തലച്ചോറിന്റെ ആരോഗ്യത്തെ ബാധിക്കുന്ന ഏഴ് ദൈനംദിന ശീലങ്ങൾ
ശരീരത്തിലെ എല്ലാ പ്രവര്ത്തനങ്ങളെയും നിയന്ത്രിക്കുന്ന അവയവമാണ് തലച്ചോര്. അതുകൊണ്ടു തന്നെ നിരന്തരമായ ശ്രദ്ധയും പരിചരണവും തലച്ചോറിന്റെ കാര്യത്തില് ആവശ്യമാണ്. ചില ശീലങ്ങള് തലച്ചോറിന്റെ പ്രവര്ത്തനത്തെയും മൊത്തത്തിലുള്ള ആരോഗ്യത്തെയും ബാധിക്കാം.
തലച്ചോറിന്റെ ആരോഗ്യത്തെ ബാധിക്കുന്ന ഏഴ് ദൈനംദിന ശീലങ്ങൾ
ശരീരത്തിലെ എല്ലാ പ്രവര്ത്തനങ്ങളെയും നിയന്ത്രിക്കുന്ന അവയവമാണ് തലച്ചോര്. അതുകൊണ്ടു തന്നെ നിരന്തരമായ ശ്രദ്ധയും പരിചരണവും തലച്ചോറിന്റെ കാര്യത്തില് ആവശ്യമാണ്. ചില ശീലങ്ങള് തലച്ചോറിന്റെ പ്രവര്ത്തനത്തെയും മൊത്തത്തിലുള്ള ആരോഗ്യത്തെയും ബാധിക്കാം.
ഉറക്കക്കുറവ് തലച്ചോറിന്റെ ആരോഗ്യത്തെയും മാനസികാരോഗ്യം എന്നിവയെ ബാധിച്ചേക്കാം
ഉറക്കത്തിനിടയിലാണ് തലച്ചോറ് സ്വയം നന്നാകുകയും ഓർമ്മകളെ ക്രമീകരിക്കുകയും അടുത്ത ദിവസത്തേക്കുള്ള ഊർജ്ജം വീണ്ടെടുക്കുകയും ചെയ്യുന്നത്. ആവശ്യത്തിന് ഉറക്കം ലഭിക്കാത്തത് ഏകാഗ്രത, ഓർമ്മശക്തി, മാനസികാരോഗ്യം എന്നിവയെ ബാധിച്ചേക്കാം. മുതിര്ന്നവരില് മൂന്നില് ഒരാള്ക്കുവീതം ദിവസം ഏഴു മുതല് എട്ടു വരെ മണിക്കൂര് ഉറക്കം ലഭിക്കാറില്ലെന്ന് സെന്റേഴ്സ് ഫോര് ഡിസീസ് കണ്ട്രോള് ആന്ഡ് പ്രിവന്ഷന്റെ റിപ്പോര്ട്ടുകള് ചൂണ്ടിക്കാണിക്കുന്നു.
ദീർഘനേരം ഇരിക്കുന്നത് തലച്ചോറിന്റെ ആരോഗ്യത്തെ ബാധിച്ചേക്കാം
ദീർഘനേരം ഇരിക്കുന്നത് രക്തയോട്ടം കുറയ്ക്കാനും അമിതവണ്ണം, പ്രമേഹം, ഉയർന്ന രക്തസമ്മർദ്ദം എന്നിവയ്ക്കുള്ള സാധ്യത വർദ്ധിപ്പിക്കാനും ഇടയാക്കും. ഇവയെല്ലാം കാലക്രമേണ തലച്ചോറിന്റെ ആരോഗ്യത്തെ ബാധിച്ചേക്കാം. ദീര്ഘനേരത്തെ ഇരിപ്പ് മേധാക്ഷയത്തിനും ഓര്മക്കുറവിനും കാരണമാകും. ഇതിനെ തടുക്കാന് ദിവസവും 15 മുതല് 30 വരെ മിനിറ്റ് ഏതെങ്കിലും തരത്തിലുള്ള വ്യായാമത്തില് ഏര്പ്പെടേണ്ടതാണ്.
