Asianet News MalayalamAsianet News Malayalam

Starlink | സാറ്റലൈറ്റ് ഇന്‍റര്‍നെറ്റിനുള്ള ഡിഷ് ചതുരാകൃതിയില്‍; സ്റ്റാര്‍ലിങ്ക് പ്രത്യേകതകള്‍ ഇങ്ങനെ.!

 യഥാര്‍ത്ഥ വൃത്താകൃതിയിലുള്ള മോഡലിന് വിപരീതമായി കനം കുറഞ്ഞതും ഭാരം കുറഞ്ഞതും ദീര്‍ഘചതുരാകൃതിയിലുള്ളതുമാണ്. പുതിയ കിറ്റില്‍ വൈഫൈ മാത്രമുള്ള റൂട്ടറും അടങ്ങിയിരിക്കുന്നു, ഇത് യഥാര്‍ത്ഥ മോഡലിനേക്കാള്‍ ഉപയോഗിക്കാന്‍ ലളിതമാണ്. 

Starlink unveils new rectangular satellite dish price remains unchanged
Author
New Delhi, First Published Nov 16, 2021, 4:25 PM IST

ലോണ്‍ മസ്‌കിന്റെ സ്പേസ് എക്സ് അതിന്റെ സ്റ്റാര്‍ലിങ്ക്  (Starlink) പുതിയ ചതുരാകൃതിയിലുള്ള സാറ്റലൈറ്റ് ഡിഷ് (satellite dish) അവതരിപ്പിക്കുന്നു. പുതിയ സാറ്റലൈറ്റ് ഡിഷ് അല്ലെങ്കില്‍ യൂസര്‍ ടെര്‍മിനല്‍, കമ്പനി പറയുന്നതുപോലെ, യഥാര്‍ത്ഥ വൃത്താകൃതിയിലുള്ള മോഡലിന് വിപരീതമായി കനം കുറഞ്ഞതും ഭാരം കുറഞ്ഞതും ദീര്‍ഘചതുരാകൃതിയിലുള്ളതുമാണ്. പുതിയ കിറ്റില്‍ വൈഫൈ മാത്രമുള്ള റൂട്ടറും അടങ്ങിയിരിക്കുന്നു, ഇത് യഥാര്‍ത്ഥ മോഡലിനേക്കാള്‍ ഉപയോഗിക്കാന്‍ ലളിതമാണ്. വയര്‍ഡ് കണക്ഷനുകള്‍ക്കായി ഒരു ഇഥര്‍നെറ്റ് (Internet) റൂട്ടര്‍ പ്രത്യേകം ലഭ്യമാകും. പുതിയ ചതുരാകൃതിയിലുള്ള ഉപകരണത്തിന് 12 ഇഞ്ച് വീതിയും 19 ഇഞ്ച് നീളവും 9.2 പൗണ്ട് ഭാരവുമുണ്ട്, ഇത് 4 കിലോയില്‍ കൂടുതലാണ്.

ബ്രോഡ്ബാന്‍ഡ് ഇന്റര്‍നെറ്റ് നല്‍കുന്നതിന് ഉപയോക്തൃ ടെര്‍മിനലുകള്‍ 1400-ലധികം ഉപഗ്രഹങ്ങളുടെ ശൃംഖലയുമായി ബന്ധിപ്പിക്കുന്നു. 200 എംബിപിഎസ് ഡൗണ്‍ലോഡ് വേഗതയും 20 ms വരെ ലേറ്റന്‍സിയും നല്‍കാനാണ് ലക്ഷ്യമിടുന്നതെന്ന് സ്റ്റാര്‍ലിങ്ക് അഭിപ്രായപ്പെട്ടു. കെട്ടിടങ്ങളിലും മേല്‍ക്കൂരകളിലും ടെര്‍മിനലുകള്‍ സ്ഥിരമായി സ്ഥാപിക്കുന്നതിനുള്ള പുതിയ ശ്രേണി ബ്രാക്കറ്റുകളും കമ്പനി പുറത്തിറക്കിയിട്ടുണ്ട്. ഒറിജിനല്‍ ഇതിനകം വാങ്ങിയ ഉപഭോക്താക്കള്‍ക്ക് പുതിയ മോഡലുമായി കൈമാറ്റം ചെയ്യാന്‍ അനുവാദമില്ല, ഓരോ അക്കൗണ്ടും ഒരു സബ്സ്‌ക്രിപ്ഷനില്‍ ഒരു ടെര്‍മിനലില്‍ മാത്രമായി പരിമിതപ്പെടുത്തിയിരിക്കുന്നു.

