ഹൃദയത്തെ തകരാറിലാക്കുന്ന 5 ദൈനംദിന ശീലങ്ങൾ

ഹൃദയാരോഗ്യം സംരക്ഷിക്കണമെങ്കിൽ ശരിയായ ഭക്ഷണ ക്രമീകരണവും കൃത്യമായ ജീവിതശൈലിയും ഉണ്ടായിരിക്കണം. എല്ലാത്തരം ശീലങ്ങളും ആരോഗ്യത്തെ പിന്തുണയ്ക്കുന്നവയല്ല. ഈ ദൈനംദിന ശീലങ്ങൾ ഹൃദയാരോഗ്യം തകരാറിലാക്കുന്നു. 

Image Credit : Getty

വ്യായാമം ചെയ്യാത്തത്

കൃത്യമായി വ്യായാമങ്ങൾ ചെയ്യുന്നത് ഹൃദയാരോഗ്യം സംരക്ഷിക്കാൻ സഹായിക്കുന്നു. ശരീരത്തിന് വ്യായാമം കിട്ടാതെ വരുമ്പോൾ ശരീരഭാരവും കൊളസ്റ്ററോളും കൂടാൻ കാരണമാകുന്നു. ഇത് ഹൃദ്രോഗ സാധ്യത വർധിപ്പിക്കും.

Image Credit : Getty

ഉറങ്ങാതിരിക്കുക

ശരിയായ ഉറക്കം കിട്ടാതെ വരുന്നതും ഹൃദയാരോഗ്യം തകരാറിലാവാൻ കാരണമാകുന്നു. കുറഞ്ഞത് 7 മണിക്കൂർ വരെയെങ്കിലും നല്ല ഉറക്കം കിട്ടേണ്ടതുണ്ട്. ഉറക്ക കുറവ് മൂലം രക്തസമ്മർദ്ദം കൂടാനും ഇത് പൊണ്ണത്തടിക്കും കാരണമാകുന്നു.

Image Credit : Getty

ഒറ്റക്കിരിക്കുന്നത്

ഏകാന്തതയും, സാമൂഹിക ഒറ്റപ്പെടലും ഹൃദയാരോഗ്യം തകരാറിലാവാൻ കാരണമാകുന്നു. ഇത് മാനസിക സമ്മർദ്ദവും രക്തസമ്മർദ്ദവും കൂട്ടാനും ഹൃദ്രോഗം ഉണ്ടാവാനും കാരണമാകുന്നു.

Image Credit : others

സമ്മർദ്ദം

എല്ലാവരിലും സമ്മർദ്ദം ഉണ്ടാകാറുണ്ട്. എന്നിരുന്നാലും അമിതമായി സമ്മർദ്ദം ഉണ്ടാകുന്നത് ഹൃദയാരോഗ്യം അവതാളത്തിലാവാൻ കാരണമാകുന്നു.

Image Credit : our own

വിറ്റാമിൻ ഡിയുടെ കുറവ്

ശരീരത്തിൽ വിറ്റാമിൻ ഡിയുടെ അളവ് കുറയുന്നത് ഹൃദ്രോഗ സാധ്യത കൂട്ടുന്നു. വിറ്റാമിൻ ഡി കുറയുമ്പോൾ രക്‌തസമ്മർദ്ദം കൂടുകയും വീക്കം ഉണ്ടാവുകയും ചെയ്യുന്നു.