കൊല്ലം കൊട്ടാരക്കര വാളകത്ത് ടോറസ് ലോറിയും സ്കൂട്ടറും കൂട്ടിയിടിച്ച് സ്കൂട്ടർ യാത്രികനായ ഇടയം സ്വദേശി സുനിൽകുമാർ മരിച്ചു. നിയന്ത്രണം വിട്ട സ്കൂട്ടർ ലോറിയിൽ ഇടിച്ചതിനെ തുടർന്ന് റോഡിൽ വീണ സുനിൽകുമാറിന്റെ ശരീരത്തിലൂടെ ലോറി കയറിയിറങ്ങുകയായിരുന്നു. അപകടത്തിൽ കൂടെയുണ്ടായിരുന്ന സുഹൃത്തിന് പരിക്കേറ്റു.
കൊട്ടാരക്കര: കൊല്ലം കൊട്ടാരക്കര വാളകത്ത് ടോറസ് ലോറിയും സ്കൂട്ടറും കൂട്ടിയിടിച്ചുണ്ടായ ദാരുണമായ അപകടത്തിൽ സ്കൂട്ടർ യാത്രികന് ദാരുണാന്ത്യം. ഇടയം സ്വദേശി സുനിൽകുമാർ ആണ് മരിച്ചത്. നിയന്ത്രണം വിട്ട സ്കൂട്ടർ ലോറിയിലിടിച്ച് സുനിൽകുമാർ റോഡിലേക്ക് വീഴുകയും, തുടർന്ന് ശരീരത്തിലൂടെ ടോറസ് ലോറി കയറിയിറങ്ങുകയുമായിരുന്നു. അപകടത്തിൽ ഗുരുതരമായി പരിക്കേറ്റ ഇയാൾ സംഭവസ്ഥലത്തു തന്നെ മരണപ്പെട്ടു. അപകടസമയത്ത് സ്കൂട്ടറിൽ ഒപ്പമുണ്ടായിരുന്ന സുഹൃത്ത് ലിജുവിന് പരിക്കേറ്റു. ഇയാളെ വാളകത്തെ സ്വകാര്യ ആശുപത്രിയിൽ പ്രവേശിപ്പിച്ചു. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
