ഗുണനിലവാര പ്രശ്നങ്ങളുടെയും തകർച്ചകളുടെയും മോശം വിൽപ്പനാനന്തര അനുഭവങ്ങളുടെയും എണ്ണമറ്റ കഥകുമായി പല ഒല ഉപഭോക്താക്കളും രംഗത്തെത്തിയിരിക്കുന്നു. ഒല സ്കൂട്ടർ അഭിമുഖീകരിക്കുന്ന പ്രശ്നങ്ങളുടെ നീണ്ട പട്ടികയിൽ ഉയർന്നുവന്നിട്ടുള്ള ഒരു പുതിയ പ്രശ്നം ഇതാ.
നിരത്തിലും വിപണയിലും വമ്പന് തരംഗം സൃഷ്ടിച്ചുകൊണ്ടാണ് ഓണ്ലൈന് ടാക്സി സേവന ദാതാക്കളായ ഒല ഇന്ത്യയിലെ ഇലക്ട്രിക്ക് ഇരുചക്ര വാഹന വിപണിയിലേക്കെത്തിയത്. എന്നാല് കഴിഞ്ഞ കുറച്ചുദിവസങ്ങളായി കമ്പനി വാര്ത്തകളില് നിറയുന്നത് അത്ര നല്ല കഥകളിലൂടെ അല്ല. ആദ്യഘട്ടത്തില് ഇലക്ട്രിക്ക് വാഹന മേഖലയില് വിപ്ലവം തീര്ക്കുന്ന ഒല എസ്1, എസ്1 പ്രോ ഇലക്ട്രിക് സ്കൂട്ടറുകളുടെ അപദാനങ്ങളാണ് വാര്ത്തകളില് നിറഞ്ഞിരുന്നതെങ്കില് ഇപ്പോള് വിവിധ ഒല ഉടമകളുടെ സങ്കടകഥകളാണ് വൈറലാകുന്നത്. ഗുണനിലവാര പ്രശ്നങ്ങളുടെയും തകർച്ചകളുടെയും മോശം വിൽപ്പനാനന്തര അനുഭവങ്ങളുടെയും എണ്ണമറ്റ കഥകുമായി പല ഒല ഉപഭോക്താക്കളും രംഗത്തെത്തിയിരിക്കുന്നു. ഒല സ്കൂട്ടർ അഭിമുഖീകരിക്കുന്ന പ്രശ്നങ്ങളുടെ നീണ്ട പട്ടികയിൽ ഉയർന്നുവന്നിട്ടുള്ള ഒരു പുതിയ പ്രശ്നം ഇതാ.
ഒലയുടെ കഷ്ടകാലം തീരുന്നില്ല, അപകടവിവരങ്ങള് പരസ്യമാക്കിയതിന് നിയമനടപടിക്ക് യുവാവ്!
സസ്പെന്ഷന് ഒടിഞ്ഞ ഒരു ഒല എസ്1 പ്രോയുടെ ചിത്രങ്ങളാണ് വൈറലാകുന്നത്. ശ്രീനാഥ് മേനോൻ എന്ന ഓല എസ് 1 പ്രോ ഉപയോക്താവാണ് തന്റെ കറുത്ത നിറത്തിലുള്ള ഒല എസ് 1 പ്രോയുടെ ഒരു ചിത്രം സോഷ്യല് മീഡിയയില് പോസ്റ്റ് ചെയ്തതെന്ന് കാര് ടോഖ് റിപ്പോര്ട്ട് ചെയ്യുന്നു. അതിൽ സ്കൂട്ടറിന്റെ മുൻഭാഗം തകർന്നതായി കാണിക്കുന്നു. എസ്1 പ്രോയുടെ ഫ്രണ്ട് സസ്പെൻഷൻ വളരെ ദുർബലമാണെന്നും ലോ സ്പീഡ് റൈഡിംഗിൽ തകരുകയും ചെയ്തുവെന്ന് ഉപയോക്താവ് പറയുന്നു. അപകടത്തെത്തുടർന്ന് മുൻവശത്തെ ടയറും വീലും പൂർണ്ണമായും സ്കൂട്ടറിൽ നിന്ന് വേർപെടുത്തിയ നിലയിലാണ്. അതേസമയം മുൻവശത്തെ സസ്പെൻഷന്റെ തകർച്ചയ്ക്ക് കാരണമായ യഥാർത്ഥ കാരണം ഉപയോക്താവ് സൂചിപ്പിച്ചിട്ടില്ല.
വീണ്ടുമൊരു 'ഒല കദനകഥ'; കസ്റ്റമര്കെയര് പറ്റിച്ചു, സ്കൂട്ടറുമായി ഓട്ടോയില് കയറി യുവാവ്..
