ഉർഫി ജാവേദ് ദുബായിൽ കസ്റ്റഡിയിൽ? ലഭ്യമായ വിവരങ്ങള്‍ ഇങ്ങനെ.!
നിലവിൽ ഉർഫിയെ അധികൃതർ ചോദ്യം ചെയ്തു വരികയാണെന്നാണ് റിപ്പോര്‍ട്ട്. എന്നാൽ, ഇത് സംബന്ധിച്ച് ഔദ്യോഗിക സ്ഥിരീകരണം ഇതുവരെ ഉണ്ടായിട്ടില്ല.
ദുബൈ: ഫാഷന്‍ താരവും, ടിവി താരവുമായ ഉർഫി ജാവേദിനെ ദുബായിൽ തടഞ്ഞുവെച്ചതായി റിപ്പോർട്ട്. ഇന്ത്യ ടുഡേ റിപ്പോർട്ട് ചെയ്യുന്ന പ്രകാരം ദുബായിൽ ഒരു വീഡിയോ ഷൂട്ട് ചെയ്തതാണ് ഉര്‍ഫിയെ കുഴപ്പത്തിലാക്കിയത് എന്നാണ്. നിലവിൽ ഉർഫിയെ അധികൃതർ ചോദ്യം ചെയ്തു വരികയാണെന്നാണ് റിപ്പോര്‍ട്ട്. എന്നാൽ, ഇത് സംബന്ധിച്ച് ഔദ്യോഗിക സ്ഥിരീകരണം ഇതുവരെ ഉണ്ടായിട്ടില്ല.
അതേസമയം, ടൈംസ് ഓഫ് ഇന്ത്യ റിപ്പോര്‍ട്ട് പ്രകാരം “ഉര്‍ഫി നിർമ്മിച്ച ഒരു വസ്ത്രത്തിൽ താരത്തിന്‍റെ ഇൻസ്റ്റാഗ്രാമിലേക്ക് ഒരു വീഡിയോ ഷൂട്ട് ചെയ്തിരുന്നു. വസ്‌ത്രത്തിന് പ്രശ്‌നമൊന്നുമില്ല, എന്നാൽ അവൾ വീഡിയോ ഷൂട്ട് ചെയ്‌തത് ഒരു പൊതു ഇടത്ത് വച്ചായിരുന്നു. പൊതുസ്ഥലത്ത് അനുവദനീയമല്ലാത്ത വേഷമായിരുന്നു അത്. ഉര്‍ഫിയെ പോലീസ് ചോദ്യം ചെയ്തുവരികയാണ്. എന്താണ് സംഭവിക്കുന്നതെന്ന് നോക്കാം." എന്നാണ് റിപ്പോര്‍ട്ട് ചെയ്തിരിക്കുന്നത്.
ന്യൂസ് 18 ഉർഫി ജാവേദിന്റെ ടീമിനെ സമീപിച്ചെങ്കിലും അവർ വിഷയത്തിൽ പ്രതികരിക്കുന്നതിൽ നിന്ന് വിട്ടുനിന്നുവെന്നാണ് പറയുന്നത്.
ഒരൊറ്റ പേരുള്ള ഒരു പാസ്‌പോർട്ട് ഉടമയെയും യുഎഇയിലേക്ക് പോകാൻ അനുവദിക്കില്ലെന്ന് പ്രസ്താവിച്ച് കഴിഞ്ഞ മാസം എയർ ഇന്ത്യയും എഐ എക്സ്പ്രസും സംയുക്ത സർക്കുലർ പുറപ്പെടുവിച്ചിരുന്നു. ഇതിന് പിന്നാലെ ഉര്‍ഫി തന്റെ യുഎഇ യാത്രാ പദ്ധതികളെക്കുറിച്ച് ആശങ്ക പ്രകടിപ്പിപ്പിച്ചിരുന്നു. കാരണം തന്റെ പാസ്പോര്‍ട്ടിലെ പേരില്‍ ഉര്‍ഫി എന്നെയുള്ളൂ കുടുംബ പേരില്ലെന്ന് അവര്‍ ആശങ്കപ്പെട്ടിരുന്നു.
അതിനിടെ, ദുബായിൽ വെച്ച് ഉർഫിക്ക് ലാറിഞ്ചൈറ്റിസ് സ്ഥിരീകരിച്ചതായി ഇന്ന് രാവിലെയും വാർത്തകൾ വന്നിരുന്നു. തന്റെ ഇൻസ്റ്റാഗ്രാം സ്റ്റോറികളിൽ ഒരു വീഡിയോ ഇടുന്നതിലൂടെ നടി ഇക്കാര്യം സ്ഥിരീകരിച്ചു, “ഈ ഡോക്ടർ ഒടുവിൽ എനിക്ക് ലാറിഞ്ചൈറ്റിസ്, ടോൺസിലൈറ്റിസ് എന്നിവയാണെന്ന് കണ്ടെത്തി.”
ഉർഫി ജാവേദിനെ അടുത്തിടെ സ്പ്ലിറ്റ്‌സ് വില്ലയിൽ കണ്ടു. ഇതിന് മുമ്പ്, ഹേ ഹേ യേ മജ്ബൂരി എന്ന സംഗീത വീഡിയോയിലും അവർ പ്രത്യക്ഷപ്പെട്ടു. മേരി ദുർഗ, ബേപ്പന്ന, പഞ്ച് ബീറ്റ് സീസൺ 2, ചന്ദ്ര നന്ദിനി, സാത് ഫെറോ കി ഹെരാ ഫെറി, യേ റിഷ്താ ക്യാ കെഹ്‌ലതാ ഹേ, കസൗട്ടി സിന്ദഗി കേ എന്നിവയുൾപ്പെടെ നിരവധി ഷോകളിലും ഉർഫി പ്രവർത്തിച്ചിട്ടുണ്ട്. കഴിഞ്ഞ വർഷം ബിഗ് ബോസ് ഒടിടിയിലും അവർ പങ്കെടുത്തിരുന്നു.
"അസാധ്യം", "അത്ഭുതം, അത്ഭുതം, അത്ഭുതം"; ഉർഫി ജാവേദിനെ കണ്ട ആരാധകര്‍ ഞെട്ടി.!
'ഡ്രസ്സിന്‍റെ പകുതി എവിടെ?'; വീണ്ടും ഉര്‍ഫിയെ ട്രോളി സോഷ്യല്‍ മീഡിയ
