വൈറലായി ട്രെയിനിലേറിയ സ്കോർപിയോകള്‍, മഹീന്ദ്ര മുതലാളി പറയുന്നത് ഇങ്ങനെ!
മഹീന്ദ്ര സ്കോർപിയോയുടെ ശക്തമായ ഡിമാൻഡിനെ അരക്കിട്ടുറപ്പിക്കുന്ന ഒരു വീഡിയോയും അതിന് മഹീന്ദ്ര തലവന്‍ ആനന്ദ് മഹീന്ദ്ര നല്‍കിയ മറുപടിയും ആണിപ്പോള്‍ സോഷ്യല്‍ മീഡിയയിലും മറ്റും വൈറലാകുന്നത്.
രാജ്യത്തെ വമ്പന്‍ എസ്‍യുവി നിര്‍മ്മാതാക്കളായ മഹീന്ദ്ര ആന്‍ഡ് മഹീന്ദ്ര തങ്ങളുടെ ജനപ്രിയ മോഡലായ സ്കോർപിയോയുടെ പുതിയ പതിപ്പ് സ്കോര്പിയോ എൻ ഇന്ത്യൻ കാർ വിപണിയിൽ അവതരിപ്പിക്കാൻ ഒരുങ്ങുകയാണ്. മഹീന്ദ്ര സ്കോർപിയോ അതിന്റെ വില ശ്രേണിയിലെ ഏറ്റവും പഴക്കം ചെന്ന ഉൽപ്പന്നങ്ങളിൽ ഒന്നാണെങ്കിലും, പ്രതിമാസം ശരാശരി 2,000 യൂണിറ്റുകളിൽ കൂടുതലാണ് വില്‍പ്പന. മഹീന്ദ്ര സ്കോർപിയോയുടെ ശക്തമായ ഡിമാൻഡിനെ അരക്കിട്ടുറപ്പിക്കുന്ന ഒരു വീഡിയോയും അതിന് മഹീന്ദ്ര തലവന്‍ ആനന്ദ് മഹീന്ദ്ര നല്‍കിയ മറുപടിയും ആണിപ്പോള്‍ സോഷ്യല്‍ മീഡിയയിലും മറ്റും വൈറലാകുന്നത്.
Also Read : പുത്തന്‍ മഹീന്ദ്ര സ്കോർപിയോ എൻ, ഇതാ മികച്ച 10 സവിശേഷതകൾ
മഹീന്ദ്ര സ്‍കോര്‍പിയോകളെ കയറ്റി പോകുന്ന ഒരു ട്രെയിനിന്‍റെ വീഡിയോ ആണിത്. ശക്തി ചതുർവേദി എന്നയാളാണ് ട്വിറ്ററില്‍ ഈ വീഡിയോ അപ്‌ലോഡ് ചെയ്‍തത് എന്ന് കാര്‍ ടോഖ് റിപ്പോര്‍ട്ട് ചെയ്യുന്നു. ഈ വീഡിയോയിൽ, സ്കോർപിയോയിൽ ഏറ്റവും കൂടുതൽ ആവശ്യപ്പെടുന്ന രണ്ട് കളർ ഓപ്ഷനുകളായ പരമ്പരാഗത വെള്ള, കറുപ്പ് നിറങ്ങളിലുള്ള യൂണിറ്റുകൾ കാണാം.
മഹീന്ദ്ര സ്കോര്പിയോ പഴയതും പുതിയതും തമ്മില്‍; എന്താണ് മാറുക, എന്ത് മാറില്ല?
വിദൂര പ്രദേശങ്ങളിലേക്ക് വാഹനങ്ങൾ കൊണ്ടുപോകുന്നതിനാണ് മഹീന്ദ്ര ഇന്ത്യൻ റെയിൽവേയെ ഉപയോഗിക്കുന്നത്. ട്രെയിന്‍ വഴിയുള്ള വേഗത്തിലുള്ള ഡെലിവറി കാരണം, രാജ്യത്തിന്റെ പല ഭാഗങ്ങളിലും മഹീന്ദ്ര സ്കോർപിയോ എളുപ്പത്തിൽ ലഭ്യമാകാനുള്ള ശക്തമായ സാധ്യതയാണെന്നും വീഡിയോയ്‌ക്കൊപ്പം ട്വിറ്റർ ഉപഭോക്താവ് കുറിച്ചു. മഹീന്ദ്ര ഗ്രൂപ്പ് ചെയർമാൻ ആനന്ദ് മഹീന്ദ്രയുടെ മറുപടി ഉൾപ്പെടെ ട്വീറ്റ് ശ്രദ്ധ നേടിയിരുന്നു.
