കൊല്ലം ശാസ്താംകോട്ട റെയിൽവേ സ്റ്റേഷന് സമീപം നടത്തിയ പരിശോധനയിൽ വില്പനയ്ക്കായി കൊണ്ടുവന്ന 2.1 കിലോ കഞ്ചാവ് പിടികൂടി.
കൊല്ലം: വില്പനയ്ക്ക് വേണ്ടി കടത്തി കൊണ്ടുവന്ന 2.1 കിലോഗ്രാം കഞ്ചാവുമായി 2 പേർ പിടിയിൽ. വെള്ളിമൺ സ്വദേശി ഫൈസൽ, കൊറ്റങ്കര സ്വദേശി മുഹമ്മദ് കൈസ് എന്നിവരാണ് പിടിയിലായത്. കൊല്ലം റൂറൽ ഡാൻസാഫും ശാസ്താംകോട്ട പോലീസും ചേർന്നാണ് പ്രതികളെ പിടികൂടിയത്. ശാസ്താംകോട്ട റെയിൽവേ സ്റ്റേഷന് സമീപം നടത്തിയ പരിശോധനയിലാണ് പ്രതികളിൽ നിന്ന് കഞ്ചാവ് പിടിച്ചെടുത്തത്. ശാസ്താംകോട്ട പോലീസ് സ്റ്റേഷൻ സബ് ഇൻസ്പെക്ടർ ശ്രീ അനന്തു കൃഷ്ണൻ, സബ് ഇൻസ്പെക്ടർ ശ്രീ രഘു ,സിവിൽ പോലീസ് ഓഫീസർ മാരായ പ്രിൻസ്, കൃഷ്ണലാൽ, സ്വാതി, വിശാൽ എന്നിവരും ഡാൻസാഫ് ടീം അംഗങ്ങളും അടങ്ങുന്ന സംഘമാണ് അന്വേഷണം നടത്തി പ്രതികളെ അറസ്റ്റ് ചെയ്തത്. ജില്ലയിൽ ലഹരി മാഫിയയ്ക്കെതിരെ കർശന നടപടി തുടരുമെന്നു കൊല്ലം റൂറൽ ജില്ലാ പോലീസ് മേധാവി ശ്രീ ഷാജി സുഗുണൻ ഐ പി എസ് അറിയിച്ചു.
