പ്രമേഹ സാധ്യത കുറയ്ക്കുന്ന 7 ഭക്ഷണങ്ങൾ
പ്രമേഹം നിയന്ത്രിക്കുന്നതിന് ഭക്ഷണക്രമം നിർണായകമായ പങ്ക് വഹിക്കുന്നു.
പ്രമേഹ സാധ്യത കുറയ്ക്കുന്ന 7 ഭക്ഷണങ്ങൾ
പ്രമേഹം നിയന്ത്രിക്കുന്നതിന് ഭക്ഷണക്രമം നിർണായകമായ പങ്ക് വഹിക്കുന്നു. വാസ്തവത്തിൽ, ഭക്ഷണക്രമം ചിട്ടപ്പെടുത്തുന്നതും നിയന്ത്രിക്കുന്നതും ഇൻസുലിനോടുള്ള ശരീരത്തിന്റെ പ്രതികരണശേഷി മെച്ചപ്പെടുത്താനും ദീർഘകാലാടിസ്ഥാനത്തിൽ രോഗത്തെ നിയന്ത്രിക്കാനും സഹായിക്കും. പ്രമേഹരോഗികൾക്കുള്ള ആരോഗ്യകരമായ ഭക്ഷണക്രമത്തിൽ ഉയർന്ന അളവിൽ നാരുകൾ (fiber), ആന്റിഓക്‌സിഡന്റുകൾ, വിറ്റാമിനുകളും ധാതുക്കളും, കൊഴുപ്പ് കുറഞ്ഞ പ്രോട്ടീൻ, കൂടാതെ പുതിയ പഴങ്ങളും പച്ചക്കറികളും എന്നിവ ഉൾപ്പെടുത്തേണ്ടതുണ്ട്. പ്രമേഹ സാധ്യത കുറയ്ക്കുന്ന ചില ഭക്ഷണങ്ങളെ കുറിച്ചാണ് ഇനി പറയുന്നത്.
ധാന്യങ്ങളിൽ ലയിക്കുന്നതും ലയിക്കാത്തതുമായ നാരുകൾ ധാരാളമായി അടങ്ങിയിട്ടുണ്ട്
ബാർലി, ബ്രൗൺ റൈസ്, ചെറുധാന്യങ്ങൾ (millet), ഓട്‌സ് തുടങ്ങിയ ധാന്യങ്ങളിൽ ലയിക്കുന്നതും ലയിക്കാത്തതുമായ നാരുകൾ ധാരാളമായി അടങ്ങിയിട്ടുണ്ട്. ഇവ രക്തത്തിലെ പഞ്ചസാരയുടെ അളവ് നിയന്ത്രിക്കാനും ശരീരഭാരം മികച്ച രീതിയിൽ പരിപാലിക്കാനും സഹായിക്കുന്നു.
നട്‌സ് ഭക്ഷണത്തിൽ ഉൾപ്പെടുത്തുന്നത് രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കും
ബദാം, കശുവണ്ടി, പിസ്ത, വാൾനട്ട് തുടങ്ങിയവ ഭക്ഷണത്തിൽ ഉൾപ്പെടുത്തുന്നത് രക്തത്തിലെ പഞ്ചസാരയുടെ അളവ് നിയന്ത്രിക്കാൻ സഹായിക്കും. കാരണം, ഇവയിൽ അടങ്ങിയിരിക്കുന്ന അൺസാച്ചുറേറ്റഡ് ഫാറ്റുകളും വിറ്റാമിനുകളും ധാതുക്കളും ശരീരത്തിലെ വീക്കം , ഇൻസുലിൻ പ്രതിരോധം എന്നിവ കുറയ്ക്കാൻ സഹായിക്കുന്നു.
നെല്ലിക്ക എൽഡിഎൽ കൊളസ്ട്രോൾ എന്നിവ കുറയ്ക്കാനും എച്ച്ഡിഎൽ ("നല്ല") കൊളസ്ട്രോൾ വർദ്ധിപ്പിക്കാനും
ഭക്ഷണത്തിന് ശേഷമുള്ള രക്തത്തിലെ പഞ്ചസാരയുടെ അളവ് കുറയ്ക്കാനും, ഇൻസുലിൻ സംവേദനക്ഷമത മെച്ചപ്പെടുത്താനും, ആരോഗ്യകരമായ HbA1c നില നിലനിർത്താനും നെല്ലിക്ക സഹായിക്കും. നെല്ലിക്കയ്ക്ക് മൊത്തം കൊളസ്ട്രോൾ, ട്രൈഗ്ലിസറൈഡുകൾ, എൽഡിഎൽ കൊളസ്ട്രോൾ എന്നിവ കുറയ്ക്കാനും എച്ച്ഡിഎൽ ("നല്ല") കൊളസ്ട്രോൾ വർദ്ധിപ്പിക്കാനും കഴിയുമെന്നാണ് പഠനങ്ങൾ പറയുന്നത്.
