ഏഷ്യാനെറ്റ് ന്യൂസ് ഓണ്ലൈനില് ഇത്തവണ വ്യത്യസ്ത തരം കട്ലറ്റ് റെസിപ്പികള്. ഇന്ന് സരിത സുരേഷ് തയ്യാറാക്കിയ പാചകക്കുറിപ്പ്.
'രുചിക്കാലം' വ്യത്യസ്തമായ പാചകക്കുറിപ്പുകളുടെ ഈ ആഘോഷത്തിൽ പങ്കാളിയാവാൻ താൽപ്പര്യമുണ്ടോ? ഉണ്ടെങ്കിൽ നിങ്ങൾ തയ്യാറാക്കിയ വ്യത്യസ്തമായ പാചകക്കുറിപ്പുകൾ നല്ലൊരു ഫോട്ടോയും വിശദമായ വിലാസവും അടക്കം ruchikalamrecipes@gmail.com എന്ന വിലാസത്തിൽ അയക്കുക. യൂ ട്യൂബ് വീഡിയോ ഉണ്ടെങ്കിൽ അതിന്റെ ലിങ്ക് കൂടി അയക്കാം. സബ്ജക്റ്റ് ലൈനിൽ Recipes എന്ന് എഴുതണം. മികച്ച പാചകക്കുറിപ്പുകൾ രുചിക്കാലം പ്രസിദ്ധീകരിക്കും.
വേണ്ട ചേരുവകൾ
1.കപ്പ 500 ഗ്രാം (വേവിച്ചു ഉടച്ചെടുക്കുക )
Related Articles
2. സവാള 2 എണ്ണം ( ചെറുതായി അരിയുക )
3. മഞ്ഞൾപ്പൊടി കാൽ ടീ സ്പൂൺ
കുരുമുളക് പൊടി അര ടീ സ്പൂൺ
ഗരം മസാലപ്പൊടി 1/2 ടീ സ്പൂൺ
വെളുത്തുള്ളി 4 അല്ലി ( ചതച്ചെടുക്കുക )
4. മൈദ അര കപ്പ്
5. ബ്രഡ് 8 എണ്ണം ( പൊടിക്കുക )
6. എണ്ണ, ഉപ്പ് ആവശ്യത്തിന്
പാകം ചെയ്യുന്ന വിധം
കപ്പ പുഴുങ്ങി പൊടിച്ചതിലേക്ക് രണ്ടും, മൂന്നും ചേരുവകൾ ചേർത്ത് കുഴച്ച് ചെറിയ ഉരുളകൾ ആക്കി ഇഷ്ടമുള്ള ആകൃതിയിൽ പരത്തുക. മൈദ ദോശ മാവിന്റെ അയവിൽ കലക്കുക. ഓരോ കട്ലറ്റും മാവിൽ മുക്കിയ ശേഷം ബ്രഡ് പൊടിച്ചതിലും മുക്കി എണ്ണയിൽ വറുത്തെടുക്കുക.
