Malayalam News Live Updates: വധശ്രമക്കേസ് - തിരുവനന്തപുരം കോർപറേഷൻ ബിജെപി കൗൺസിലർ സു​ഗതൻ അറസ്റ്റിൽ; പിടികൂടുന്നതിനിടെ ആകാശത്തേക്ക് വെടിവച്ച് പൊലീസ്

വാഴോട്ടുകോണം വാർഡ് കൗൺസിലറായ സു​ഗതനെ അറസ്റ്റ് ചെയ്യുന്നതിനിടെ പൊലീസ് ആകാശത്തേക്ക് വെടിവെച്ചു. സു​ഗതനെ പിടികൂടുന്നതിനിടെ അനുയായികൾ പൊലീസിനെ വളഞ്ഞു.

ബ്ലൂ ഒറിജിന്റെ ബ്ലൂ മൂൺ ലാൻഡറുമായും സ്പേസ് എക്സിന്റെ സ്റ്റാർഷിപ്പ് എച്ച്എൽഎസ് പതിപ്പുമായും പേടകം ഡോക്ക് ചെയ്യും. ചെറിയ ഇടവേളകളിൽ ബ്ലൂ മൂണും ഒറയോണും സ്റ്റാർഷിപ്പ് എച്ച്എൽഎസും വിക്ഷേപിക്കുകയാണ് ദൗത്യത്തിലെ ആദ്യ വെല്ലുവിളി.

പത്തനംതിട്ട ഡെപ്യൂട്ടി ചീഫ് എൻജിനീയർക്ക് ആണ് നിർദ്ദേശം നൽകിയത്. വാർത്താക്കുറിപ്പിലൂടെയാണ് മന്ത്രിയുടെ ഓഫീസ് ഇക്കാര്യം അറിയിച്ചത്.

ബിജെപിയുടെ കരുനീക്കങ്ങളിൽ പ്രതിസന്ധിയിലായ മമതയുടെ ടിഎംസി, കോൺഗ്രസിൽ ലയിക്കുമോ എന്നതിൽ ആകാംക്ഷ. ലയന അഭ്യൂഹങ്ങൾക്കിടെ മമത ഡൽഹിയിലെത്തി സോണിയയുമായി നിർണായക കൂടിക്കാഴ്ച നടത്തി. 2021 ന് ശേഷ ഇതാദ്യമായാണ് മമത 10 ജൻപഥിലെത്തിയത്

21 കുട്ടികളുടെ സാമ്പിളുകൾ പരിശോധനയ്ക്ക് അയച്ചതിൽ മൂന്ന് ടെസ്റ്റ് റിസള്‍ട്ടുകളാണ് ഇതുവരെ വന്നത്. ഇത് മൂന്ന് ഷിഗല്ലയാണെന്ന് സ്ഥിരീകരിച്ചതോടെയാണ് ഉന്നത തലയോഗം ചേർന്ന് സാഹചര്യം വിലയിരുത്തുകയായിരുന്നു. 18 കുട്ടികളുടെ ടെസ്റ്റ് റിസൾട്ട്കൾ കൂടി നാളെ ലഭ്യമാകും.

സിപിഎം തിരുവനന്തപുരം ജില്ലാ സെക്രട്ടറിയായി വി ജോയി എംഎൽഎ തുടരാൻ ധാരണയായി. പിണറായിയും എം വി ഗോവിന്ദനും പങ്കെടുത്ത സംസ്ഥാന സെന്റർ യോഗത്തിലാണ് നിർണായക തീരുമാനമെടുത്തത്. നാളെ ചേരുന്ന ജില്ലാ കമ്മിറ്റി യോഗത്തിൽ ഇത് സംബന്ധിച്ച ഔദ്യോഗിക പ്രഖ്യാപനമുണ്ടാകും

എച്ച്1എൻ1 ആണെന്ന് സംശയം ഉയർന്നതിനെ തുടർന്നാണ് കോട്ടയം മെഡിക്കൽ കോളജിലേക്ക് മാറ്റിയത്. പ്രദേശത്ത് ആരോഗ്യവകുപ്പ് ജാഗ്രത നിർദ്ദേശം നൽകിയിട്ടുണ്ട്.