ബീറ്റ്‌റൂട്ട് രുചികരവും സംതൃപ്തി നൽകുന്നതുമായ ഒരു ഭക്ഷണവിഭവം മാത്രമല്ല, കാർബോഹൈഡ്രേറ്റ് കുറഞ്ഞതുമാണ്.
ബീറ്റ്‌റൂട്ട് രുചികരവും സംതൃപ്തി നൽകുന്നതുമായ ഒരു ഭക്ഷണവിഭവം മാത്രമല്ല, കാർബോഹൈഡ്രേറ്റ് കുറഞ്ഞതുമാണ്. വിറ്റാമിനുകൾ, ധാതുക്കൾ, നാരുകൾ, ഫൈറ്റോന്യൂട്രിയന്റുകൾ എന്നിവയാൽ സമ്പന്നമായ ഇവ പ്രമേഹ നിയന്ത്രണത്തിന് സഹായിക്കുന്നു. ഇവ കഴിക്കുമ്പോൾ, അതിലെ സ്വാഭാവിക പഞ്ചസാര ശരീരത്തിൽ ഗ്ലൂക്കോസായി വളരെ വേഗത്തിൽ മാറാത്തതിനാൽ പ്രമേഹരോഗികൾക്ക് ഇത് വളരെ അനുയോജ്യമാണ്.
ലൈക്കോപീൻ ധാരാളമായി അടങ്ങിയിട്ടുള്ള തക്കാളി ഹൃദയാരോഗ്യത്തിന് വളരെ നല്ലതാണ്
ലൈക്കോപീൻ ധാരാളമായി അടങ്ങിയിട്ടുള്ള തക്കാളി ഹൃദയാരോഗ്യത്തിന് വളരെ നല്ലതാണ്. ഇവ രക്തസമ്മർദ്ദവും പ്രമേഹവുമായി ബന്ധപ്പെട്ട ഹൃദയസംബന്ധമായ സങ്കീർണതകൾക്കുള്ള സാധ്യതയും കുറയ്ക്കുന്നു. വിറ്റാമിൻ സി, വിറ്റാമിൻ എ, പൊട്ടാസ്യം എന്നിവയാൽ സമ്പന്നമാണ് തക്കാളി. കാർബോഹൈഡ്രേറ്റും കലോറിയും കുറവായതിനാൽ പ്രമേഹരോഗികൾക്ക് ഇതൊരു മികച്ച ഭക്ഷണമാണ്.
മത്തങ്ങക്കുരു വിശപ്പ് കുറയ്ക്കാൻ സഹായിക്കുന്നു.
കൊഴുപ്പും പഞ്ചസാരയും അടങ്ങിയ ഭക്ഷണങ്ങളോടുള്ള ആഗ്രഹം നിയന്ത്രിക്കാൻ ഒരു പിടി മത്തങ്ങക്കുരു സഹായകമാണ്. ഇരുമ്പും അപൂരിത കൊഴുപ്പുകളും ധാരാളമായി അടങ്ങിയിട്ടുള്ള ഇവ വിശപ്പ് കുറയ്ക്കാൻ സഹായിക്കുന്നു.
ലിഗ്നാൻ എന്ന ലയിക്കാത്ത തരം നാര് വലിയ അളവിൽ ഫ്ലാക്സ് സീഡുകളിൽ അടങ്ങിയിട്ടുണ്ട്.
ലിഗ്നാൻ എന്ന ലയിക്കാത്ത തരം നാര് വലിയ അളവിൽ ഫ്ലാക്സ് സീഡുകളിൽ അടങ്ങിയിട്ടുണ്ട്. ഹൃദയ സംബന്ധമായ പ്രശ്നങ്ങൾ കുറയ്ക്കാനും, പ്രമേഹവുമായി ബന്ധപ്പെട്ട പക്ഷാഘാത സാധ്യത ലഘൂകരിക്കാനും ഫ്ലാക്സ് സീഡുകൾ സഹായിക്കുന്നു. ഇവ ശരീരത്തിലെ രക്തത്തിലെ പഞ്ചസാരയുടെ അളവ് നിയന്ത്രിക്കുകയും കുടലിന്റെ ആരോഗ്യം മെച്ചപ്പെടുത്തുകയും ഇൻസുലിൻ സംവേദനക്ഷമത വർദ്ധിപ്പിക്കുകയും ചെയ്യുന്നു.
ഏഷ്യാനെറ്റ് ന്യൂസ് മലയാളത്തിലൂടെ Health News അറിയൂ. Food and Recipes തുടങ്ങി മികച്ച ജീവിതം നയിക്കാൻ സഹായിക്കുന്ന ടിപ്സുകളും ലേഖനങ്ങളും — നിങ്ങളുടെ ദിവസങ്ങളെ കൂടുതൽ മനോഹരമാക്കാൻ Asianet News Malayalam
