ഏപ്രിൽ- ജൂൺ മാസങ്ങളിൽ രാജ്യത്തെ വേനൽക്കാല ഉൽപ്പന്നങ്ങളുടെ വിപണിയിൽ വലിയ മാറ്റങ്ങൾ ദൃശ്യമായി. അപ്രതീക്ഷിത കാലാവസ്ഥാ വ്യതിയാനങ്ങളും ഉയർന്ന വിലയും കാരണം എയർ കണ്ടീഷണർ വിപണിക്ക് തിരിച്ചടി നേരിട്ടു. എന്നാൽ ഐസ്ക്രീം, കൂൾ ഡ്രിങ്ക്സ്, ഡയറി ഉൽപ്പന്നങ്ങൾ എന്നിവയുടെ വിൽപ്പനയിൽ വലിയ മുന്നേറ്റമുണ്ടായി.
ഏപ്രിൽ- ജൂൺ മാസങ്ങളിൽ രാജ്യത്തെ വേനൽക്കാല ഉൽപ്പന്നങ്ങളുടെ വിപണിയിൽ വലിയ രീതിയിലുള്ള മാറ്റങ്ങൾ ദൃശ്യമായതായി റിപ്പോർട്ട്. അപ്രതീക്ഷിതമായ കാലാവസ്ഥാ വ്യതിയാനങ്ങളും ഉയർന്ന വിലയും എയർ കണ്ടീഷണർ (AC) വിപണിക്ക് വലിയ തിരിച്ചടിയായപ്പോൾ, ഐസ്ക്രീം, കൂൾ ഡ്രിങ്ക്സ്, ഡയറി ഉൽപ്പന്നങ്ങൾ എന്നിവയ്ക്ക് മികച്ച വിപണി ലഭിച്ചതായി വ്യവസായ രംഗത്തെ വിദഗ്ധർ ചൂണ്ടിക്കാണിക്കുന്നു.
എ സി വിപണിക്ക് തിരിച്ചടിയായത് എന്തുകൊണ്ട്?
വടക്കേ ഇന്ത്യ ഉൾപ്പെടെ രാജ്യത്തിന്റെ ഭൂരിഭാഗം ഭാഗങ്ങളിലും ജൂൺ മാസത്തിൽ എസി വിൽപ്പനയിൽ വലിയ ഇടിവ് രേഖപ്പെടുത്തി. അപ്രതീക്ഷിതമായ ഇടിമിന്നലോട് കൂടിയ മഴയും വൈകുന്നേരങ്ങളിൽ താപനില കുറഞ്ഞതും എസിയുടെ ആവശ്യകത കുറച്ചു. കൂടാതെ, തുടർച്ചയായ വിലവർദ്ധനവ് മൂലം കഴിഞ്ഞ ഏതാനും വർഷങ്ങൾക്കിടയിൽ എസികളുടെ വിലയിൽ 18 മുതൽ 20 ശതമാനം വരെ വർദ്ധനവാണ് ഉണ്ടായിട്ടുള്ളത്. വിലക്കയറ്റം കാരണം സാധാരണക്കാർ എസിക്ക് പകരം എയർ കൂളറുകളിലേക്കും ഫാനുകളിലേക്കും തിരിഞ്ഞതും എസി വിപണിയെ ബാധിച്ചു. എന്നാൽ ഇതേ സമയം റഫ്രിജറേറ്ററുകൾക്കും (ഫ്രിഡ്ജ്), മഴക്കാലം അടുത്തതോടെ വാഷിംഗ് മെഷീനുകൾക്കും മികച്ച ഡിമാൻഡ് ലഭിക്കുന്നുണ്ടെന്ന് അദ്ദേഹം കൂട്ടിച്ചേർത്തു.
ഐസ്ക്രീമും പാനീയങ്ങളും മുന്നേറ്റത്തിൽ!
എസി വിപണി മന്ദഗതിയിലായപ്പോൾ, വേനൽച്ചൂടിൽ നിന്ന് രക്ഷ നേടാനുള്ള പാനീയങ്ങൾക്കും ഐസ്ക്രീമുകൾക്കും വൻ ജനപ്രീതിയാണ് ലഭിച്ചത്. കുറഞ്ഞ വിലയിലുള്ള ചെറിയ പാക്കറ്റുകൾ ലഭ്യമാക്കിയതും, ക്വിക് കൊമേഴ്സ് (മിനിറ്റുകൾക്കകം ഡെലിവറി നടത്തുന്ന ആപ്പുകൾ) വഴിയുള്ള ഓർഡറുകൾ വർദ്ധിച്ചതും പാനീയങ്ങളുടെ വിൽപ്പന ഉയരാൻ കാരണമായെന്ന് കോക്കകോള ഇന്ത്യ വൈസ് പ്രസിഡന്റ് അഭിഷേക് ഗുപ്ത പറയുന്നു.
Related Articles
ഡയറി മേഖലയിലും സമാനമായ വളർച്ചയാണ് ഉണ്ടായത്. മദർ ഡയറിയുടെ ഫ്രഷ് ഡയറി, ഐസ്ക്രീം വിഭാഗങ്ങളിൽ മുൻവർഷത്തെ അപേക്ഷിച്ച് ജൂൺ പാദത്തിൽ 30 ശതമാനത്തിലധികം വളർച്ച രേഖപ്പെടുത്തിയതായി മാനേജിംഗ് ഡയറക്ടർ ജയതീർത്ഥ ചാരി പറഞ്ഞു. ഐസ്ക്രീം, തൈര്, മറ്റ് പാൽ പാനീയങ്ങൾ എന്നിവയ്ക്കായിരുന്നു ആവശ്യക്കാർ ഏറെയും. ഹാഫ്മോർ (Havmor) ഐസ്ക്രീം കമ്പനിയുടെ കോണുകൾക്കും സ്റ്റിക് ഐസ്ക്രീമുകൾക്കും വലിയ വിപണി ലഭിച്ചു.