സ്ക്രീനുകൾക്ക് മുന്നിൽ അമിതസമയം ചെലവഴിക്കുന്നത് തലച്ചോറിനെ ബാധിക്കാം
സ്ക്രീനുകൾക്ക് മുന്നിൽ അമിതസമയം ചെലവഴിക്കുന്നത് മാനസിക ക്ഷീണം, ശ്രദ്ധ കേന്ദ്രീകരിക്കാനുള്ള ബുദ്ധിമുട്ട്, ഉറക്ക തകരാറുകൾ എന്നിവയ്ക്ക് കാരണമായേക്കാം. കൂടുതൽ സമയം കമ്പ്യൂട്ടർ, ഫോൺ തുടങ്ങിയ സ്ക്രീനുകൾക്ക് മുൻപിൽ ഇരിക്കുന്നത് കണ്ണിന്റെ ആരോഗ്യത്തെയും ശരീരത്തെയും ദോഷകരമായി ബാധിക്കാം.
മധുര പാനീയങ്ങൾ, സംസ്കരിച്ച ഭക്ഷണങ്ങൾ, എണ്ണയിൽ വറുത്ത പലഹാരങ്ങൾ
ജങ്ക് ഫുഡ് തലച്ചോറിനെ ബാധിക്കാം. മധുര പാനീയങ്ങൾ, സംസ്കരിച്ച ഭക്ഷണങ്ങൾ, എണ്ണയിൽ വറുത്ത പലഹാരങ്ങൾ, എന്നിവ അടങ്ങിയ തലച്ചോറിനെ ബാധിച്ചേക്കാം. സന്തുലിതവും പോഷകസമ്പുഷ്ടവുമായ ഭക്ഷണക്രമം ആരോഗ്യകരമായ തലച്ചോറിന് ആവശ്യമാണ്.
പുകവലി ലച്ചോറിന്റെ പ്രവർത്തനം എന്നിവ ബാധിച്ചേക്കാം.
പുകവലി രക്തക്കുഴലുകളെ തകരാറിലാക്കുകയും പക്ഷാഘാതത്തിനുള്ള സാധ്യത ഗണ്യമായി വർദ്ധിപ്പിക്കുകയും ചെയ്യുന്നു. അമിതമായ പുകവലി ഓർമ്മശക്തി, തീരുമാനമെടുക്കാനുള്ള കഴിവ്, ഉറക്കം, ദീർഘകാലാടിസ്ഥാനത്തിലുള്ള തലച്ചോറിന്റെ പ്രവർത്തനം എന്നിവയെ ബാധിച്ചേക്കാം.
തുടർച്ചയായ സമ്മർദ്ദം ഉറക്കം, ഏകാഗ്രത, മാനസികാവസ്ഥ, രക്തസമ്മർദ്ദം എന്നിവയെ ബാധിച്ചേക്കാം
തുടർച്ചയായ സമ്മർദ്ദം ഉറക്കം, ഏകാഗ്രത, മാനസികാവസ്ഥ, രക്തസമ്മർദ്ദം എന്നിവയെ ബാധിച്ചേക്കാം. കാലക്രമേണ, ഇത് ഉത്കണ്ഠ, ക്ഷീണം, മാനസിക പ്രവർത്തനക്ഷമതയിലുള്ള കുറവ് എന്നിവയ്ക്കും കാരണമായേക്കാം. തലച്ചോറിന്റെ ആരോഗ്യത്തിന് ധ്യാനം, ശ്വസന വ്യായാമങ്ങള്, യോഗ എന്നിവയിലൂടെയെല്ലാം സമ്മർദം നിയന്ത്രിച്ച് നിര്ത്തേണ്ടതാണ്.
അപസ്മാരം, കഠിനമായ തലവേദന, മരവിപ്പ് എന്നിവ ഒരിക്കലും അവഗണിക്കരുത്
നാഡീസംബന്ധമായ ലക്ഷണങ്ങളെ നിസ്സാരമായി കാണരുത്. പെട്ടെന്നുണ്ടാകുന്ന ബലഹീനത, സംസാരത്തിലെ അവ്യക്തത, മുഖം ഒരു വശത്തേക്ക് കോടിപ്പോകുക, അപസ്മാരം, കഠിനമായ തലവേദന, മരവിപ്പ് എന്നിവ ഒരിക്കലും അവഗണിക്കരുത്.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam
