ചില ഭക്ഷണ ശീലങ്ങൾ വീക്കം, മോശം രക്തചംക്രമണം, കാലക്രമേണ ഡിമെൻഷ്യ സാധ്യത വർദ്ധിപ്പിക്കൽ എന്നിവയ്ക്ക് കാരണമാകും. ഈ ശീലങ്ങൾ മനസ്സിലാക്കുകയും ഒഴിവാക്കുകയും ചെയ്യുന്നത് തലച്ചോറിനെ സംരക്ഷിക്കാനും മൊത്തത്തിലുള്ള ആരോഗ്യത്തിനും സഹായിച്ചേക്കാം.
ഓർമ്മശക്തി, ചിന്ത, ദൈനംദിന പ്രവർത്തനങ്ങൾ എന്നിവയെ ബാധിക്കുന്ന രോഗമാണ് ഡിമെൻഷ്യ. നിലവിൽ ചികിത്സയില്ലെങ്കിലും, ജീവിതശൈലി മാറ്റങ്ങൾ പ്രത്യേകിച്ച് ഭക്ഷണക്രമം തലച്ചോറിന്റെ ആരോഗ്യം സംരക്ഷിക്കുന്നതിൽ ഒരു പ്രധാന പങ്ക് വഹിക്കുന്നു.
ചില ഭക്ഷണ ശീലങ്ങൾ വീക്കം, മോശം രക്തചംക്രമണം, കാലക്രമേണ ഡിമെൻഷ്യ സാധ്യത വർദ്ധിപ്പിക്കൽ എന്നിവയ്ക്ക് കാരണമാകും. ഈ ശീലങ്ങൾ മനസ്സിലാക്കുകയും ഒഴിവാക്കുകയും ചെയ്യുന്നത് തലച്ചോറിനെ സംരക്ഷിക്കാനും മൊത്തത്തിലുള്ള ആരോഗ്യത്തിനും സഹായിച്ചേക്കാം. ഓർമ്മശക്തിയെ നശിപ്പിക്കുകയും ഡിമെൻഷ്യ സാധ്യത വർദ്ധിപ്പിക്കുകയും ചെയ്യുന്ന അനാരോഗ്യകരമായ നാല് ഭക്ഷണ ശീലങ്ങളെ കുറിച്ചാണ് ഇനി പറയുന്നത്.
ഒന്ന്
Related Articles
സോസേജുകൾ, ബേക്കൺ, ഹാം തുടങ്ങിയ സംസ്കരിച്ച മാംസങ്ങൾ തലച്ചോറിന്റെ ആരോഗ്യത്തെ ബാധിക്കാം. ശരീരത്തിലെ വീക്കവുമായി ബന്ധപ്പെട്ട സംയുക്തങ്ങളായ നൈട്രേറ്റുകൾ ഈ മാംസങ്ങളിൽ അടങ്ങിയിരിക്കുന്നു. ഉയർന്ന അളവിലുള്ള പൂരിത കൊഴുപ്പുകളും സോഡിയവും ചേർന്ന് ഈ അഡിറ്റീവുകളുടെ പതിവ് ഉപഭോഗം തലച്ചോറിൽ പ്ലാക്ക് അടിഞ്ഞുകൂടുന്നതിന് കാരണമാകും.
സംസ്കരിച്ച മാംസം നിറഞ്ഞ പ്രഭാതഭക്ഷണം ഒഴിവാക്കുന്നതാണ് ആരോഗ്യത്തിന് നല്ലത്. പക്ഷേ ദീർഘകാല ഉപയോഗം തലച്ചോറിന്റെ പ്രവർത്തനത്തെ ബാധിച്ചേക്കാം. പകരം, മുട്ട, ബീൻസ്, പയർ, മത്സ്യം തുടങ്ങിയ പ്രോട്ടീൻ അടങ്ങിയ ഭക്ഷണങ്ങൾ കഴിക്കുക.
രണ്ട്
പഞ്ചസാര കൂടുതലുള്ള ഭക്ഷണപാനീയങ്ങൾ അമിതമായി കഴിക്കുക തലച്ചോറിന്റെ ആരോഗ്യത്തിന് നല്ലതല്ല. മധുരമുള്ള ധാന്യങ്ങൾ, പേസ്ട്രികൾ, ഡോനട്ടുകൾ, ഫ്ലേവേഡ് തൈര്, ചില പഴച്ചാറുകൾ എന്നിവ രക്തത്തിലെ പഞ്ചസാരയുടെ അളവിൽ പെട്ടെന്ന് വർദ്ധനവിന് കാരണമാകും. ഇത് ഓർമ്മശക്തി കുറയുന്നതിന് ഇടയാക്കും.
