എത്രയൊക്കെ വൃത്തിയാക്കി സൂക്ഷിച്ചാലും വസ്ത്രങ്ങളിൽ കറ പറ്റിക്കൊണ്ടേയിരിക്കും. ശരിയായ രീതിയിൽ കറ നീക്കം ചെയ്തില്ലെങ്കിൽ വസ്ത്രത്തിൽ കൂടുതൽ പറ്റിയിരിക്കുകയും പിന്നീട് വൃത്തിയാക്കുന്നത് ബുദ്ധിമുട്ടുണ്ടാക്കുകയും ചെയ്യുന്നു.
വസ്ത്രങ്ങൾ എപ്പോഴും തിളക്കത്തോടെ ഇരിക്കുന്നതാണ് നമുക്ക് ഇഷ്ടം. എന്നാൽ എത്രയൊക്കെ സൂക്ഷിച്ചാലും വസ്ത്രത്തിൽ എളുപ്പം കറ പറ്റുന്നു. ശരിയായ രീതിയിൽ വൃത്തിയാക്കില്ലെങ്കിൽ കറ പിന്നീട് പോവുകയുമില്ല. വസ്ത്രങ്ങളിൽ പറ്റിപ്പിടിച്ച കറ കളയാൻ പല വഴികളും നമ്മൾ പരീക്ഷിക്കാറുണ്ട്. കറപിടിച്ച വസ്ത്രങ്ങൾ കഴുകുമ്പോൾ പ്രധാനമായും ശ്രദ്ധിക്കേണ്ട കാര്യങ്ങൾ എന്തൊക്കെയാണെന്ന് അറിയാം.
വൃത്തിയാക്കാതിരിക്കുന്നത്
വസ്ത്രത്തിൽ കറപിടിച്ചാൽ ഉടൻ തന്നെ അതിനെ കഴുകി വൃത്തിയാക്കാൻ ശ്രദ്ധിക്കണം. ദിവസങ്ങളോളം കഴുകാതെ വെയ്ക്കുമ്പോൾ വസ്ത്രത്തിൽ ആഴത്തിൽ കറ പറ്റിയിരിക്കുകയും പിന്നീട് വൃത്തിയാക്കുന്നത് ബുദ്ധിമുട്ടുണ്ടാക്കുകയും ചെയ്യുന്നു. അതിനാൽ തന്നെ കറ ഉണങ്ങുന്നതിന് മുന്നേ കഴുകി വൃത്തിയാക്കാൻ ശ്രദ്ധിക്കണം.
കറ നീക്കം ചെയ്യണം
കറപിടിച്ച വസ്ത്രങ്ങൾ മറ്റു വസ്ത്രങ്ങൾക്കൊപ്പം ഇടുമ്പോൾ പ്രത്യേകം ശ്രദ്ധിക്കേണ്ടതുണ്ട്. വസ്ത്രത്തിലെ കറ നീക്കം ചെയ്തതിന് ശേഷം മാത്രമേ ഒരുമിച്ചിട്ട് കഴുകാൻ പാടുള്ളൂ. അല്ലാതെ കഴുകുന്നത് വസ്ത്രത്തിലെ കറയെ പൂർണമായും നീക്കം ചെയ്യാൻ കഴിയാതെ വരുന്നു.
Related Articles
സോപ്പ് പൊടി അമിതമാകരുത്
വസ്ത്രത്തിലെ കറ നീക്കം ചെയ്യുന്നതിന് അമിതമായി സോപ്പ് പൊടി ഉപയോഗിക്കാൻ പാടില്ല. ഇത് വസ്ത്രത്തിന് കേടുപാടുകൾ ഉണ്ടാവാൻ കാരണമാകുന്നു. കൂടാതെ വസ്ത്രത്തിൽ ഇത് കറയായി പറ്റിപ്പിടിക്കാനും സാധ്യത കൂടുതലാണ്.
ചൂട് വെള്ളം ഉപയോഗിക്കുന്നത്
കറ നീക്കം ചെയ്യാൻ ചൂട് വെള്ളം ഉപയോഗിക്കുന്നത് ഒഴിവാക്കാം. ഇത് വസ്ത്രം ചുരുങ്ങാനും നിറം മങ്ങാനും കറ കൂടുതൽ പറ്റിപ്പിടിക്കാനും കാരണമാകുന്നു. വസ്ത്രങ്ങൾ കഴുകുന്നതിന് മുമ്പ് പിന്നിലെ ലേബൽ വായിക്കാൻ പ്രത്യേകം ശ്രദ്ധിക്കേണ്ടതുണ്ട്.
ഉരച്ച് കഴുകുമ്പോൾ ശ്രദ്ധിക്കാം
കറപിടിച്ച വസ്ത്രങ്ങൾ ഉരച്ച് കഴുകുമ്പോൾ പ്രത്യേകം ശ്രദ്ധിക്കേണ്ടതുണ്ട്. അധികം ഉരച്ച് കഴുകുന്നത് കറ പടരാനും കൂടുതൽ പറ്റിപ്പിടിക്കാനും കാരണമാകുന്നു.
