ഫ്ലെക്സിബിൾ പ്രവർത്തന സംവിധാനമാണ് റമദാന് മാസത്തില് ഏര്പ്പെടുത്തുന്നത്.
കുവൈത്ത് സിറ്റി: റമദാൻ മാസത്തിൽ കുവൈത്തിലെ സർക്കാർ ഏജൻസികളുടെ ജോലി സമയം പുനഃക്രമീകരിച്ച് സിവിൽ സർവീസ് കമ്മീഷൻ. റമദാൻ മാസത്തിലെ ഔദ്യോഗിക ജോലി സമയം സംബന്ധിച്ച തീരുമാനത്തിൽ സർക്കാർ ഏജൻസികൾ കൃത്യത പാലിക്കേണ്ട പ്രാധാന്യം സിവിൽ സർവീസ് കമ്മീഷൻ (സിഎസ്സി) എടുത്തുപറഞ്ഞു. രാവിലെയും വൈകുന്നേരവുമായി ഷിഫ്റ്റുകൾക്ക് നാലര മണിക്കൂർ വീതമുള്ള ഒരു ഫ്ലെക്സിബിൾ പ്രവർത്തന സംവിധാനം വിവരിക്കുന്ന സർക്കുലർ പുറത്തിറക്കി.
റമദാനിലെ ജോലി രാവിലെ 8:30 മുതൽ 10:30 വരെയുള്ള സമയത്ത് ആരംഭിക്കുമെന്ന് സിഎസ്സി വ്യക്തമാക്കി. ജോലിയുടെ ആവശ്യകതകളെ അടിസ്ഥാനമാക്കി കൃത്യമായ ആരംഭ, അവസാന സമയങ്ങൾ നിർണ്ണയിക്കാൻ സർക്കാർ ഏജൻസികൾക്ക് അധികാരമുണ്ട്. സിവിൽ സർവീസ് കൗൺസിലിന്റെ തീരുമാനത്തിൽ വിവരിച്ചിരിക്കുന്നതുപോലെ, സർക്കാർ ഏജൻസികൾ വിരലടയാള ഹാജർ സംവിധാനം ഉപയോഗിക്കുന്നത് തുടരേണ്ടതിന്റെ ആവശ്യകത കമ്മീഷൻ ആവർത്തിച്ചു. ഔദ്യോഗിക ജോലി സമയം സംബന്ധിച്ച സ്ഥാപിത നിയമങ്ങളും വ്യവസ്ഥകളും നിയന്ത്രണങ്ങളും പാലിക്കുന്നുണ്ടെന്ന് ഈ സംവിധാനം ഉറപ്പാക്കുന്നു.
Read Also - 2,300 വർഷം പഴക്കം, ഭൂമി കുഴിച്ചപ്പോൾ സുപ്രധാന കണ്ടെത്തൽ; പുറത്തെടുത്തത് ഹെല്ലനിസ്റ്റിക് കാലത്തെ അവശിഷ്ടങ്ങൾ
വൈകുന്നേരത്തെ ഔദ്യോഗിക ജോലി സമയം സംബന്ധിച്ച 2024 ലെ സിവിൽ സർവീസ് ബ്യൂറോ സർക്കുലർ നമ്പർ (12) അനുസരിച്ച് ഔദ്യോഗിക ജോലി സമയം നാലര മണിക്കൂർ നേരത്തേക്കായിരിക്കും. ഇത് പ്രകാരം വിശുദ്ധ റമദാൻ മാസത്തിൽ ജോലി സമയം ആരംഭിക്കുന്നത് വൈകുന്നേരം ആറ് മണി മുതൽ ആറ് നാല്പത്തിയഞ്ചിന് ഇടയിലായിരിക്കും.
