വളവിലെ സൈൻബോർഡിൽ ഇടിച്ച് അപകടത്തിൽ പെട്ട ബൈക്കിൽ നിന്നും തെറിച്ച് രതീഷ് തോട്ടിലേക്ക് വീഴുകയായിരുന്നു.
മാന്നാർ: ആലപ്പുഴ താമരക്കുളം ആനയടിക്ക് സമീപമുണ്ടായ ബൈക്കപകടത്തിൽ യുവാവ് മരിച്ചു. ചെന്നിത്തല ഒരിപ്രം ദിവ്യാഭവനത്തിൽ (പുതുശ്ശേരി) പരേതനായ ശശിയുടെ മകൻ രതീഷ്.എസ് (39) ആണ് മരിച്ചത്. ശനിയാഴ്ച രാത്രി 12ന് താമരക്കുളം ആനയടി ജംഗ്ഷനിൽ വെച്ചാണ് ബൈക്കപകടത്തില്പ്പെട്ടത്.
Add Asianetnews as a Preferred Source
ഭാര്യ വീടായ താമരക്കുളത്ത് നിന്നും ഭാര്യാ സഹോദരിയുടെ വീടായ ചൂനാട്ടേക്ക് യാത്ര ചെയ്യുമ്പോൾ ആനയടി ജംഗ്ഷന് മുമ്പുള്ള വളവിലെ സൈൻബോർഡിൽ ഇടിച്ച് അപകടത്തിൽ പെട്ട ബൈക്കിൽ നിന്നും തെറിച്ച് രതീഷ് തോട്ടിലേക്ക് വീഴുകയായിരുന്നു. ഭാര്യ: സോണി, മകൻ: അക്ഷയ്, രതിഷ്.