പുത്തന്‍ സ്‍കോര്‍പിയോയുടെ പ്ലാന്‍റില്‍ നിന്നുള്ള ചിത്രങ്ങള്‍ പുറത്ത്
ഇന്ത്യൻ റെയിൽവേയുടെ വേഗത്തിലുള്ള ഡെലിവറി സ്കോർപിയോയുടെ കാത്തിരിപ്പ് കാലാവധി കുറയ്ക്കും എന്ന് ആനന്ദ് മഹീന്ദ്ര തന്റെ മറുപടിയിൽ പറഞ്ഞു. ഒപ്പം, ഇന്ത്യൻ റെയിൽവേയുടെ കാര്യക്ഷമമായ സേവനങ്ങൾക്ക് അദ്ദേഹം നന്ദിയും പറഞ്ഞു. ഒരു വാഹന നിർമ്മാതാവ് എന്ന നിലയിൽ മഹീന്ദ്രയെ സംബന്ധിച്ചിടത്തോളം അഭിമാനകരമായ ഈ പോസ്റ്റ് കണ്ടതിന് ശേഷം താൻ സന്തോഷവാനാണെന്നും അദ്ദേഹം കൂട്ടിച്ചേർത്തതായി കാര്‍ ടോഖ് റിപ്പോര്‍ട്ട് ചെയ്യുന്നു.
മഹീന്ദ്ര സ്കോർപിയോ നിലവിൽ ഒരു ഡീസൽ എസ്‌യുവിയായി ലഭ്യമാണ്, ഇത് പുതിയ സ്കോർപിയോ-എൻ-ന്റെ വരവിനുശേഷം സ്കോർപിയോ ക്ലാസിക് എന്ന് പുനർനാമകരണം ചെയ്യപ്പെടും. പെട്രോൾ-മാനുവൽ, പെട്രോൾ-ഓട്ടോമാറ്റിക്, ഡീസൽ-മാനുവൽ, ഡീസൽ-ഓട്ടോമാറ്റിക് കോമ്പിനേഷനുകളുള്ള ഒന്നിലധികം വേരിയന്റുകളിൽ പുതിയ സ്കോർപിയോ-എൻ വാഗ്ദാനം ചെയ്യും. എന്നിരുന്നാലും, സ്കോർപിയോ ക്ലാസിക് ഡീസൽ-മാനുവൽ കോമ്പിനേഷൻ, പിൻ-വീൽ-ഡ്രൈവ് സ്റ്റാൻഡേർഡായി നിലനിർത്തും.
ബസിലിടിച്ച് തകര്‍ന്ന് തരിപ്പണമായി XUV700, സുരക്ഷിതരായി യാത്രികര്‍, മഹീന്ദ്രയ്ക്ക് കയ്യടിച്ച് ജനം!
പുതിയ മഹീന്ദ്ര സ്കോർപിയോ ക്ലാസിക്, സ്കോർപിയോയുടെ നിലവിലെ പതിപ്പിനെപ്പോലെ, എസ്യുവിയുടെ ആവശ്യം ഇപ്പോഴും ശക്തമായിരിക്കുന്ന ചെറിയ പട്ടണങ്ങളിലേക്കും ഗ്രാമപ്രദേശങ്ങളിലേക്കും കൂടുതൽ ലക്ഷ്യമിടുന്നു. 138 PS പരമാവധി കരുത്തും 319 എന്എം പരമാവധി ടോർക്കും ഉൽപ്പാദിപ്പിക്കുന്ന ആറ് സ്‍പീഡ് ഗിയർബോക്സുള്ള 2.2-ലിറ്റർ ഫോർ-സിലിണ്ടർ ഡീസൽ എഞ്ചിന്‍ ഇതില്‍ തുടർന്നും വാഗ്ദാനം ചെയ്യും.
പാപ്പരായ കൊറിയന്‍ വണ്ടിക്കമ്പനിയെ ഒടുവില്‍ മഹീന്ദ്രയും കയ്യൊഴിഞ്ഞു!
2002 ജൂണ്‍ മാസത്തില്‍ പുറത്തിറങ്ങിയപ്പോള്‍ മുതല്‍ ഫ്രഞ്ച് വാഹന നിര്‍മ്മാതാക്കളായ റെനോയുമായി രൂപസാദൃശ്യമുള്ള വാഹനം ഇന്ത്യന്‍ നിരത്തുകളില്‍ തരംഗമായി മാറിയിരുന്നു. 2014ല്‍ ആണ് ഈ ജനപ്രിയ എസ്യുവിയുടെ മൂന്നാം തലമുറ വിപണിയില്‍ എത്തുന്നത്. തുടര്‍ന്ന് 2017ല്‍ കൂടുതല്‍ കരുത്തുള്ള എഞ്ചിനും ഗ്രില്ലില്‍ ഉള്‍പ്പെടെ മാറ്റങ്ങള്‍ വരുത്തി വാഹനം വീണ്ടും എത്തി. എസ് 3, എസ് 5, എസ് 7, എസ് 11 എന്നിങ്ങനെ നാലു വകഭേദങ്ങളില്‍ എത്തിയ പുതിയ സ്‍കോർപിയോയെയും ജനം നെഞ്ചേറ്റി. 2018 നവംബറിലാണ് സ്കോര്പിയോ S9 മോഡലിനെ മഹീന്ദ്ര അവതരിപ്പിച്ചത്.
വാങ്ങാന്‍ തള്ളിക്കയറ്റം, ഈ വണ്ടിയുടെ വില കുത്തനെ കൂട്ടി മഹീന്ദ്ര!
