കോഴിക്കോട് പൂനൂര് പുഴയില് സുഹൃത്തുക്കളോടൊപ്പം പുഴയില് കുളിക്കാനിറങ്ങിയ യുവാവിനെ കാണാതായി. കോഴിക്കോട് എകരൂല് സ്വദേശി ഷിജുവിനെയാണ് കാണാതായത്. ഇന്ന് വൈകിട്ട് അഞ്ചു മണിയോടെ ആയിരുന്നു സംഭവം.
കോഴിക്കോട്: സുഹൃത്തുക്കളോടൊപ്പം പുഴയില് ഇറങ്ങിയ യുവാവിനെ ഒഴുക്കില്പ്പെട്ട് കാണാതായി. കോഴിക്കോട് എകരൂല് സ്വദേശി ഷിജുവിനെയാണ് പൂനൂര് പുഴയില് കാണാതായത്. ഇന്ന് വൈകിട്ട് അഞ്ചുമണിയോടെ കാവുള്ളപറമ്പ് കടവിലാണ് സംഭവം.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
കോണ്ക്രീറ്റ് ജോലിക്കാരനായ ഷിജു മൂന്ന് സുഹൃത്തുക്കള്ക്കൊപ്പമാണ് പുഴയില് കുളിക്കാന് ഇറങ്ങിയതെന്നാണ് പ്രാഥമിക വിവരം. യുവാവ് ഒഴുക്കില്പ്പെട്ടതിനെ തുടര്ന്ന് കൂടെയുണ്ടായിരുന്നവര് ബഹളം വെച്ചതോടെയാണ് നാട്ടുകാര് വിവരമറിയുന്നത്.
നാട്ടുകാര് വിവരമറിയിച്ചതിനെ തുടര്ന്ന് ഉടന് തന്നെ നരിക്കുനി അഗ്നിരക്ഷാനിലയത്തിലെ ഓഫീസര് കെ പ്രദീപിന്റെ നേതൃത്വത്തിലുള്ള ഫയര് ഫോഴ്സ് സംഘം സ്ഥലത്തെത്തി. ഇവരോടൊപ്പം നാട്ടുകാരും സിവില് ഡിഫന്സ് വളണ്ടിയര്മാരും തെരച്ചില് തുടരുകയാണ്.
