ജവഹർനഗറിലെ തണൽ ട്രസ്റ്റിൻറെ കീഴിലുള്ള വെങ്ങാനൂർ വില്ലേജിൽ ആഴാകുളത്തെ കൃഷിഫാമിൽനിന്നും ആണ് ഇയാൾ മോഷണം നടത്തിയതെന്ന് വിഴിഞ്ഞം പൊലീസ് പറഞ്ഞു. 12 കിലോ വീതം തൂക്കം വരുന്ന 8 കപ്പ വാഴക്കുലകൾ ആണ് മോഷണം പോയത്.
തിരുവനന്തപുരം: വിഴിഞ്ഞത്തും പരിസരങ്ങളിലും മോഷണം നടത്തി മുങ്ങി നടന്ന പ്രതി വാഴക്കുല മോഷണത്തിൽ പിടിയിലായി. വിഴിഞ്ഞം ടൗൺഷിപ്പ് കോളനിയിൽ ഷാജഹാൻ (38)ആണ് അറസ്റ്റിലായത്.
ജവഹർനഗറിലെ തണൽ ട്രസ്റ്റിൻറെ കീഴിലുള്ള വെങ്ങാനൂർ വില്ലേജിൽ ആഴാകുളത്തെ കൃഷിഫാമിൽനിന്നും ആണ് ഇയാൾ മോഷണം നടത്തിയതെന്ന് വിഴിഞ്ഞം പൊലീസ് പറഞ്ഞു. 12 കിലോ വീതം തൂക്കം വരുന്ന 8 കപ്പ വാഴക്കുലകൾ ആണ് മോഷണം പോയത്. ട്രസ്റ്റ് ഭാരവാഹികളുടെ പരാതിയെ തുടർന്ന് നടത്തിയ അന്വേഷണത്തിലാണ് ഷാജഹാനെ തിരിച്ചറിഞ്ഞത്. ഇയാൾ പ്രദേശത്ത് നിന്നും ബൈക്ക് മോഷണം നടത്തിയ സംഭവത്തിൽ പൊലീസ് തിരയുന്ന പ്രതിയാണെന്നും ഉദ്യാഗസ്ഥർ പറഞ്ഞു. ഇത് കൂടാതെ നിരവധി മോഷണ കേസുകളിലും ഉൾപ്പെട്ടിട്ടുണ്ടെന്ന് വിഴിഞ്ഞം പൊലീസ് പറഞ്ഞു.
