മണിക്കൂറില് 28 മുതല് 90 കിലോമീറ്റര് വരെ വേഗത്തില് കാറ്റ് വീശാനുള്ള സാധ്യതയും പ്രവചിക്കുന്നുണ്ട്.
മസ്കറ്റ്: ഒമാനില് കനത്ത മഴ മുന്നറിയിപ്പ്. മെയ് രണ്ട് വ്യാഴാഴ്ച കനത്ത മഴയ്ക്കും കാറ്റിനും ആലിപ്പഴ വര്ഷത്തിനും സാധ്യതയുണ്ടെന്ന് സിവില് ഏവിയേഷന് അതോറിറ്റി മുന്നറിയിപ്പ് നല്കി.
20-80 മില്ലിമീറ്റര് വരെ മഴ ലഭിക്കുമെന്നാണ് അറിയിപ്പില് പറയുന്നത്. ഇതേ തുടര്ന്ന് സിവില് ഏവിയേഷന് അതോറിറ്റി പൊതുജനങ്ങള്ക്ക് ജാഗ്രതാ നിര്ദ്ദേശം നല്കിയിട്ടുണ്ട്. അല് ബുറൈമി, നോര്ത്ത് അല് ബത്തിന, സൗത്ത് അല് ബത്തിന, മസ്കറ്റ്, അല് ദാഖിലിയ, നോര്ത്ത് അല് ശര്ഖിയ, ദോഫാര് ഗവര്ണറേറ്റുകളില് വ്യാഴാഴ്ച രാത്രി വരെ ഇടിമിന്നലോട് കൂടിയ ശക്തമായ മഴയും കാറ്റും ആലിപ്പഴ വര്ഷവും ഉണ്ടാകാന് സാധ്യതയുണ്ടെന്നാണ് അധികൃതര് മുന്നറിയിപ്പ് നല്കുന്നത്. മുസന്ദം, അല് വുസ്ത, സൗത്ത് അല് ശര്ഖിയ ഗവര്ണറേറ്റുകളില് വിവിധ തീവ്രതകളില് മഴ പെയ്യുമെന്നും അറിയിപ്പുണ്ട്. മണിക്കൂറില് 28 മുതല് 90 കിലോമീറ്റര് വരെ വേഗത്തില് കാറ്റ് വീശാനുള്ള സാധ്യതയും പ്രവചിക്കുന്നുണ്ട്.
Read Also - റിയാദിൽ നിന്ന് എയർ ഇന്ത്യ വിമാനത്തിൽ അയച്ച പ്രവാസി മലയാളിയുടെ മൃതദേഹം നാട്ടിലെത്തിയില്ല
കനത്ത മഴയുള്ളപ്പോള് വാദികള് മുറിച്ചു കടക്കരുതെന്നും താഴ്ന്ന പ്രദേശങ്ങളിലും മുന്നറിയിപ്പുള്ള സമയങ്ങളില് കടലിലും ഇറങ്ങരുതെന്ന് അതോറിറ്റി മുന്നറിയിപ്പ് നല്കി. മുസന്ദം ഗവര്ണറേറ്റിലെ തീരത്തും സീ ഓഫ് ഒമാനിലും തിരമാലകള് രണ്ട് മുതല് മൂന്ന് മീറ്റര് വരെ ഉയര്ന്നേക്കാം. ദൂരക്കാഴ്ച കുറയും.