തമിഴ്നാട്ടിൽ സ്ത്രീ സുരക്ഷയ്ക്കായി ‘സിങ്കപ്പെൺ’ പ്രത്യേക ദൗത്യസേനയ്ക്ക് മുഖ്യമന്ത്രി വിജയ് തുടക്കം കുറിച്ചു. 2500 വനിതാ പോലീസുകാരെ ഉൾപ്പെടുത്തി രൂപീകരിക്കുന്ന ഈ സേന കുറ്റകൃത്യങ്ങൾ തടയാനുള്ളതാണ്. സത്യപ്രതിജ്ഞാ ദിവസം നൽകിയ വാഗ്ദാനമാണ് വിജയ് പാലിച്ചത്

തെരഞ്ഞെടുപ്പ് തോൽവിക്ക് കാരണം സംഘടനാ ദൗർബല്യവും യുഡിഎഫ്-ബിജെപി ഡീലുമാണെന്ന് സിപിഎം. വെള്ളാപ്പള്ളിയുടെ പരാമർശം, യോഗിയുടെ സന്ദേശം തുടങ്ങിയ വിഷയങ്ങളിലെ പിഴവുകൾ പാർട്ടി ഏറ്റുപറഞ്ഞു. തോൽവിയിൽ പിണറായിയെ സംരക്ഷിക്കുന്നതാണ് സിപിഎം നിലപാട്

ടിനി ടോം അപകീർത്തിപ്പെടുത്തുന്ന സന്ദേശം അയച്ചതിൻ്റെ തെളിവുകൾ തൻ്റെ പക്കൽ ഉണ്ട്. ഈ സന്ദേശം അയച്ചത് എക്സിക്യൂട്ടീവ് കമ്മിറ്റിയുടെ വാട്സാപ്പ് ഗ്രൂപ്പിലാണെന്നും അൻസിബ പറഞ്ഞു.

തെരഞ്ഞെടുപ്പ് തോൽവി അപ്രതീക്ഷിതമെന്ന് സമ്മതിച്ച സിപിഎം, പാർട്ടിയുടെ തിരുത്തൽ നടപടികൾക്കായി പൊതുജനങ്ങളിൽ നിന്ന് അഭിപ്രായം തേടുന്നു. ഇതിനായി ഒരു വാട്സാപ്പ് നമ്പറും ഇമെയിൽ ഐഡിയും പാർട്ടി പുറത്തുവിട്ടതായി സംസ്ഥാന സെക്രട്ടറി എം വി ഗോവിന്ദൻ അറിയിച്ചു

കർണാടക മുഖ്യമന്ത്രി ഡി കെ ശിവകുമാർ താൻ കടിച്ച ആപ്പിൾ അണികൾക്ക് നേരെ എറിഞ്ഞുകൊടുത്തത് വിവാദമായി. ഇത് കോൺഗ്രസിന്റെ ധാർഷ്ട്യവും ജനങ്ങളെ അവഹേളിക്കലുമാണെന്ന് ബിജെപി. സോഷ്യൽ മീഡിയയിലും ശിവകുമാറിനെതിരെ വ്യാപക വിമർശനം

തമിഴ്‌നാട്ടിൽ മുഖ്യമന്ത്രി സി ജോസഫ് വിജയ്‌യുടെ സർക്കാർ അധികാരമേറ്റതോടെ അഴിമതി കുറഞ്ഞെന്ന് എൻഡിഎ നേതാവും പിഎംകെ അധ്യക്ഷനുമായ അൻപുമണി രാമദാസ്. ഒരു മാസം കൊണ്ട് തന്നെ പ്രകടമായ മാറ്റങ്ങൾ ദൃശ്യമാണെന്നും അദ്ദേഹം വിവരിച്ചു

