കൊല്ലം കടയ്ക്കൽ ദർഭക്കാട് ഉണ്ടായ വാഹനാപകടത്തിൽ കോട്ടുക്കൽ സ്വദേശിയായ ബൈക്ക് യാത്രികൻ മിഥുൻ മരിച്ചു. ഇടിയുടെ ആഘാതത്തിൽ എതിരെ വന്ന കാറിന് മുന്നിലേക്ക് തെറിച്ചുവീണ മിഥുൻ തൽക്ഷണം മരിച്ചു.
കൊല്ലം: കടയ്ക്കൽ ദർഭക്കാട് ഉണ്ടായ വാഹനാപകടത്തിൽ ബൈക്ക് യാത്രികൻ മരിച്ചു. കോട്ടുക്കൽ സ്വദേശി മിഥുനാണ് (30) മരിച്ചത്. ഇദ്ദേഹം ഒരു സ്വകാര്യ ബസ് ഡ്രൈവറാണ്. തമിഴ്നാട് രജിസ്ട്രേഷനിലുള്ള ഒരു കാർ മറ്റൊരു വാഹനത്തെ മറികടന്ന് അമിത വേഗതയിൽ എത്തിയതാണ് അപകടത്തിന് കാരണമായത്. ഈ കാർ മിഥുൻ സഞ്ചരിച്ച ബൈക്കിലിടിച്ചു.
ഇടിയുടെ ആഘാതത്തിൽ മിഥുൻ എതിരെ വന്ന മറ്റൊരു കാറിന് മുന്നിലേക്ക് തെറിച്ചു വീഴുകയായിരുന്നു. മിഥുൻ സഞ്ചരിച്ച ബൈക്കും ഇതേ കാറിലേക്ക് ഇടിച്ചുകയറി. ഗുരുതരമായി പരിക്കേറ്റ മിഥുനെ ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
