര ചെയ്ത മറ്റ് രണ്ട് പേരെയും സ്വകാര്യ ബസിൽ നടത്തിയ പരിശോധനയ്ക്കിടെ പൊലീസ് അറസ്റ്റ് ചെയ്തു.
