ആമിർ ഖാനെ ഗുരുനാനാക്കായി അവതരിപ്പിക്കുന്ന ഒരു വ്യാജ വീഡിയോ സോഷ്യൽ മീഡിയയിൽ പ്രചരിക്കുന്നുണ്ട്.
മുംബൈ: ഏപ്രിൽ 25 ന് ഒരു പ്രൊഡക്ഷൻ ഹൗസുമായും ഔദ്യോഗിക ബന്ധമില്ലാത്ത ഒരു യൂട്യൂബ് ചാനൽ ആമിർ ഖാന് ഗുരുനാനാക്കിന്റെ വേഷത്തില് പ്രത്യക്ഷപ്പെടുന്ന ഒരു 'ടീസർ' പങ്കിട്ടു. പലരും ഈ ചിത്രത്തിനെതിരെ രംഗത്ത് എത്തിയിരുന്നു. ഇത് ആമിറിനെതിരായ പ്രതിഷേധമായി ഉയരുമ്പോള് ഇത് നിഷേധിച്ച് രംഗത്ത് എത്തിയിരിക്കുകയാണ് ആമിറിന്റെ പിആര് ടീം.
നടന്റെ വക്താവിന്റെ ഔദ്യോഗിക പ്രസ്താവനയിൽ പറയുന്നത് ഇതാണ് "ആമിർ ഖാനെ ഗുരുനാനാക്കായി കാണിക്കുന്ന പോസ്റ്റർ പൂർണ്ണമായും വ്യാജമാണ്, എഐ ഉപയോഗിച്ച് നിർമ്മിച്ചതാണ്. അത്തരമൊരു പദ്ധതിയുമായി ആമിർ ഖാന് യാതൊരു ബന്ധവുമില്ല. ഗുരുനാനാക്കിനോട് അദ്ദേഹത്തിന് ഏറ്റവും വലിയ ബഹുമാനമുണ്ട്, ഒരിക്കലും അനാദരവുള്ള ഒരു കാര്യത്തിലും അദ്ദേഹം പങ്കാളിയാകില്ല. ദയവായി വ്യാജ വാർത്തകളിൽ വീഴരുത്."
എഐ സൃഷ്ടിച്ച ഒരു വ്യാജ ടീസറിൽ, ആമിർ സിഖ് ആത്മീയ നേതാവിന്റെയും മത നേതാവിന്റെയും വേഷത്തില് പ്രത്യക്ഷപ്പെടുന്നതാണ് കാണിക്കുന്നത്. ടി-സീരീസാണ് ചിത്രത്തിന്റെ നിർമ്മാണം നടത്തിയതെന്നാണ് ടീസർ അവകാശപ്പെടുന്നു, എന്നാല് ഇത് പോസ്റ്റ് ചെയ്ത യൂട്യൂബ് ചാനലിന് ടി-സീരീസുമായി ഔദ്യോഗിക ബന്ധമൊന്നുമില്ല. ഈ ടീസറിന്റെ ചിത്രങ്ങള് പിന്നാലെ സോഷ്യൽ മീഡിയയിൽ വ്യാപകമായി ഷെയര് ചെയ്യപ്പെട്ടു.
ഇതിന് പിന്നാലെ ഈ പോസ്റ്റര് സിഖ് സമൂഹത്തെ പ്രകോപിപ്പിക്കാനുള്ള മനഃപൂർവമായ തന്ത്രമാണിതെന്ന് പഞ്ചാബിലെ ഒരു ഭാരതീയ ജനതാ പാർട്ടി നേതാവ് ആരോപിച്ചതോടെയാണ് ഈ ടീസറിനെ ചൊല്ലി വിവാദം തലപൊക്കിയത്. ബിജെപി പഞ്ചാബ് വക്താവ് പ്രിത്പാൽ സിംഗ് ബലിയാവൾ എസ്ജിപിസിയിൽ പരാതി നൽകിയതായും പഞ്ചാബ് പോലീസ്, സൈബർ സെൽ, സുരക്ഷാ ഏജൻസികൾ എന്നിവരോട് കുറ്റവാളികളുടെ ഐപി വിലാസങ്ങൾ കണ്ടെത്തി ഉടൻ അറസ്റ്റ് ചെയ്യണമെന്നും ആവശ്യപ്പെട്ടതായും ദൈനിക് ഭാസ്കർ റിപ്പോർട്ട് ചെയ്യുന്നു.
ഇതിന് പിന്നാലെയാണ് ആമിര് ഈ ടീസറുമായി ഒരു ബന്ധവും ഇല്ലെന്ന് വ്യക്തമാക്കി രംഗത്ത് എത്തിയത്. 2022-ൽ കരീന കപൂറിനൊപ്പം അഭിനയിച്ച ലാൽ സിംഗ് ഛദ്ദയിലാണ് ആമിർ അവസാനമായി ബിഗ് സ്ക്രീനില് എത്തിയ ചിത്രം. ഓസ്കാർ പുരസ്കാര ജേതാവായ ഫോറസ്റ്റ് ഗമ്പിന്റെ ഔദ്യോഗിക പതിപ്പായ ലാൽ സിംഗ് ഛദ്ദ വാണിജ്യപരമായി പരാജയപ്പെട്ടിരുന്നു.
ഈ വർഷം സീതാരേ സമീൻ പർ എന്ന ചിത്രത്തിലൂടെ താരം വീണ്ടും സ്ക്രീനിലേക്ക് തിരിച്ചെത്തും. 2008-ലെ അദ്ദേഹത്തിന്റെ ഹിറ്റ് ചിത്രമായ താരേ സമീൻ പറിന്റെ രണ്ടാം ഭാഗമാണ് ഈ ചിത്രം എന്നാണ് വിവരം. റിലീസ് തീയതി പ്രഖ്യാപിച്ചിട്ടില്ലെങ്കിലും, ഈ വർഷം എപ്പോഴെങ്കിലും ചിത്രം റിലീസ് ചെയ്യും. ജെനീലിയ ചിത്രത്തില് പ്രധാന വേഷത്തില് എത്തുന്നുണ്ട്.
ശ്രീലീല കുടുംബത്തിലെ പുതിയ കുഞ്ഞിനെ പരിചയപ്പെടുത്തി; ഹൃദയഹാരിയായ ചിത്രങ്ങള്
ആമിർ ഖാന്റെ തിരിച്ചുവരവ്: സിത്താരേ സമീൻ പർ റിലീസില് തീരുമാനമായി
