റിലയൻസ് ജിയോ ഉപഭോക്താക്കൾക്ക് ഇനി തെറ്റായ നമ്പറിലേക്ക് റീചാർജ് ചെയ്താലും പണം തിരികെ ലഭിക്കും. മൈജിയോ ആപ്ലിക്കേഷനിലൂടെ റീചാർജ് ചെയ്ത് നിശ്ചിത സമയത്തിനുള്ളിൽ റീഫണ്ടിനായി അപേക്ഷിക്കാവുന്നതാണ്. ഈ പുതിയ സംവിധാനം എങ്ങനെ ഉപയോഗിക്കാം എന്ന് ഇതിലൂടെ മനസിലാക്കാം.
റീചാർജ് ചെയ്യേണ്ട നമ്പർ മാറി പോകുന്നത് പലർക്കും സംഭവിക്കുന്ന അബദ്ധമാണ്. വലിയ തുകയ്ക്കുള്ള റീചാർജ് പ്ലാനുകൾ ചെയ്യുന്നവർക്ക് കടുത്ത നിരാശയായിരിക്കും ഇതുണ്ടാക്കുക. തെറ്റായ നമ്പറിലേക്ക് റീചാർജ് ചെയ്താൽ ആ പണവും സേവനവും തിരികെ കിട്ടാതെ വരും. എന്നാൽ ഈ പ്രശ്നത്തിന് ശാശ്വതമായ പരിഹാരവുമായി എത്തിയിരിക്കുകയാണ് റിലയൻസ് ജിയോ. തെറ്റായ നമ്പറിലേക്ക് റീചാർജ് ചെയ്താലും അടച്ച തുക റീഫണ്ട് ചെയ്യാൻ സാധിക്കുമെന്നാണ് ജിയോ അറിയിച്ചിരിക്കുന്നത്. പരിമിതമായ സമയത്തിനുള്ളിൽ ജിയോ ഉപഭോക്താക്കൾക്ക് മൈജിയോ ആപ്ലിക്കേഷനിലൂടെ റീഫണ്ട് ചെയ്യാനുള്ള നടപടികൾ തുടങ്ങാം. ഇനി റീചാർജ് ചെയ്ത നമ്പറിന്റെ ഉടമയെ തേടി അലയേണ്ട ആവശ്യമില്ലെന്നാണ് ജിയോ വ്യക്തമാക്കിയിരിക്കുന്നത്.
ജിയോയില് റീചാര്ജ് മാറിപ്പോയാല് പണം തിരികെ നേടാം
നിങ്ങളുടെ മൊബൈൽ ഫോണിലോ മറ്റ് ഏതെങ്കിലും ഡിവൈസിലോ ഉള്ള മൈജിയോ ആപ്പിലൂടെ മാത്രമേ പുതിയ റീഫണ്ട് സവിശേഷത സാധ്യമാകുകയുള്ളൂ. പേടിഎം അല്ലെങ്കിൽ ഫോൺപേ പോലുള്ള ഒരു മൂന്നാം കക്ഷി സേവനത്തിലൂടെയാണ് നിങ്ങൾ റീചാർജ് ചെയ്തതെങ്കിൽ ഈ സവിശേഷത ലഭിച്ചെന്ന് വരില്ല. റീചാർജ് ചെയ്ത് മൂന്ന് മണിക്കൂറിനുള്ളിൽ റീഫണ്ടിനുള്ള നടപടികൾ സ്വീകരിക്കേണ്ടതാണെന്നും ജിയോ അറിയിച്ചിട്ടുണ്ട്. ഇങ്ങനെ റീഫണ്ട് ലഭിക്കാനായി ചെയ്യേണ്ട കാര്യങ്ങൾ ഇവയാണ്...
മൈജിയോ ആപ്പ് തുറന്ന് ലോഗിൻ ചെയ്യുക.
Related Articles
നിങ്ങളുടെ ട്രാൻസാക്ഷൻ ഹിസ്റ്ററിയിലേക്ക് പോകുക.
നിങ്ങളുടെ സമീപകാല ഇടപാടുകളിൽ നിന്ന് തെറ്റായ റീചാർജ് കണ്ടെത്തുക.
“പ്ലാൻ റദ്ദാക്കുക” ടാപ്പ് ചെയ്യുക. തുടർന്ന് നിങ്ങൾ റീചാർജ് ചെയ്തതിനുശേഷം പരിമിതമായ സമയത്തേക്ക് ഈ ഓപ്ഷൻ നിങ്ങൾക്ക് കാണാൻ കഴിയും.
നിങ്ങൾ എന്തിനാണ് റദ്ദാക്കുന്നതെന്ന് (കൃത്യമായ കാരണം) തെരഞ്ഞെടുക്കുക,
നിങ്ങൾക്ക് എങ്ങനെ റീഫണ്ട് വേണമെന്ന് തിരഞ്ഞെടുത്ത് നിങ്ങളുടെ അഭ്യർഥന സമർപ്പിക്കുക.
