എൻഡിഎ സെലിബ്രിറ്റി സ്ഥാനാർത്ഥികളെ ട്രോളി വൃദ്ധി വിശാലിന്റെ റീൽ; പ്രതികരിച്ച് അഖിൽ മാരാർ, വിമർശനം

അടുത്ത അഞ്ച് വർഷം കേരളം ആര് ഭരിക്കുമെന്നറിയാൻ കാത്തിരിക്കുകയാണ് ഏവരും. വോട്ടെടുപ്പ് കഴിഞ്ഞെങ്കിലും സ്ഥാനാർത്ഥികൾ എല്ലാവരും തന്നെ മണ്ഡലങ്ങളിൽ സജീവമായി തുടരുന്നുണ്ട്. 

Image Credit : Asianet News

ട്രോള്‍ റീലുമായി വൃദ്ധി വിശാല്‍

ഏപ്രിൽ 7ന് ആയിരുന്നു തെര‍ഞ്ഞെടുപ്പ് കലാശക്കൊട്ട് നടന്നത്. ഇതിന്റെ വീഡിയോകളും ഫോട്ടോകളുമെല്ലാം സോഷ്യൽ മീഡിയയിൽ വൈറലായിരുന്നു.

Image Credit : Instagram

ഇതിൽ നിന്നുമുള്ളൊരു ചെറിയ റീൽ ചെയ്തിരിക്കുകയാണ് മലയാള സിനിമയുടെ ബാലതാരവും സോഷ്യൽ മീഡിയ താരവുമായ വൃദ്ധി വിശാൽ. 

Image Credit : Instagram

എൻഡിഎയുടെ സെലിബ്രിറ്റി സ്ഥാനാർത്ഥികളായ അഖിൽ മാരാർ, റോബിൻ രാധാകൃഷ്ണൻ, അഞ്ജലി നായർ എന്നിവരെ ട്രോളിക്കൊണ്ടുള്ളതാണ് വീഡിയോ.

Image Credit : Instagram

മലയാളത്തിന്റെ പ്രിയ നടിയായിരുന്ന ഫിലോമിനയുടെ ഡയലോ​ഗിനൊപ്പം ഇവർ മൂന്ന് പേരുടേയും കലാശക്കൊട്ടിലെ രസകരമായ കാര്യങ്ങളും ഉൾക്കൊള്ളിത്താണ് റീൽ ചെയ്തിരിക്കുന്നത്. എപ്പോഴത്തേയും പോലെ ഈ റീലും വളരെ രസകരമായി തന്നെ വൃദ്ധി അവതരിപ്പിച്ചിട്ടുണ്ട്.

Image Credit : Facebook/ Akhil Marar

ഇതിനകം അഞ്ച് മില്യണിലധികം പേരാണ് റീൽ കണ്ടിരിക്കുന്നത്. പിന്നാലെ പ്രതികരണവുമായി അഖിൽ മാരാരും രം​ഗത്ത് എത്തി. ഹൃദയത്തിന്റെ ഇമോജിയാണ് റീലിന് താഴെ അഖിൽ മാരാർ കമന്റായി രേഖപ്പെടുത്തിയത്. ഇതിന് വൃദ്ധി നന്ദിയും പറ‍ഞ്ഞിട്ടുണ്ട്.

Image Credit : Instagram

ഈ റീൽ തന്റെ സോഷ്യൽ മീഡിയയിൽ സ്റ്റോറിയായിട്ടും അഖിൽ പോസ്റ്റ് ചെയ്തിട്ടുണ്ട്. "അടിച്ചു കയറിവാ മുത്തേ" എന്നാണ് ഇതിനൊപ്പം അഖിൽ കുറിച്ചത്.

Image Credit : Instagram

അതേസമയം, റീൽ വീഡിയോയ്ക്ക് താഴെ വിമർശന കമന്റുകളും വരുന്നുണ്ട്. 

Image Credit : Instagram

"ഇത് വളരെ മോശം, ഒരു പാർട്ടിയെയും മോശമാക്കാൻ കുഞ്ഞിനെ എടുക്കണ്ടായിരുന്നു", എന്നാണ് ചിലർ കമന്റ് ചെയ്തിരിക്കുന്നത്. "മകളേ വച്ച് സ്വന്തം രാഷ്ട്രീയബോധം പുറത്തുകാണിപ്പിക്കുന്ന മാതാപിതാക്കൾ"എന്നും വിമർശനം വരുന്നുണ്ട്.