മഴക്കാലത്തെ കൊതുകിനെ തുരത്താൻ എളുപ്പമാണ്; ഇങ്ങനെ ചെയ്താൽ മതി
മഴ തുടങ്ങുന്നതിനൊപ്പം കൊതുകുകൾ മുട്ടയിട്ട് പെരുകുന്നു. ഇത് പലതരം രോഗങ്ങൾക്കാണ് വഴി വയ്ക്കുന്നത്. കൊതുക് പരത്തുന്ന രോഗങ്ങളിൽ നിന്നും രക്ഷ നേടണമെങ്കിൽ ആദ്യം കൊതുകിനെ തുരത്തണം.
വെള്ളം കെട്ടിനിൽക്കുക
വെള്ളം കെട്ടിനിൽക്കുന്ന സ്ഥലങ്ങളിലാണ് കൊതുകുകൾ അധികവും മുട്ടയിട്ട് പെരുകുന്നത്. വീടിന്റെ പരിസരങ്ങളിൽ ഉള്ള ബക്കറ്റുകൾ കമഴ്ത്തി വയ്ക്കാം. ഇത് കൊതുക് പെരുകുന്നതിനെ തടയുന്നു.
ജനാലയും വാതിലും
ജനാലകളിലും വാതിലുകളിലും നെറ്റ് അടിക്കുന്നത് പുറത്ത് നിന്നും വീടിനകത്തേക്ക് കൊതുക് കയറുന്നതിനെ തടയുന്നു.
ഗ്രാമ്പു, വെളുത്തുള്ളി
കൊതുക് തിരികൾ കത്തിച്ചുവെച്ച കൊതുകിനെ തുരത്താറുണ്ട്. അതുപോലെ തന്നെ വീട്ടിലുള്ള വസ്തുക്കൾ ഉപയോഗിച്ചും കൊതുകിനെ അകറ്റാൻ സാധിക്കും. ഗ്രാമ്പു, വെളുത്തുള്ളി, നാരങ്ങ എന്നിവ സ്പ്രേ ചെയ്യാവുന്നതാണ്.
സ്പ്രേ ചെയ്യാം
വേപ്പില, പുതിന, ഇഞ്ചിപ്പുല്ല്, യൂക്കാലിപ്റ്റസ്, ലാവണ്ടർ എന്നിവയുടെ എണ്ണ സ്പ്രേ ചെയ്താൽ കൊതുകിനെ അകറ്റി നിർത്താൻ സഹായിക്കുന്നു.
ചെടികൾ
തുളസി, റോസ്മേരി, ഇഞ്ചിപ്പുല്ല്, ജമന്തി, ലാവണ്ടർ, പുതിന എന്നിവ വളർത്തുന്നത് വീട്ടിൽ കൊതുക് വരുന്നതിനെ തടയുന്നു.
ഫാൻ ഉപയോഗിക്കാം
കൊതുകുകൾക്ക് ആയുസ്സ് വളരെ കുറവാണ്. അതിനാൽ തന്നെ വലിയ കാറ്റുകളെ അതിജീവിക്കാൻ ഇവയ്ക്ക് സാധിക്കുകയില്ല. കൊതുക് വരുന്ന സമയങ്ങളിൽ ഫാൻ ഇടുന്നതും നല്ലതാണ്.
