Malayalam News Live: ഉപരാഷ്ട്രപതിയും സുരേഷ് ഗോപിയും മറുപടി അർഹിക്കുന്നില്ലെന്ന് സുകുമാരൻ നായർ

കാപ്പാ തടവുകാരനായി ജയിൽ കഴിയുന്ന തിരുവനന്തപുരം കോർപ്പറേഷനിലെ ബിജെപി കൗൺസിലർ ആർ സുഗതന്റെ സത്യപ്രതിജ്ഞ ജയിലിൽ നടത്താമെന്ന് സംസ്ഥാന സർക്കാർ. കാപ്പാ തടവിൽ നിന്ന് ഇടക്കാലമോചനം നൽകരുതെന്ന് സർക്കാർ ഹൈക്കോടതിയെ അറിയിക്കും.

കൊച്ചി കേന്ദ്രീകരിച്ച് വൻ വായ്പ തട്ടിപ്പിന് നേതൃത്വം നൽകിയവരിൽ പ്രധാനി ജെന്നി വർഗീസ്. ഇയാൾക്ക് നഗരത്തിലെ പ്രമുഖ ബാങ്കുകളുമായി ഉണ്ടായിരുന്നത് ആഴമേറിയ ബന്ധം. ബാങ്ക് ഓഫ് മഹാരാഷ്ട്രയുടെ ചില ബ്രാഞ്ചുകള്‍ ഉദ്ഘാടനം ചെയ്തതും ഇപ്പോൾ തട്ടിപ്പ് കേസിൽ അന്വേഷണം നേരിടുന്ന ജെന്നി വർഗീസ് തന്നെയാണ്. ബിഗ് കസ്റ്റമർ എന്നാണ് ഇയാൾക്ക് ഒരുപറ്റം ബാങ്ക് ഉദ്യോഗസ്ഥർ നൽകുന്ന വിശേഷണം.

'തൊപ്പി' എന്ന നിഹാദിന്റെ യൂട്യൂബ് ചാനൽ പൂട്ടി. അശ്ലീല ദൃശ്യങ്ങൾ പങ്കുവെച്ച യൂട്യൂബ് ചാനലാണ് പൂട്ടിയത്. പൊലീസ് നൽകിയ റിപ്പോർട്ടിന്റെ അടിസ്ഥാനത്തിലാണ് നടപടി.

ഉപരാഷ്ട്രപതിയും സുരേഷ് ഗോപിയും മറുപടി അർഹിക്കുന്നില്ലെന്ന് ജി സുകുമാരൻ നായർ. പ്രസ്താവനകൾക്ക് പിന്നിൽ രാഷ്ട്രീയലക്ഷ്യങ്ങളുണ്ടെന്നും സുകുമാരൻ നായർ ആരോപിച്ചു.