ബെംഗളുരുവില് മെട്രോയുടെ നിർമാണത്തിനായി കൊണ്ട് പോവുകയായിരുന്ന വയഡക്ടിന്റെ ഭാഗം (ചെറു പാലത്തിന്റെ ഭാഗം) ലോറിയിൽ നിന്ന് മറിഞ്ഞു വീണു അപകടം.
ബെംഗളൂരു: ബെംഗളുരുവില് മെട്രോയുടെ നിർമാണത്തിനായി കൊണ്ട് പോവുകയായിരുന്ന വയഡക്ടിന്റെ ഭാഗം (ചെറു പാലത്തിന്റെ ഭാഗം) ലോറിയിൽ നിന്ന് മറിഞ്ഞു വീണു അപകടം. പാലത്തിന്റെ ഭാഗം ട്രക്കിന് സമീപത്തുണ്ടായിരുന്ന ഓട്ടോയുടെ മുകളിലേക്ക് വീണതിനെ തുടർന്ന് ഓട്ടോയിലുണ്ടായിരുന്ന ഡ്രൈവർ മരിച്ചു. ബംഗളുരു സ്വദേശിയായ കാസിം സാഹിബ് (35) എന്നയാൾക്കാണ് അപകടത്തിൽ ദാരുണാന്ത്യം സംഭവിച്ചത്.
Add Asianetnews as a Preferred Source
എയര്പോര്ട്ട് മെട്രോയുടെ നിര്മാണത്തിനായി ട്രെയിലറില് കൊണ്ടുപോവുകയായിരുന്ന വയഡക്ട് ആണ് താഴേക്ക് വീണത്. ഇന്നലെ അർദ്ധരാത്രി ആണ് സംഭവം ഉണ്ടായത്. യെലഹങ്കയ്ക്കു സമീപം കൊഗിലു ക്രോസില് വച്ച് ട്രക്കിൽ നിന്ന് ഇത് താഴേക്ക് പതിക്കുകയായിരുന്നു. ലോറി വളവ് തിരിയുന്നതിനിടെയാണ് വയഡക്ട് താഴേക്ക് പതിച്ചത് എന്ന് ദൃക്സാക്ഷികൾ വ്യക്തമാക്കി.