ഇന്ത്യ സഖ്യ യോഗത്തിന് മുന്നോടിയായി രാഹുൽ ഗാന്ധിക്കെതിരെ ഫ്ലക്സ് ബോർഡുകൾ സ്ഥാപിച്ചത് തങ്ങളാണെന്ന് ഡിഎംകെ സ്ഥിരീകരിച്ചു. പാർട്ടി മുഖപത്രമായ മുരശൊലിയിലൂടെയാണ് ഈ വെളിപ്പെടുത്തൽ. പ്രവർത്തകരുടെ വികാരം അറിയിച്ചതാണെന്നും ഡിഎംകെ വ്യക്തമാക്കി

വിജയ് സർക്കാരിനെ പിന്തുണച്ച 21 എഐഎഡിഎംകെ വിമത എംഎൽഎമാരെ അയോഗ്യരാക്കണമെന്ന് ആവശ്യപ്പെട്ട് നൽകിയ കത്ത് പാർട്ടി ജനറൽ സെക്രട്ടറി ഇപിഎസ് പിൻവലിച്ചു. ഇതേത്തുടർന്ന് ഇവരെ അയോഗ്യരാക്കില്ലെന്ന് സ്പീക്കർ അറിയിച്ചത് വിമത എംഎൽഎമാർക്ക് ആശ്വാസമായി

സംസ്ഥാനത്തിന് ആശ്വാസമായി പുതിയ കാലാവസ്ഥാ പ്രവചനം. നാളെ മുതൽ മഴയുടെ ശക്തി കുറയുമെന്നും റെഡ്, ഓറഞ്ച് അലർട്ടുകൾ ഉണ്ടാകില്ലെന്നും കേന്ദ്ര കാലാവസ്ഥാ വകുപ്പ് അറിയിച്ചു. അതേസമയം ഇന്ന് 3 ജില്ലകളിൽ റെഡ‍് അലർട്ടും 2 ജില്ലകളിൽ ഓറഞ്ച് അലർട്ടും പ്രഖ്യാപിച്ചു

ദേശീയപാതയിൽ വൺവേ തെറ്റിച്ചുകൊണ്ട് കെഎസ്ആർടിസി ബസിൻ്റെ യാത്ര. ടോൾ അടയ്ക്കാൻ പണമില്ലാതെ വന്നതോടെ ബസ് വന്ന വഴി തിരികെ ഓടിച്ചുവെന്നാണ് ജീവനക്കാരുടെ വിശദീകരണം.

സിപിഎമ്മിൽ നേതൃമാറ്റം വേണമെന്ന കീഴ്ഘടകങ്ങളുടെ ആവശ്യം വെട്ടി സംസ്ഥാന സെക്രട്ടേറിയറ്റ്. പ്രതിപക്ഷ നേതാവ് പിണറായി വിജയനും സിപിഎം സംസ്ഥാന സെക്രട്ടറി എം വി ​ഗോവിന്ദനും എതിരായ വിമർശനങ്ങളും ഒഴിവാക്കി.

ഷിഗെല്ല സ്ഥിരീകരിച്ച കുട്ടികളുടെ കുടുംബാംഗങ്ങൾക്ക് രോഗലക്ഷണം ഉണ്ടെങ്കിൽ ചികിത്സ തേടാൻ നിർദേശം. രോഗലക്ഷണങ്ങൾ ഉള്ള കുട്ടികളുടെ വീടുകളിലെ കിണറുകൾ ക്ലോറിനേറ്റ് ചെയ്യും.

സംസ്ഥാനത്ത് ട്രോളിംഗ് നിരോധനം ഇന്ന് അർദ്ധരാത്രി നിലവിൽ വരും. ജൂലൈ 31 വരെ 52 ദിവസമാണ് നിരോധനം. നിരോധനം ലംഘിക്കുന്നവർ കർശന നിയമ നടപടി നേരിടേണ്ടി വരും.