ലോകകപ്പ് 2019: ഫോട്ടോ ഗാലറി (ആർക്കൈവ്)

സതാംപ്ടണ്‍: ലോകകപ്പില്‍ അപ്രതീക്ഷിതമായി ഇന്ത്യയെ കുറഞ്ഞ സ്കോറില്‍ പിടിച്ചുകെട്ടി അട്ടിമറി സ്വപ്നം കണ്ട അഫ്ഗാന്‍ ഒടുവില്‍ കീഴടങ്ങി. അവസാന ഓവര്‍ വരെ നീണ്ട പോരാട്ടത്തില്‍ ജസ്പ്രീത് ബുമ്ര, മുഹമ്മദ് ഷമി എന്നിവരുടെ കൃത്യതയ്ക്ക് മുന്നിലാണ് അഫ്ഗാന്‍ വീര്യം എരിഞ്ഞടങ്ങിയത്. മുഹമ്മദ് നബിയുടെ അര്‍ധ ശതകത്തിന്‍റെ കരുത്തില്‍ പോരാട്ടവീര്യം പ്രകടിപ്പിച്ച അഫ്ഗാന്‍ 11 റണ്‍സിന്‍റെ പരാജയമാണ് ഏറ്റുവാങ്ങിയത്. നബിയുടേതുള്‍പ്പെടെ അവസാന ഓവറിലെ മൂന്ന്, നാല് , അഞ്ച് പന്തുകളില്‍ വിക്കറ്റുകള്‍ നേടി ഹാട്രിക് നേടിയ ഷമിയാണ് ഇന്ത്യക്ക് വിജയം സമ്മാനിച്ചത്. ഈ വിജയത്തിന് പിന്നാലെ നിരവധി ട്രോളുകളാണ് സോഷ്യല്‍ മീഡിയയില്‍ നിറഞ്ഞത്, വന്‍ സ്കോര്‍ നേടുമെന്ന് പ്രതീക്ഷിച്ച ഇന്ത്യയ്ക്ക് അത് നേടാന്‍ സാധിക്കാത്തതും, ഇന്ത്യയുടെ കിടിലന്‍ വിജയവും ഒക്കെ ട്രോളുകളില്‍ നിറഞ്ഞു. പ്രധാന ട്രോളുകള്‍ കാണാം.

ലോകകപ്പ് ക്രിക്കറ്റില്‍ പാക്കിസ്ഥാനെതിരായ ജയത്തിന് പിന്നാലെ പുതിയ ഹെയര്‍സ്റ്റൈല്‍ പരീക്ഷിച്ച് ഇന്ത്യന്‍ താരങ്ങള്‍

71 പന്തില്‍ 17 സിക്‌സുകള്‍ സഹിതം 148 റണ്‍സാണ് മോര്‍ഗന്‍ അടിച്ചെടുത്തത്

മാഞ്ചസ്റ്റര്‍: ലോകകപ്പില്‍ ഇന്ത്യക്കെതിരായ തോൽവിക്ക് പിന്നാലെ പാക് താരങ്ങൾക്കും സാനിയ മിര്‍സയ്‌ക്കുമെതിരെ ആക്രമണവുമായി ആരാധകർ. ഇന്ത്യ- പാക് മത്സരത്തലേന്ന് പുലർച്ചെ ഒരു മണിക്ക് മാഞ്ചസ്റ്ററിലെ ഒരു കഫേയിൽ സാനിയ മിർസയ്ക്കൊപ്പം ഷൊയ്ബ് മാലിക്ക് അടക്കമുള്ള താരങ്ങൾ ഭക്ഷണം കഴിക്കുകയും പുകവലിക്കുകയും ചെയ്യുന്ന ചിത്രങ്ങള്‍ സഹിതമാണ് ആരാധക വിമർശനം.  

ലോകകപ്പിന്‍റെ ചരിത്രത്തില്‍ ഏറ്റവും കൂടുതല്‍ സെഞ്ചുറികള്‍ നേടിയ താരങ്ങളെ അറിയാം. ലോകകപ്പില്‍ ഏറ്റവും കൂടുതല്‍ സെഞ്ചുറികള്‍ എന്ന റെക്കോര്‍ഡ് ഇന്ത്യയുടെ പ്രിയതാരം സച്ചിന് സ്വന്തമാണ്.

മഴ രസംകൊല്ലിയായെത്തിയ ലോകകപ്പ് മത്സരത്തില്‍ പാക്കിസ്ഥാനെതിരെ ഇന്ത്യക്ക് കൂറ്റന്‍ ജയം. മാഞ്ചസ്റ്ററില്‍ 89 റണ്‍സിനായിരുന്നു കോലിപ്പടയുടെ വിജയം. ടോസ് നഷ്ടപ്പെട്ട് ബാറ്റിങ്ങിന് ഇറങ്ങിയ ഇന്ത്യ രോഹിത് ശര്‍മ (140)യുടെ സെഞ്ചുറി കരുത്തില്‍ നിശ്ചിത ഓവറില്‍ ആറ് വിക്കറ്റ് നഷ്ടത്തില്‍ 336 റണ്‍സാണ് നേടിയത്. മറുപടി ബാറ്റിംഗ് ആരംഭിച്ച പാക്കിസ്ഥാന്‍ 35 ഓവറില്‍ ആറിന് 166ല്‍ നില്‍ക്കെ മഴയെത്തുകയായിരുന്നു. - എന്നാല്‍ ഇന്ത്യന്‍ വിജയം സോഷ്യല്‍ മീഡിയയില്‍ ആഘോഷമാക്കുകയാണ് ക്രിക്കറ്റ് ആരാധകര്‍ ഗംഭീര ട്രോളുകളാണ് ഇതിനായി ഇവര്‍ ഒരുക്കുന്നത്.

