ശശി തരൂരിനെ പോലെ ഇംഗ്ലീഷ് സംസാരിക്കാം; വൈറലായി ഓസ്ട്രേലിയൻ ടീച്ചറുടെ വീഡിയോ
ശശി തരൂരിന്റെ ഇംഗ്ലീഷ് ഉച്ചാരണം വളരെ മനോഹരമാണ് എന്നും ഈ ഓസ്ട്രേലിയൻ ടീച്ചർ പറയുന്നു. ഒപ്പം തന്നെ ശശി തരൂരിനെ പോലെ ഇംഗ്ലീഷ് പറയണമെങ്കിൽ എന്തൊക്കെയാണ് നമ്മൾ ശ്രദ്ധിക്കേണ്ടത് എന്നും അധ്യാപകൻ വിവരിക്കുന്നുണ്ട്.
![speak English like Shashi Tharoor australian teachers video viral rlp speak English like Shashi Tharoor australian teachers video viral rlp](https://static-ai.asianetnews.com/images/01hgtjaf816ysaytm18av3k5d7/new-project--2-_363x203xt.jpg)
ശശി തരൂരിന്റെ ഇംഗ്ലീഷ് ഒരുപക്ഷേ ലോകപ്രശസ്തമായിരിക്കും. ആളുകൾ അപൂർവമായി മാത്രം ഉപയോഗിക്കുന്നതും അതുപോലെ ഉച്ചരിക്കാൻ അല്പം പ്രയാസമുള്ളതും ഒക്കെയായ വാക്കുകൾ കൊണ്ടാണ് അദ്ദേഹത്തിന്റെ ഇംഗ്ലീഷ് ശ്രദ്ധിക്കപ്പെടുന്നത്. ആളുകൾ പലപ്പോഴും അവയെ അർത്ഥം മനസിലാക്കാനും പറയാനും പ്രയാസമായതിനാൽ ട്രോളുക വരെ ചെയ്യാറുണ്ട്. ഏതായാലും, ഇപ്പോൾ ഒരു ഓസ്ട്രേലിയൻ ടീച്ചറുടെ വീഡിയോയാണ് വൈറലാവുന്നത്.
അദ്ദേഹത്തിന്റെ ട്യൂട്ടോറിയലിൽ പറയുന്നത് എങ്ങനെ ശശി തരൂരിനെ പോലെ ഇംഗ്ലീഷ് സംസാരിക്കാം എന്നാണ്. ജയ് എന്ന ടീച്ചറാണ് ശശി തരൂരിനെ പോലെ ഇംഗ്ലീഷ് സംസാരിക്കാം എന്ന് കാണിച്ചുകൊണ്ട് വീഡിയോ ചെയ്തിരിക്കുന്നത്. ഇൻസ്റ്റഗ്രാമിലാണ് jayteacher വീഡിയോ ഷെയർ ചെയ്തിരിക്കുന്നത്. അതിൽ അദ്ദേഹം കോൺഗ്രസ് നേതാവായ ശശി തരൂരിന്റെ ഇംഗ്ലീഷിനെ പുകഴ്ത്തുകയും ചെയ്യുന്നുണ്ട്.
ശശി തരൂരിന്റെ ഇംഗ്ലീഷ് ഉച്ചാരണം വളരെ മനോഹരമാണ് എന്നും ഈ ഓസ്ട്രേലിയൻ ടീച്ചർ പറയുന്നു. ഒപ്പം തന്നെ ശശി തരൂരിനെ പോലെ ഇംഗ്ലീഷ് പറയണമെങ്കിൽ എന്തൊക്കെയാണ് നമ്മൾ ശ്രദ്ധിക്കേണ്ടത് എന്നും അധ്യാപകൻ വിവരിക്കുന്നുണ്ട്. അതിനിടയിൽ ശശി തരൂർ സംസാരിക്കുന്ന വീഡിയോയും അധ്യാപകൻ കാണിക്കുന്നത് കാണാം.
വീഡിയോ കാണാം:
കുറച്ച് ദിവസങ്ങൾക്ക് മുമ്പാണ് ഈ ഓസ്ട്രേലിയൻ ടീച്ചർ വീഡിയോ ഇൻസ്റ്റഗ്രാമിൽ ഷെയർ ചെയ്തിരിക്കുന്നത്. അനേകം പേരെ വീഡിയോ ആകർഷിച്ചു. നിരവധിപ്പേരാണ് വീഡിയോയ്ക്ക് കമന്റുകളുമായി എത്തിയത്. ഇപ്പോഴും ആളുകൾ വീഡിയോയ്ക്ക് കമന്റ് ചെയ്യുന്നുണ്ട്. അതിൽ ചിലർ ഈ ടീച്ചറുടെ ക്ലാസിനെ കുറിച്ച് പരാമർശിക്കുന്നുണ്ട്. മറ്റ് ചിലർ ശശി തരൂരിന്റെ ഇംഗ്ലീഷിനെ കുറിച്ചാണ് പറയുന്നത്. ഏതായാലും, അങ്ങനെ കമന്റുകൾ നൽകിയവരിൽ ഒരുപാട് ഇന്ത്യക്കാരും ഉണ്ട്.
ഏഷ്യാനെറ്റ് ന്യൂസ് ലൈവ് കാണാം:
ഏഷ്യാനെറ്റ് ന്യൂസ് വാർത്തകൾ തത്സമയം കാണാം