ഇന്ത്യക്കാരുടെ പ്രശ്നങ്ങൾക്കും മറ്റും പരിഹാരം കാണുന്നതിനായുള്ള ഓപ്പൺ ഫോറം ഇന്ന് മസ്കറ്റ് ഇന്ത്യൻ എംബസിയിൽ.
മസ്കറ്റ്: മസ്കറ്റ് ഇന്ത്യൻ എംബസിയിൽ ഓപ്പൺ ഹൗസ് ഇന്ന്. ഒമാനിലെ ഇന്ത്യക്കാരുടെ പ്രശ്നങ്ങൾക്കും മറ്റും പരിഹാരം കാണുന്നതിനായുള്ള ഓപണ് ഹൗസ് ഇന്ന് ഉച്ചക്ക് 2.30ന് നടക്കും. എംബസി അങ്കണത്തില് നാല് മണി വരെയാണ് ഓപ്പൺ ഹൗസ്.
ഇന്ത്യൻ സ്ഥാനപതി അമിത് നാരങ് പങ്കെടുക്കും. സുൽത്താനേറ്റിൽ താമസിക്കുന്ന ഇന്ത്യക്കാർക്ക് തങ്ങളുടെ പരാതികളും സഹായങ്ങൾ ആവശ്യമുള്ള കാര്യങ്ങളും ഓപ്പൺ ഹൗസിൽ അധികൃതരെ ബോധിപ്പിക്കാം. നേരിട്ട് പങ്കെടുക്കാൻ കഴിയാത്തവർക്ക് ഓപ്പൺ ഹൗസ് സമയത്ത് 98282270 എന്ന നമ്പറിൽ വിളിച്ച് കാര്യങ്ങൾ അറിയിക്കാമെന്നും അധികൃതര് അറിയിച്ചു.
