അടൂരിൽ നിന്നും കായംകുളത്തേക്ക് പോയ സ്വകാര്യ ബസ്സാണ് അപകടത്തിൽപ്പെട്ടത്. അപകടത്തില് പത്തിലേറെ പേർക്ക് പരിക്കേറ്റു.
പത്തനംതിട്ട: പത്തനംതിട്ടയില് സ്വകാര്യ ബസ് മറിഞ്ഞ് അപകടം. പത്തനംതിട്ട അടൂരിന് സമീപം പഴകുളത്താണ് അപകടമുണ്ടായത്. പത്തിലേറെ പേർക്ക് പരിക്കേറ്റു. വൈകീട്ട് അഞ്ച് മണിയോടെയായിരുന്നു അപകടം. അടൂരിൽ നിന്നും കായംകുളത്തേക്ക് പോയ സ്വകാര്യ ബസ്സാണ് അപകടത്തിൽപ്പെട്ടത്. ബസ് സമീപത്തെ പോസ്റ്റിലിടിച്ച ശേഷം മറിയുകയായിരുന്നു.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
പവദാസൻമുക്കിനു സമീപത്ത് എത്തിയപ്പോൾ ബസിന്റെ പ്ലേറ്റ് ഒടിഞ്ഞു. തുടർന്ന് നിയന്ത്രണംവിട്ട ബസ്, അടൂർ ഭാഗത്തേക്ക് വരികയായിരുന്ന വാനിൽ തട്ടിയ ശേഷം റോഡരികിലുള്ള പോസ്റ്റിലിടിച്ച് സമീപത്തുള്ള മതിലിലേക്ക് ചരിയുകയായിരുന്നുവെന്ന് ദൃക്സാക്ഷികള് പറഞ്ഞു. നാട്ടുകാർ അടക്കമുള്ളവർ ചേർന്നാണ് രക്ഷാപ്രവർത്തനം നടത്തിയത്. പരിക്കേറ്റവരെ അടൂരിലെ ജനറല് ആശുപത്രിയിലും സ്വകാര്യ ആശുപത്രിയിലും പ്രവേശിപ്പിച്ചു.