അധിക പഞ്ചസാര ഇൻസുലിൻ പ്രതിരോധം വർദ്ധിപ്പിക്കുകയും വിട്ടുമാറാത്ത വീക്കം വർദ്ധിപ്പിക്കുകയും ചെയ്യുന്നു. ഇവ രണ്ടും ഡിമെൻഷ്യ, അൽഷിമേഴ്സ് രോഗം എന്നിവയ്ക്കുള്ള ഉയർന്ന അപകടസാധ്യതയുമായി ശക്തമായി ബന്ധപ്പെട്ടിരിക്കുന്നു. ശുദ്ധീകരിച്ച പഞ്ചസാര കൂടുതലായി അടങ്ങിയ ഭക്ഷണക്രമം തലച്ചോറിൽ അമിലോയിഡ് പ്ലാക്കുകൾ രൂപപ്പെടുന്നതിനെ ത്വരിതപ്പെടുത്തിയേക്കാം. ഓട്സ്, പഴങ്ങൾ, നട്സ്, വിത്തുകൾ തുടങ്ങിയ ഭക്ഷണങ്ങൾ രക്തത്തിലെ പഞ്ചസാരയുടെ അളവ് സ്ഥിരപ്പെടുത്താനും തലച്ചോറിന് സ്ഥിരമായ ഊർജ്ജം നൽകാനും സഹായിക്കുന്നു.
മൂന്ന്
ഒരു ദിവസത്തെ പ്രധാനപ്പെട്ട ഏറ്റവും പ്രധാനപ്പെട്ട ഭക്ഷണമാണ് പ്രാതൽ. പ്രഭാതഭക്ഷണം ഒഴിവാക്കുന്ന ശീലവും തലച്ചോറിന്റെ ആരോഗ്യത്തെ ബാധിക്കാം. പ്രാതൽ ഒഴിവാക്കുന്നത് തലച്ചോറിന്റെ ആരോഗ്യത്തിന് ദോഷകരമാകാം. പ്രത്യേകിച്ച് ഡിമെൻഷ്യ സാധ്യതയുള്ളവരിൽ. പ്രഭാതഭക്ഷണം ഒഴിവാക്കുന്നത് സമ്മർദ്ദ ഹോർമോണുകളുടെ അളവ് വർദ്ധിപ്പിക്കുകയും ഏകാഗ്രത കുറയ്ക്കുകയും മാനസികാവസ്ഥയെ ബാധിക്കുകയും ചെയ്യും. തുടർച്ചയായി പ്രഭാതഭക്ഷണം ഒഴിവാക്കുന്നത് ശ്രദ്ധക്കുറവ്, ക്ഷീണം, ദീർഘകാല ഓർമ്മക്കുറവ് എന്നിവയ്ക്കുള്ള സാധ്യത കൂട്ടുന്നതായി പഠനങ്ങൾ പറയുന്നു.
നാല്
പൂരിത കൊഴുപ്പ് കൂടുതലുള്ള ഭക്ഷണങ്ങൾ വളരെയധികം കഴിക്കുന്നതും തലച്ചോറിന്റെ ആരോഗ്യത്തെ ബാധിക്കാം. വെണ്ണ, ചീസ്, വറുത്ത ഉരുളക്കിഴങ്ങ്, കൊഴുപ്പ് കൂടുതലുള്ള മാംസം തുടങ്ങിയ ഭക്ഷണങ്ങളിൽ കാണപ്പെടുന്ന പൂരിത കൊഴുപ്പ് തലച്ചോറിന്റെ ആരോഗ്യത്തെ ബാധിക്കാം.
സമീകൃതാഹാരത്തിൽ ചെറിയ അളവിൽ പൂരിത കൊഴുപ്പ് ആവശ്യമാണെങ്കിലും ഈ കൊഴുപ്പുകൾ അടങ്ങിയ പ്രഭാതഭക്ഷണം പതിവായി കഴിക്കുന്നത് വീക്കം, തലച്ചോറിന്റെ ആരോഗ്യം എന്നിവയ്ക്ക് കാരണമാകും.
