കോട്ടയം കൂട്ടിക്കലിലാണ് സംഭവം. നാരകംപുഴയിൽ ഒറ്റക്ക് താമസിക്കുന്ന എൻപതുകാരിയെയാണ് പ്രതി ആക്രമിച്ചത്. വെള്ളം ചോദിച്ച് വീട്ടിലെത്തിയ ഇയാൾ വയോധികയെ ആക്രമിക്കുകയായിരുന്നു.
കോട്ടയം: വെള്ളം ചോദിച്ച് വീട്ടിലെത്തി വയോധികയെ ആക്രമിച്ച് മാല പൊട്ടിച്ച യുവാവിനെ നാട്ടുകാർ പിടികൂടി. മുണ്ടക്കയം പുഞ്ചവയൽ സ്വദേശി ലിബിനാണ് പിടിയിലായത്. കോട്ടയം കൂട്ടിക്കലിലാണ് സംഭവം. നാരകംപുഴയിൽ ഒറ്റക്ക് താമസിക്കുന്ന എൻപതുകാരിയെയാണ് പ്രതി ആക്രമിച്ചത്. വെള്ളം ചോദിച്ച് വീട്ടിലെത്തിയ ഇയാൾ വയോധികയെ ആക്രമിക്കുകയായിരുന്നു. വയോധികയുടെ നിലവിളി കേട്ട് എത്തിയ നാട്ടുകാരാണ് പ്രതിയെ പിടികൂടിയത്. ഇയാളെ പിന്നീട് പൊലീസിന് കൈമാറി.
