വയനാട് തിരുനെല്ലിയിൽ മുസ്ലിം ലീഗ് നിർമ്മിച്ച ബസ് കാത്തിരിപ്പ് കേന്ദ്രം പൊളിച്ചുനീക്കാൻ സിപിഎം ഭരിക്കുന്ന പഞ്ചായത്ത് നോട്ടീസ് നൽകി. അനധികൃത നിർമ്മാണം എന്നാണ് വിശദീകരണമെങ്കിലും, ഇത് രാഷ്ട്രീയ പ്രതികാരമാണെന്നാണ് മുസ്ലിം ലീഗ് ആരോപിക്കുന്നത്
തിരുനെല്ലി: വയനാട് തിരുനെല്ലി നരിക്കല്ലിൽ മുസ്ലിം ലീഗ് നിർമ്മിച്ച ബസ് കാത്തിരിപ്പ് കേന്ദ്രം പൊളിച്ച് നീക്കാൻ നോട്ടീസ്. അനധികൃത നിർമ്മാണം എന്ന് ചൂണ്ടിക്കാണിച്ചാണ് സി പി എം ഭരിക്കുന്ന തിരുനെല്ലി പഞ്ചായത്തിന്റെ നടപടി. മൂന്ന് ദിവസത്തിനുള്ളിൽ പൊളിച്ച് നീക്കണം എന്നാണ് ആവശ്യപ്പെട്ടിരിക്കുന്നത്. രാഷ്ട്രീയ പ്രതികാര നടപടിയെന്ന് മുസ്ലിം ലീഗ് ആരോപിച്ചു. പരാതി കിട്ടിയതിനാലാണ് പൊളിച്ചു നീക്കാൻ നടപടിയെടുക്കുന്നതെന്നാണ് പഞ്ചായത്ത് സെക്രട്ടറിയുടെ വിശദീകരണം. തദ്ദേശഭരണ തെരഞ്ഞെടുപ്പിനിടെ സി പി എം ലീഗ് സംഘർഷം ഉണ്ടായ സ്ഥലമാണ് നരിക്കല്ല്.