സ്പേസ് എക്സ് 2020 ഒക്ടോബറില്‍ സ്റ്റാര്‍ലിങ്കിന്റെ ബീറ്റാ പതിപ്പ് പുറത്തിറക്കി, കമ്പനിയുടെ സ്റ്റാര്‍ട്ടര്‍ കിറ്റ് ഉണ്ടാക്കി. അതില്‍ 23 ഇഞ്ച് വീതിയുള്ള വൃത്താകൃതിയിലുള്ള ഉപയോക്തൃ ടെര്‍മിനല്‍, അല്ലെങ്കില്‍ ഡിഷ് മൗണ്ടിംഗ് ഉപകരണങ്ങള്‍, ഒരു വൈഫൈ റൂട്ടര്‍, കൂടാതെ യോഗ്യരായ ഉപയോക്താക്കള്‍ക്ക് ലഭ്യമായ എല്ലാ കേബിളുകളും ഉള്‍പ്പെടുന്നു. ലോകമെമ്പാടുമുള്ള ഉപയോക്താക്കളെ 99 ഡോളര്‍ ഡെപ്പോസിറ്റിനായി ഒരു കണക്ഷന്‍ മുന്‍കൂട്ടി ബുക്ക് ചെയ്യാനും സ്റ്റാര്‍ലിങ്ക് അനുവദിക്കുന്നു.

സ്പേസ് എക്സിന്റെ സാറ്റലൈറ്റ് ഇന്റര്‍നെറ്റ് പ്രോജക്റ്റാണ് സ്റ്റാര്‍ലിങ്ക്. ഇത് ഏകദേശം 12,000 ഉപഗ്രഹങ്ങളെ താഴ്ന്ന ഭൗമ ഭ്രമണപഥത്തിലേക്ക് എത്തിക്കാന്‍ ലക്ഷ്യമിടുന്നു, ഇതിലൂടെ ആളുകള്‍ക്ക് ബ്രോഡ്ബാന്‍ഡ് ഇന്റര്‍നെറ്റ് കവറേജ് നല്‍കാന്‍ കഴിയും. പ്രത്യേകിച്ച് പരമ്പരാഗത ഇന്റര്‍നെറ്റ് ഇന്‍ഫ്രാസ്ട്രക്ചര്‍ കുറവുള്ള വിദൂര, ഗ്രാമീണ മേഖലകളില്‍. ഒരേസമയം നിരവധി ഉപഗ്രഹങ്ങള്‍ താഴ്ന്ന ഭ്രമണപഥത്തില്‍ ഉള്ളതിനാല്‍, ഭൂമിയുടെ ഓരോ പാച്ചിലും കാഴ്ചയില്‍ കുറഞ്ഞത് ഒരു ഉപഗ്രഹമെങ്കിലും ഉണ്ടായിരിക്കുക എന്നതാണ് ആശയം, ഇത് ഉപയോക്താക്കള്‍ക്ക് തുടര്‍ച്ചയായ ഇന്റര്‍നെറ്റ് കവറേജ് നല്‍കുന്നു. സിസ്റ്റത്തില്‍ ടാപ്പ് ചെയ്യുന്നതിനായി, ഉപയോക്താക്കള്‍ക്ക് അവരുടെ വീടിന് സമീപം എവിടെയെങ്കിലും ഡിഷ് സ്ഥാപിക്കേണ്ടതുണ്ട്. ഈ മാസം ആദ്യം, സ്റ്റാര്‍ലിങ്ക് ഇന്ത്യയില്‍ ഒരു സബ്സിഡിയറി കമ്പനി രജിസ്റ്റര്‍ ചെയ്തു. ലൈസന്‍സുകള്‍ക്കായി അപേക്ഷിക്കാന്‍ ഇത് അനുവദിക്കും.

Follow Us:
Download App:
  • android
  • ios