ഒല ഇലക്ട്രിക് സിഇഒയും സ്ഥാപകനുമായ ഭവിഷ് അഗർവാളിന്റെയും ഒല ഇലക്ട്രിക്കിന്റെയും ട്വിറ്റർ ഹാൻഡിലുകളെ ഉപയോക്താവ് തന്റെ പോസ്റ്റിൽ ടാഗ് ചെയ്തിട്ടുണ്ട്. കുറഞ്ഞ വേഗതയുള്ള റൈഡിംഗിൽ ഇത്തരമൊരു ഗുരുതരവും അപകടകരവുമായ കാര്യം നേരിടേണ്ടി വന്നതായി ഉടമ പറയുന്നു. ഉപയോഗിക്കുന്ന വസ്തുക്കളുടെ മോശം ഗുണനിലവാരം കാരണം ആളുകളുടെ ജീവൻ അപകടത്തിലാകാതിരിക്കാൻ ഒല ഇലക്ട്രിക് മാറ്റിസ്ഥാപിക്കുന്നതോ ഡിസൈൻ മാറ്റമോ പരിഗണിക്കണമെന്നും അദ്ദേഹം കൂട്ടിച്ചേർത്തു.
'ഈ തട്ടിപ്പ് കമ്പനിയെ സൂക്ഷിക്കുക'; ബോര്ഡും തൂക്കി സ്കൂട്ടര് കഴുതയെക്കൊണ്ട് വലിപ്പിച്ച് ഉടമ!
അദ്ദേഹത്തിന്റെ പോസ്റ്റിനെ പിന്തുണച്ച്, ശ്രീനാഥ് നേരിട്ട അതേ പ്രശ്നം ചൂണ്ടിക്കാട്ടി മറ്റ് രണ്ട് ട്വിറ്റർ ഉപയോക്താക്കൾ അദ്ദേഹത്തിന്റെ പോസ്റ്റിന് മറുപടി നൽകിയതായും കാര് ടോഖ് റിപ്പോര്ട്ട് ചെയ്യുന്നു. ആ ട്വിറ്റർ ഉപയോക്താക്കളിൽ ഒരാൾ അതേ ത്രെഡിൽ തകർന്ന ചുവന്ന നിറമുള്ള എസ് 1 പ്രോയുടെ ചിത്രം പോസ്റ്റ് ചെയ്തു. ഈ എസ് 1 പ്രോയ്ക്ക് തകർന്ന ഫ്രണ്ട് സസ്പെൻഷനും വീലും ഉള്ള ഒരു കേടായ മുൻഭാഗവും ഉണ്ടായിരുന്നു.
Ola : തീപിടിക്കുന്ന സംഭവം; ഇലക്ട്രിക് സ്കൂട്ടറുകൾ തിരിച്ചുവിളിച്ച് ഒല
നിരവധി ഗുണനിലവാര പ്രശ്നങ്ങൾ
ഓല എസ്1 പ്രോയുമായി ബന്ധപ്പെട്ട ഈ പുതിയ ഗുണനിലവാര പ്രശ്നം സ്കൂട്ടർ ഇതിനകം തന്നെ നിരവധി ഗുരുതരമായ പ്രശ്നങ്ങളാൽ വലയുന്ന സമയത്താണ് ഉയരുന്നത്. റേഞ്ച് ശേഷിച്ചിട്ടും ബാറ്ററി പെട്ടെന്ന് തീർന്നുപോകുന്നതും ഉയർന്ന വേഗതയില് സ്കൂട്ടർ റിവേഴ്സ് മോഡിൽ ഓടുന്നതും ഇതില്പ്പെടും.
ഈ ന്യൂജന് വാഹനങ്ങളെ തീ വിഴുങ്ങുന്നത് പതിവാകുന്നു, ഇരുളടയുമോ ഈ കമ്പനികളുടെ ഭാവി?
ഒലയുടെ ഉപഭോക്തൃ പിന്തുണാ സേവനങ്ങളെക്കുറിച്ച് പരാതിപ്പെടുന്ന ഉപഭോക്താക്കളുടെ നിരവധി വീഡിയോകളും ഒല സ്കൂട്ടർ ശരിയായി പ്രവർത്തിക്കാത്തതിന്റെ വീഡിയോകളും കൂടാതെ, റോഡ് സൈഡ് അസിസ്റ്റൻസിനായി ഒല ഏറെ നേരം കാത്തിരിക്കാൻ ആവശ്യപ്പെട്ടതിനെത്തുടർന്ന് ഒരു ഉടമ തന്റെ സ്കൂട്ടർ കത്തിച്ചതിന്റെ വീഡിയോയും ചാർജ് തീര്ന്ന ശേഷം ഓട്ടോറിക്ഷയില് കയറ്റിക്കൊണ്ടു പോകുന്ന ഒരു ഒല എസ്1 പ്രോ ഇലക്ട്രിക് സ്കൂട്ടറിന്റെ വീഡിയോയും , യാത്രാസംബന്ധിയായ വിവരങ്ങള് പരസ്യമാക്കിയതിന് ഒല ഇലക്ട്രിക്കിനെതിരെ ഒരു ഉടമ നിയമ നടപടിക്ക് തയ്യാറെടുത്തതുമൊക്കെ ഇതില് ഉള്പ്പെടുന്നു.
'ഈ തട്ടിപ്പ് കമ്പനിയെ സൂക്ഷിക്കുക'; ബോര്ഡും തൂക്കി സ്കൂട്ടര് കഴുതയെക്കൊണ്ട് വലിപ്പിച്ച് ഉടമ!