ഐപിഎല്ലില്‍ മങ്ങിക്കത്തിയ രോഹിത് ശര്‍മ ലോകകപ്പില്‍ ആളിക്കത്തുകയാണ്. ഐപിഎല്ലിലെ ഫോം കണ്ട് രോഹിത്തിന്റെ മികവില്‍ സംശയിച്ചവരെയൊക്കെ ബൗണ്ടറിക്ക് പുറത്തേക്ക് അടിച്ചുപറത്തിയാണ് രോഹിത് ലോകകപ്പില്‍ തകര്‍ത്തടിക്കുന്നത്.

ക്രിക്കറ്റ് പ്രേമികളെ ആവേശത്തിരമാലകളില്‍ ആറാടിക്കുന്ന ഇന്ത്യ- പാക് മത്സരത്തിന് മാഞ്ചസ്റ്ററിലെ ഓള്‍ഡ് ട്രാഫോര്‍ഡ് ഒരുങ്ങിക്കഴിഞ്ഞു. എന്നാല്‍ ലോകകപ്പിലെ തീപാറും പോരാട്ടത്തിന് ഇറങ്ങുന്ന ടീമുകള്‍ക്ക് ആശ്വാസം നല്‍കുന്നതല്ല മാഞ്ചസ്റ്ററില്‍ നിന്നുള്ള കാലാവസ്ഥാ റിപ്പോര്‍ട്ടുകള്‍. 

മുംബൈ: പൂനം പാണ്ഡെ എന്ന പേര് ക്രിക്കറ്റ് ആരാധകര്‍ കേട്ടുതുടങ്ങുന്നത് 2011ലെ ക്രിക്കറ്റ് ലോകകപ്പ് സമയത്തായിരുന്നു. ഇന്ത്യ കിരീടം നേടിയാല്‍ തുണി അഴിച്ച് ഗ്രൗണ്ടിലൂടെ ഓടാന്‍ തയാറാണെന്ന് പറഞ്ഞായിരുന്നു പൂനെ പാണ്ഡെ അന്ന് വാര്‍ത്ത സൃഷ്ടിച്ചത്.എന്നാല്‍ ബിസിസിഐ അനുമതി നല്‍കാത്തതിനാല്‍ ഇന്ത്യ കിരീടം നേടിയിട്ടും പൂനത്തിന്റെ ഓട്ടം മാത്രം നടന്നില്ല. പിന്നീട് 2015ലെ ലോകപ്പില്‍ ഇന്ത്യ ദക്ഷിണാഫ്രിക്കയെ തോല്‍പ്പിച്ചപ്പോള്‍ തന്റെ ഇന്‍സ്റ്റഗ്രാമില്‍ അര്‍ധനഗ്ന ചിത്രം പോസ്റ്റ് ചെയ്ത് പൂനം വാര്‍ത്ത സൃഷ്ടിച്ചു.ഇത്തവണ ഇംഗ്ലണ്ട് ലോകകപ്പില്‍ ഇന്ത്യ ആദ്യമത്സരത്തില്‍ ദക്ഷിണാഫ്രിക്കയെ തോല്‍പ്പിച്ചപ്പോഴും സമാനമായ രീതിയില്‍ പൂനം തന്റെ ഇന്‍സ്റ്റഗ്രാമില്‍ ചിത്രങ്ങള്‍ അര്‍ധനഗ്ന ചിത്രം പോസ്റ്റ് ചെയ്തിരു. ഇപ്പോഴിതാ പാക്കിസ്ഥാന്‍ ടിവി ചാനലിലെ പരസ്യത്തിന് വീഡിയോയിലുടെ മറുപടി നല്‍കിയും പൂനം ആരാധകശ്രദ്ധ നേടുകയാണ്.

ഐസിസി ലോകകപ്പില്‍ മഴക്കളി തുടരുകയാണ്. ഇന്നലത്തെ ഇന്ത്യ-ന്യൂസിലന്‍ഡ് മത്സരവും മഴമൂലം ഒരു പന്ത് പോലും എറിയാതെ ഉപേക്ഷിച്ചതോടെ ഈ ലോകകപ്പില്‍ മഴ മൂലം ഉപകേഷിച്ച മത്സരങ്ങളുടെ എണ്ണം നാലായി. മഴമൂലം ഏറ്റവും കൂടുതല്‍ മത്സരങ്ങള്‍ നഷ്ടമായ ലോകകപ്പെന്ന ചീത്തപ്പേര് ഇപ്പോഴെ ഇംഗ്ലണ്ട് ലോകകപ്പിന് ലഭിച്ചു കഴിഞ്ഞു. ഞായറാഴ്ച നടക്കുന്ന ഇന്ത്യ-പാക്കിസ്ഥാന്‍ ക്ലാസിക് പോരാട്ടത്തിനും മഴ ഭീഷണിയുണ്ട്.