- Home
- Life
- Food
- നിശബ്ദമായി കൊളസ്ട്രോൾ കൂട്ടുന്ന 5 നിത്യജീവിത ശീലങ്ങൾ; ഹൃദയാരോഗ്യം സംരക്ഷിക്കാൻ ചെയ്യേണ്ടത്
നിശബ്ദമായി കൊളസ്ട്രോൾ കൂട്ടുന്ന 5 നിത്യജീവിത ശീലങ്ങൾ; ഹൃദയാരോഗ്യം സംരക്ഷിക്കാൻ ചെയ്യേണ്ടത്
ലക്ഷണങ്ങൾ പ്രകടിപ്പിക്കാതെയാണ് പലപ്പോഴും കൊളസ്ട്രോൾ ഉയരുന്നത്. ഗുരുതരമായ അവസ്ഥകളിൽ എത്തുമ്പോൾ മാത്രമായിരിക്കും പലരും തങ്ങൾക്ക് കൊളസ്ട്രോൾ കൂടുതലാണെന്ന കാര്യം പോലും തിരിച്ചറിയുക. നിത്യജീവിതത്തിലെ ഈ ശീലങ്ങൾ കൊളസ്ട്രോൾ നില ഉയരാൻ കാരണമാകുന്നു.
കൃത്യസമയത്ത് ഭക്ഷണം കഴിക്കാതിരിക്കുന്നത്
രാവിലത്തെ ഭക്ഷണം ഒഴിവാക്കുന്നതും കൃത്യമായ സമയക്രമമില്ലാതെ ഭക്ഷണം കഴിക്കുന്നതും മെറ്റബോളിസത്തെ ദോഷകരമായി ബാധിക്കും. ഇത് ചീത്ത കൊളസ്ട്രോൾ കൂടാൻ കാരണമാകുന്നു.
പാക്കറ്റ്, പ്രോസസ്ഡ് ഭക്ഷണങ്ങൾ
ചിപ്സ്, ബിസ്ക്കറ്റുകൾ, ഫ്രോസൺ സ്നാക്കുകൾ തുടങ്ങിയ പാക്കറ്റ് ഭക്ഷണങ്ങളിൽ ട്രാൻസ് ഫാറ്റുകളും ശുദ്ധീകരിച്ച കാർബോഹൈഡ്രേറ്റുകളും വൻതോതിൽ അടങ്ങിയിട്ടുണ്ട്. ഇവ ശരീരത്തിലെ ചീത്ത കൊളസ്ട്രോൾ കൂട്ടുക മാത്രമല്ല, നല്ല കൊളസ്ട്രോൾ കുറയ്ക്കുകയും ചെയ്യും.
വ്യായാമം ഇല്ലാത്തത്
ഓഫീസിലോ വീട്ടിലോ മണിക്കൂറുകളോളം ഒരേ ഇരുപ്പ് ഇരിക്കുന്നത് ശരീരത്തിലെ കൊഴുപ്പിനെ ശരിയായി വിഘടിപ്പിക്കാനുള്ള ശേഷി കുറയ്ക്കും. ശാരീരിക അധ്വാനമില്ലാത്തത് നല്ല കൊളസ്ട്രോൾ കുറയ്ക്കാനും രക്തക്കുഴലുകളിൽ കൊഴുപ്പ് അടിഞ്ഞുകൂടാനും കാരണമാകുന്നു.
ഉറക്കക്കുറവും വിട്ടുമാറാത്ത മാനസിക സമ്മർദ്ദവും
കൊളസ്ട്രോൾ നിയന്ത്രണത്തിൽ ഉറക്കത്തിനും മാനസികാവസ്ഥയ്ക്കും വലിയ പങ്കുണ്ട്. തുടർച്ചയായ മാനസിക സമ്മർദ്ദവും ഉറക്കക്കുറവും ശരീരത്തിലെ ഹോർമോൺ സന്തുലിതാവസ്ഥയെ തെറ്റിക്കുകയും കൊളസ്ട്രോൾ നില ഉയർത്തുകയും ചെയ്യും.
പഞ്ചസാരയുടെയും കലോറിയുടെയും ഉപയോഗം
മധുരപാനീയങ്ങൾ, പലഹാരങ്ങൾ എന്നിവ ശരീരഭാരം കൂട്ടുന്നതിനും ഇൻസുലിൻ പ്രതിരോധത്തിനും കാരണമാകുന്നു. ഇത് പരോക്ഷമായി കൊളസ്ട്രോൾ വർദ്ധിപ്പിക്കുകയും ഹൃദ്രോഗ സാധ്യത കൂട്ടുകയും ചെയ്യും.
