2954 കേസുകൾ, 3176 പേർ അറസ്റ്റിൽ, പഞ്ചാബിനെ കടത്തിവെട്ടി കേരളമെന്ന് ആഭ്യന്തരമന്ത്രി; മയക്കുമരുന്നിനെതിരെ 'ഓപ്പറേഷൻ തൂഫാൻ' ശക്തം

സംസ്ഥാനത്ത് മയക്കുമരുന്ന് മാഫിയക്കെതിരെ 'ഓപ്പറേഷൻ തൂഫാൻ' ശക്തമാക്കിയതായി ആഭ്യന്തര മന്ത്രി അറിയിച്ചു. ഇതിന്റെ ഭാഗമായി ഇതുവരെ 2954 കേസുകൾ രജിസ്റ്റർ ചെയ്യുകയും 3176 പേരെ അറസ്റ്റ് ചെയ്യുകയും ചെയ്തിട്ടുണ്ട്. അന്തർസംസ്ഥാന ലഹരി ശൃംഖലകൾ തകർക്കാൻ മറ്റ് സംസ്ഥാനങ്ങളുമായി ചേർന്ന് സംയുക്ത നീക്കങ്ങൾ ശക്തമാക്കിയിട്ടുണ്ട്

പിഎം ശ്രീ പദ്ധതിയിൽ നിന്ന് കേരളത്തിന് പെട്ടെന്ന് ഊരിപോകാൻ പറ്റില്ലെന്ന് ലീഗ് നേതാവ് എം കെ മുനീർ. കേന്ദ്രത്തിന്റെ കടന്നുകയറ്റം ചെറുക്കാൻ കേരളം ബദൽ മാർഗം തേടണമെന്നും അദ്ദേഹം നിർദേശിച്ചു.

മന്ത്രി ജോർജ് കുര്യൻ രാജിവെച്ചു. രാജ്യസഭ കാലാവധി പൂർത്തിയായതിന് പിന്നാലെയാണ് രാജി. രാജ്യസഭയിലേക്ക് വീണ്ടും പരിഗണിച്ചിരുന്നില്ല. 

നിലേശ്വരത്തുണ്ടായ ടിപ്പർ അപകടത്തിൽപെട്ടത് എട്ട് പേർ. വിദ്യാർത്ഥിയുൾപ്പടെ മൂന്ന് പേർക്ക് ജീവൻ നഷ്ടമായി. അഞ്ച് പേർക്ക് പരിക്കേറ്റു. മരിച്ചവരിൽ കുടവട്ടൂർ സ്വദേശിയായ ഹരിലാൽ (54), കാർമൽ സ്‌കൂളിലെ പത്താം ക്ലാസ് വിദ്യാർത്ഥി പാർത്ഥിപ് എന്നിവരെ തിരിച്ചറിഞ്ഞു.

മധ്യപ്രദേശ് മുഖ്യമന്ത്രി മോഹൻ യാദവും കുടുംബവും സർക്കാർ വികസന പദ്ധതികൾ വരുന്ന ഉജ്ജെയിനിൽ 168 ഏക്കർ ഭൂമി വാങ്ങിക്കൂട്ടിയതായി അന്വേഷണാത്മക റിപ്പോർട്ട്. ഔദ്യോഗിക പദവി ദുരുപയോഗം ചെയ്ത് വ്യക്തിപരമായ നേട്ടമുണ്ടാക്കിയെന്ന ആരോപണം വലിയ രാഷ്ട്രീയ വിവാദമായി

കൊട്ടാരക്കരയിലുണ്ടായ ടിപ്പർ ലോറി അപകടത്തിൽ രണ്ട് മരണം സ്ഥിരീകരിച്ചതായി മന്ത്രി ബിന്ദു കൃഷ്ണ. ടിപ്പർ ലോറികളുടെ അപകടപ്പാച്ചിൽ ആശങ്കാജനകമാണെന്നും ഇത് നിയന്ത്രിക്കുന്നതിനാവശ്യമായ നടപടികൾ എടുക്കണമെന്ന് ഓർമിപ്പിക്കുന്നതാണ് ഈ സംഭവമെന്നും മന്ത്രി പറഞ്ഞു.

അമേരിക്കൻ സ്റ്റേറ്റ് സെക്രട്ടറി മാർക്കോ റൂബിയോ പശ്ചിമേഷ്യൻ പര്യടനത്തിന് തുടക്കമിട്ടു. ഇറാൻ-അമേരിക്ക സമാധാന ചർച്ചകളുടെ പശ്ചാത്തലത്തിൽ യുഎഇ, കുവൈത്ത്, ബഹ്‌റൈൻ എന്നീ ഗൾഫ് രാജ്യങ്ങളുടെ സുരക്ഷാ ആശങ്കകൾ അകറ്റുകയാണ് സന്ദർശനത്തിന്റെ പ്രധാന ലക്ഷ്യം

അമേരിക്കയുമായി സമാധാന ചർച്ച നടത്തിയ ഇറാൻ പ്രതിനിധി സംഘത്തിന് രാജ്യത്ത് രൂക്ഷ വിമർശനം. എന്നാൽ ചർച്ചകൾ ലെബനനിലെ രക്തച്ചൊരിച്ചിൽ ഒഴിവാക്കിയെന്ന് പാർലമെന്റ് സ്പീക്കർ പ്രതികരിച്ചു. ചർച്ചയുടെ ഫലമായി ഇറാനുള്ള കയറ്റുമതി വിലക്ക് അമേരിക്ക താൽക്കാലികമായി നീക്കി

അയോധ്യ രാമക്ഷേത്രത്തിലെ കോടിക്കണക്കിന് രൂപയുടെ സംഭാവന തട്ടിപ്പുമായി ബന്ധപ്പെട്ട് 40 ജീവനക്കാരെ ചുമതലകളിൽ നിന്ന് മാറ്റിനിർത്തി. അതിനിടെ നിലവിലെ ക്ഷേത്ര ട്രസ്റ്റ് പിരിച്ചുവിടണമെന്ന് ആവശ്യപ്പെട്ട് ധർമ്മസേന പ്രധാനമന്ത്രിക്ക് കത്തയച്ചിട്ടുണ്ട്

ബജറ്റിൽ പ്രഖ്യാപിച്ച വീര്യം കുറഞ്ഞ മദ്യത്തിന്റെ നികുതിയിളവ് കോൺഗ്രസിലും യുഡിഎഫിലും അതൃപ്തിക്ക് കാരണമായി. ഈ വിവാദത്തിൽ മുഖ്യമന്ത്രി നിയമസഭയിൽ വിശദീകരണം നൽകും. നികുതി വിവാദവും പി എം ശ്രീ പദ്ധതിയും സഭയിൽ സർക്കാരിനെതിരെ ആയുധമാക്കാനാണ് പ്രതിപക്ഷ നീക്കം

നവകേരള യാത്രയ്ക്കിടെയുണ്ടായ 'രക്ഷാപ്രവർത്തന' കേസ് അട്ടിമറിച്ചെന്ന കണ്ടെത്തലിനെ തുടർന്ന് എഡിജിപി എം.ആർ. അജിത് കുമാറിനെതിരെ ഡിജിപി തല അന്വേഷണത്തിന് സാധ്യത. കേസ് ഡയറിയിൽ തിരുത്തൽ വരുത്തിയതുൾപ്പെടെയുള്ള ഗുരുതര ആരോപണങ്ങൾ എസ്ഐടി കണ്ടെത്തിയിരുന്നു